Skip to main content
108

Atuarfik Hans Lynge Immikkut atuartitsinermik siunnersortissarsiorpoq / Atorfiup normua 481/18

Atuarfik Hans Lynge Nuummi Qinngutsinni inissisimavoq. Atuarfik pinngortitamik nuannersumik avatangiiseqarpoq qaqqat, kuut tatsit qanitaralugit. Atuarfik nutaaliaavoq 2011-imi atulerneqartoq. Atuarfiup init atuartitsinermi atugassat atuartitsinermilu atortorissaarutit tamaasa pigai, soorlu smartboardit whiteboardillu.  

Atuarfik 1.klassimiit 10.klassimut atuartuuteqarpoq, Nukarlerni klassit naligiit pingasukkaat, Akullerni Angajullernilu klassit naligiit marlukkaat. Massakkut atuarfik 506-inik atuartoqarpoq 41-nillu ilinniartitsisoqarluni.

Suleqatigiit ingerlalluartut, angerlarsimaffiup atuarfiullu akornanni pitsaasumik oqaloqatigiinnikkullu attaveqarfiusumik suleqatigiinneq, aqutseriaaseq ersarissoq ulluinnarnilu angajoqqaanik pitsaasumik suleqateqarneq atuarfimmi atuupput.

Naatsorsuutigaarput atuartut, ilinniartitsisut angajoqqaallu tamarmik piumassuseqarluarlutik, tunniusimallutik pitsaasumik isiginnittaaseqarlutik suleqatiginnissasut. 

Immikkut atuartitsinermut siunnersortissarsiorpugut, atuarfitsinni immikkut atuartitsinermik ataqatigiissaarisussamik allatigullu atuartuutitsinnik ikorfartuutitut suliniutinut ataqatigiissaarisussamik. Suliniutit pingasut ukuupput: Kursuscenteri, tassani atuartut piffissami sivikitsumi sivisunerusumiluunniit atuagarsornikkut qaffassarniarlugit eqimattani atuartinneqarput. Fokuscenteri; tassani atuartut inuttut ineriartorluarnissaannut sakkussaannik tunineqassapput pissusilersornikkullu inuttullu attaveqarnikkut aporfiusinnaasut qaangernissaannut aqqutissiuunneqarlutik. Familieklassi, tassani atuartut angajoqqaatik suleqatigalugit inuttut anguniagalersukkamik aqqutissiiuunneqarlutik akisussaaffeqarluartumik atuartuuneq sammissavaat.  

Paasissutissat allat piniarneqarsinnaapput uunga saaffiginninnikkut: atuarfimmi pisortaagallartoq Malene Kongpetsak Telefon: +299 36 64 51, e-mail mako@sermersooq.gl. atuarfiup pisortaata tullia Laila Vivian Petersen, tlf.nr.: 366452, e-mail: lavp@sermersooq.gl


Meeqqanik pinerliisimannginnermut aammalu pineqaatissinneqarsimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommune uppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat.
Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.

Aningaasarsiat atorfininnermilu atukkat:
Aningaasarsiat atorfininnermilu atukkat aaqqinneqassapput Naalakkersuisut Ilinniartitsisut Meeqqat Atuarfianneersut Kattuffiat, IMAK, akornanni isumaqatigiissut malillugu.

Inissaq:
Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il. qulaani taaneqartoq innersuussutigalugu akiliuteqartoqassaaq. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: www.iserit.gl

Atorfiniffissaq ullulerneqassaaq suliffimmut atasumik inissaqartitsisoqarnera apeqqutaatillugu. Inatsisit atuuttut naapertorlugit atorfininnermut atatillugu angalaneq pisattanillu nassiussineq akilerneqassapput.

Qinnuteqaat:
Qinnuteqaatip ilisarnaataata Job nr. 481/18, aamma ilinniagaqarsimaneq siornatigullu sulisimanermik pillugit paasissutissartalik, soraarummersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimit tiguneqareersimassaaq.

Imatut qinnuteqaateqassaatit:                                                                                       
Atorfik qinnuteqarfigerusutat takugukku, uagutsinnut qinnuteqaammik nassitsissuutit nittartagarput aqqutigalugu.
Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

Qinuteqaat tunniunneqassaaq kingusinnerpaamik: 23. juli 2018
Atorfininneq: Isumaqatigiinnikkut
Akunnerit suliffiit: Ulloq naallugu
Suliffik: Nuuk
Paasissutissat allat uani piniarneqarsinnaapput: Skoleinspektør Malene Kongpetsak
Telefon: +299 366221
Nittartagaq: http://www.sermersooq.gl
Qinnuteqaat nassiutiguk