Skip to main content
107

Aqqusinermi ujartuillutik angalaartussatutu suliffimmi piæersinneqaqqammersumi isumaginninnermi suliaqartunik pissarsiorpoq

Kommuneqarfik Sermersuumi Isumaginninnermut, Suliffeqarnermullu Ingerlatsivik aqqusinermi ujartuisussamik sap.ak. 40 tiimit angalaarluni sulisartussamik ataatsimik isumaginninnermi suliaqartumik pissarsiorpoq. Juliip aallaqqaataanit imaluunniit isumaqatigiinninnikkut aallartissinnaasumik.

Aqqusinermi ujartuilluni angalaartartut pillugit
Kommuneqarfik Sermersuumi aqqusinermi ujartuillutik angalaartussat Isumaginninnermut, Suliffeqarnermut Inuussutissarsiornermullu Ingerlatsivimmi oqartussaaffeqarfimmiipput.

Matumani sullinneqartut innuttaasuupput inuttut ilungersunarnerpaamik inissisimasut isumassorneqarnissamik, tapersersorneqarnissamik malugineqarnissamillu pisariaqartitsinerpaat. Sullinneqartut annertuumik sivisuumillu atornerluisuuneq amerlasuutigut ilisarnaatigisarpaat. Innuttaasut inuttut ilungersunarluinnartumik inissisimasut namminneerlutik ikiorneqarnissamik ujartuinngitsut pillugit, aqqusinermi ujartuillutik angalaartussanit naapinneqartartussaapput. Aqqusinermi ujartuillutik angalaartussat innuttaasup pisortat oqartussaqarfiit, nakorsat, ilaquttat allallu attaveqarfigiinnarnissaannut ataqatigiissitsisuussapput, pisariaqartillugulu pinartunut suliniuteqartartuussallutik.

Angalaartussat innuttaasut inuttut ilungersunarnerpaamik inissisimasut ornittagaannut orniguttassapput. Assersuutigalugu aqqusinermi, ornittakkani imaluunniit innuttaasut namminneq angerlarsimaffiini.

Aqqusinermi ujartuillutik angalaartussat: 

  • Inuunermi piumassuseqalernissaq pitsaasumillu inuuneqalernissaq siuarsarniarlugit innuttaasut ilungersunarnerpaamik inisissimasut ujartorneqartarlutillu tapersersorneqarlutillu isumassorneqassapput.
  • Tamakkiisumik isumaginninneq tunngavigalugu innuttaasup ajornartorsiutaanik paasiniaaneq ersarissaanerlu
  • Aqqusinermi ujartuillutik angalasartut ikiortagassaat tassaapput atugarliornerpaat, assersuutigalugu pisortat ikiorsiissutaat, iluaqusersuutit katsorsaanissamullu periarfissat pillugit siunnersortassavaat aqqutissiuullugillu. Aqqusinermiittartut innuttaasoq suliamik ingerlatsisartunut, nakorsanut, ornittakkanut allanulluunniit pineqartumut naleqquttumut attaveqalernissaanik ikiussavaat, innuttaasup pisariaqartitaanik ikiorneqarnissaa qularnaarniarlugu.

Naatsorsuutigaarput, illit:

  • isumaginninnermik suliaqarnermi ilinniagaqartutit imaluunniit sullitat sullinnerinik misilittagaqartutit
  • tatituujusutit namminerlu killissatit ilisimaaralugit
  • namminersorsinnaasutit suliamullu aallussisinnaallutit
  • inooqataasutit, isumassiuisoq ataqqinnittorlu
  • Marluinnik oqaaseqartuusutit

 Neqeroorutigaavut:

  • suliffik pissanganartoq qanoq innissaanik nammineq sunniuteqarsinnaanissannik periarfissaqarluartoq
  • ulloq tamatigoortoq akisussaaffeqartumik ingerlataralugu
  • Inuttut suliamullu tunngasutigut ineriartorneq
  • innuttaasuni atugarliornerpaat pillugit sunniuteqarfigisinnaallugit
  • suliat pillugit oqaloqatiginninneq sulianullu tunngatillugu siunersioqatigiinneq

Akissaatit atorfinitsitaanermilu atugassarititaasut: 
Isumaqatiginninniarsinnaatitaasup akornanni isumaqatigiissut atuuttoq naapertorlugu, akissarsiaqartitsisoqarlunilu atorfinitsitsisoqassaaq.

Qaammatini pingasuni misiligummik atorfinitsitsisoqassaaq.

Atorfimmut atatillugu inissiamik innersuussisoqarsinnaanngilaq.

Qinnuteqaat:
Qinnuteqaatip ilisarnaataata Job nr. 335/18, aamma ilinniagaqarsimaneq siornatigullu sulisimanermik pillugit paasissutissartalik, soraarummersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimit tiguneqareersimassaaq.

Imatut qinnuteqaateqassaatit:  
Atorfik qinnuteqarfigerusutat takugukku, uagutsinnut qinnuteqaammik nassitsissuutit nittartagarput aqqutigalugu.
Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

 

Qinuteqaat tunniunneqassaaq kingusinnerpaamik: 04-06-2018
Atorfininneq: Isumaqatigiinnikkut
Akunnerit suliffiit: Ulloq naallugu
Paasissutissat allat uani piniarneqarsinnaapput: Anne á Dalbø
Telefon: +299 36 80 40
Nittartagaq: http://www.sermersooq.gl
Qinnuteqaat nassiutiguk