Skip to main content
118

Allagarsiuteqqitaq / Suleqatigiinni aqutsusoq Innersuussisartoqarfimmi Nuummi Meeqqat Ilaqutariinnullu immikkortortaq / Atorfiup nr-mua 321/18

Isumaginninnermut siunnersortitut ilinniagaqarpit aamma meeqqanut ilaqutariinnullu tunngasut pingaartitaraagit?

Allaffissornikkut tunngaviliinissap nutaap atuutilernissaanut pingaarutilittut peqataanissat kiisalu sulineq pillugu aaqqissuussaaneq nutaaq pillugu suliaqarnissat sapiissuseqarfigaajuk?  Kommuneqarfik Sermersooq Innersuussisoqatigiit pisortassaannik pikkorissumik pissarsiorpoq 

Politikkikkut suleqatigiinnissamik isumaqatigiissut ”Kommuneqarfik Sermersooq – kommune illoqarfittut pingaarnersaqarfik siumukarfiusoq. Siuariartorneq – Toqqissisimaneq– Inerikkiartorneq” meeqqanut ilaqutariinnullu tunngasunik ineriartortitsinissamut ukiuni sisamani tulliuttuni aallaaviussaaq. Meeqqanut inuusuttunullu atugarliortunut suliniutit annertuumik pitsanngorsaavigineqassapput. Suliami uani anguniakkat pingaarnersaasa ilagaat inatsit atuuttoq naapertorlugu eqqortumik sullissineq.

2018 apriilip qeqqani sulineq pillugu nutaamik aaqqissuussineq ataatsimik ukkataqarluni immikkoortortaqartoq kommune tamakkerlugu atuuttussaq eqqunneqassaaq: Innersuussisartoqatigiit.  Kommuneqarfik Sermersooq Innersuussisartoqatigiinnut aqutsisussarsiorpoq suliassanut makkununnga pituttortussatut:

  • Kalerriutigineqartunik aqutsineq
  • Inunnut innarluutilinnut sullissineq
  • Isumaginnittoqarfimmi sulianik misissuinissamut piareersaaneq
  • Qanoq iliuusissamut pilersaarutinik piareersaassineq.
  • Isumaginninnermi pigaartoq

Meeqqanut ilaqutariinnullu susassaqarfimmi suleqatigiinnut aqutsisutut ullut tamaasa isumaginninnermut sullissisunut aqqaneq-marlunnut fagitigut aqutsisuussaatit.  Ilinniartitsinerit, ullormut siunersiueqateqartarnissaq kiisalu sullissinermi periutsit akuerisat atorlugit  isumaginninnermullu tunngatillugu fagitigut pitsaassutsit pillugit nakkutiginninneq akisussaaffigissavatit.   Ulluinnarni unammillernartut amerlasuut aquttussaassavatit ajornartorsiutillu pilertortumik takkuttartut amerlaqisut aquttussaassallugittaaq.  Taamaattumik tatituujunissat, suliatigut ukkassilluarsinnaaneq pimoorussilluarnissarlu pisariaqarput soorlu aamma akisussaaffimmik annertuumik nammakkiussaqarsinnaaneq sillimaffigisariaqassagit. 

Aaqqissuussaaneq eqqarsaatigalugu meeqqanut ilaqutariinnullu ingerlatsivimmi Meeqqanut Ilaqutariinnullu Immikkoortortaqarfimmi inissisimassaatit Innersuussisartoqatigiit immikkoortortaqarfiani aqutsisoq qullersaralugu.   Kommunimi aqutsisoqatigiinnut ilanngutissaatit Meeqqanut Ilaqutariinnullu immikkoortortaqarfimmi suleqatigiinni aqutsisut allat suleqatigilerlugit.  Sullissisunut aqqaneq-marlunnut fagitigut aqutsisunngussaatit, taakku tamarmik Nuummi inissisimapput.

Atorfik marsip aallaqqaataani 2018 isumaqatigiissuteqarnikkulluunniit inuttalerneqarsinnaavoq.

