Skip to main content
80

Dette jobopslag er udløbet

Borgmesterip Allatseqarfianut AC-fuldmægtig / Atorfiup nr-a 526/17

Borgmesterip allatseqarfia tunniusimasumik, pikkorissumik sunniuteqarluartumillu AC-fuldmægtigimik pissarsiorpoq Nuummi atorfimmut innutaasunik peqataatitsinerunissap atuutsilernissaanut ineriartortitsinissamillu pingaarnertut suliaqartussamik.

Ukiakkut 2016-imi kommunimi innuttaasunik peqataatitsinerulernissaq pillugu periusissiaq siulleq Kommunalbestyrelsimit akuersissutigineqarpoq. AC-fuldmægtigitut suliassarissavatit periusissiap atuutsilernissaa, suliniutinik sammisassanillu aallartisaaneq, innuttaasunik peqataatitsinerulernissamut tunngatillugu politikkikkut aalajangiinerit kommunimit suliarineqarnissaat qulakkiissallugu, periusissiamilu anguniakkatut siunniussat qulakkiissallugit.

Borgmesterip allatseqarfiani AC-fuldmægtigitut, suliassanut akisussaasuunissat naatsorsuutigineqartumi, atorfimmi namminersorfiusorujussuarmi sulissaatit. Ammasuussaatit pimoorussisuullutit namminerlu iliuuseqarusussuseqarlutit, suliffeqarfimmilu qaffasissutsit assigiinngitsut assigiinngitsunillu suliallit akornanni suleqataasinnaassuseqarlutit. Politikkikkut pissanganartorsiorfiusumi inuillu assigiinngitsorpassuit akornanni aamma piffissap ingerlanerani suliniutit ilusaasa imarisaasalu allanngorfigisinnaasaanni sulineq nuannarissavat.

Illit suliassatit

  • Kommunip innuttaasunik peqataatitsinermut periusissaata atulersinneqarnissaa
  • Innuttaasut sassartitassaannik pilersitsineq
  • Isumaga, app-i pingaarnertut inuusuttunik peqataanerulersitsinissaq siunertaralugu ineriartortitaq, allaffissornikkut suliaralugu.
  • Innuttaasunik peqataanerulersitsinissamut periutsinik nutaanik ineriartortitsineq (periutsit najoqqutassat)
  • Ingerlatsiviit siunersioqatigisarnissai innuttaasunillu peqataanerulersitsinissamut suliniutinut suleqataaneq
  • Suliniutinik aallartitsineq, naammassinninneq ataqatigiissaarisuunerlu
  • Suliassanik saqqummiussassaliornerit, oqaaseqaasiornerit, allakkiornerit il. il..
  • Inatsisitigut suliassanik nukinginnartunik isumaginninnerit

Neqeroorutigaavut

  • Namminersorluarsinnaaneq akisussaassusilimmik kiffaanngissuseqarluni
  • Suliassat allanngorartut pissanganartullu
  • Suleqatit sulilluartut pikkorissullu

Suliffik ulapaarfiusoq, ilaannikkut suut tamarmik sukkasuumik piffissakiffiusumilu suliassaasarmata.

Pineqaatissinneqarsimannginnermut uppernarsaat:
Atorfik taanna pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiuvoq. Inatsit naapertorlugu kommune pineqaatissinneqarsimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaattumik malugeqqussavarput kommune Politiinit pineqaatissinneqarsimannginnermut uppernarsaat aatsaat tiguppagu atorfiniffiusussaq isumaqatigiissutigineqarsinnaammat.

Akissaatinut atorfinitsitaanermullu tunngatillugit atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinititsisoqassaaq.

Atorfinititsineq qaammatini pingasuni misiliutitaqassaaq.

Atorfimmut atatillugu inigisassamik innersuussisoqarsinnaanngilaq. 

Qinnuteqaat:
Qinnuteqaatip ilisarnaataata Job nr. 526/17, aamma ilinniagaqarsimaneq siornatigullu sulisimanermik pillugit paasissutissartalik, soraarummersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimit tiguneqareersimassaaq.

Imatut qinnuteqaateqassaatit:           
Atorfik qinnuteqarfigerusutat takugukku, uagutsinnut qinnuteqaammik nassitsissuutit nittartagarput aqqutigalugu.
Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

 

Qinuteqaat tunniunneqassaaq kingusinnerpaamik: 15. september 2017
Atorfininneq: Isumaqatigiissuteqarnikkut
Akunnerit suliffiit: Ulloq naallugu
Suliffik: Nuuk
Paasissutissat allat uani piniarneqarsinnaapput: Christina Heilmann Rasmussen
Telefon: +299 367028
Nittartagaq: http://www.sermersooq.gl
Qinnuteqaat nassiutiguk