Akisussaaffeqarfiit:

  • Kommune tamakkerlugu kalerriutigineqartartut aqunnissaannut tunngatillugu qaffasissumik fagitigut ataatsimut ukkataqarneq, tamassumalu atatiinnarnissaanut ukkataqarneq.
  • Suliat ingerlanerisa aqutsinerillu pitsaassusaannik qulakkeerinerit kiisalu meeqqanut tapeqartitsinermut inatsit naapertorlugu piffissarititat malillugit suliaqarneq suliffeqarfiullu iluani suliat allaaserineqarnerisa aqunnissaat.
  • Inuit innarluutillit pillugit susassaqarfimmi ataatsimut ukkataqarneq tunngavigalugu fagitigut qaffasissumik qulakkeerinerit
  • Ulluinnarni fagitigut aqutsineq
  • Sullitanut sullissinermi fagitigut pitsaasumik nakkutilliineq – fagitigut "suliap pitsaassusissaanik qulakkeerinnittuuneq”
  • Fagitigut periutsit atortarneri pillugit suleqatit ilinniartinneri
  • Suliassanut ataasiakkaanut siunersiueqatigiittarnissaq
  • Allaffissornikkut tunngaviusut atuutsinnissaannut qulakkeerineq
  • Suliffeqarfiup iluani piffissarititat naapertorlugit atuutsinnissaannut qulakkeerinerit
  • Piginnaanerit innersuussinissamullu pilersaarutit nakkutiginerat atuutsinnerallu
  • Suliassat allat Innersuussisoqatigiit immikkoortortaqarfiani aqutsisorlu isumaqatigiinnikkut suliarinissaat

Ilinnut tunngasut 
Matuma allatap tulliani allassimasut amerlanersaat ilinnut eqqortuunissaat naatsorsuutigaarput:

  • Isumaginninnermut Siunnersortitut ilinniagaqarputit susassaqarfimmilu sulinermit patajaatsumik misilittagaqarlutit
  • Aqutsisutut sapiissuseqarputit aqutsisutullu misilittagaqaruit pitsaassaqaaq 
  • Peqqissaarussineq nukittuffigivat: "Fagitigut najoqqutassaqartitsilluartoq"
  • Inuttut inniminartuuvutit sunniussinnaassuseqarlutit fagitigut aalajangikkat pillugit paasisimasaqarnerit siunniussaqarfigisinnaallugit aamma qanorluunniit misigissutsikkut sakkortuumik akimmisaarneqaraluaruit.
  • Tatituujunissat, sulerusussuseqarlutit iliuuseqarusussuseqarlutillu.
  • Tatiginartumik piumassuseqarlutit suliat piginnaaneqarfigalugit tulluarsarsinnaallugit sulisinnaassuseqassaatit aamma naammassisaqarsinnaaneq ilisimaarilluartariaqarlugu.
  • Nammineq aqutsisutut ineriartornissamut piumassuseqarlutillu piginnaaneqassaatit suleqatigiinni suleqataanissamut kiisalu ingerlatsivimmi aqutsisoqatigiinni aqutsisullu aaqqissuussaanerannut peqataallutit.
  • Inunnut allanut pisimasunik soqutigisaqassaatit akueriuminartumik tutsuiginartumillu (sulisunut, suleqatinut, suleqatigisanullu allanut il.il.)
  • Aaqqissuussaanermi ineriartortuartumi sulerusussuseqarputit
  • Kalaallit Nunaanni pissutsinik ilisimasalik aamma kalaallisut oqalussinnaaneq iluaqutaassaaq.

 Neqeroorutigaarput:

  • Sulineq pissanganartoq allangorartorlu unammillernartut amerlasuut kiisalu annertuumik sunniuffiusoq.
  • Siunersiuineq.
  • Suliatigut inuttullu ineriartornissamut periarfissat pitsaasut.
  • Kalaallit Nunaanni illoqarfiit annersaanni najugaqarnissamut periarfissaq, kiisalu kitaani tunumilu illoqarfinnut nunaqarfinnullu allanut angalanissanut periarfissat.

Meeqqanik pinerliisimasinnaanermut uppernarsaat:
Atorfik taanna meeqqanik pinerliisimasinnaanermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiuvoq. Taamaattumik malugeqqussavarput Rigspolitiinit pinerliisimasinnaanermut uppernarsaat pissarsereerpat atorfinitsitineq aatsaat pisinnaavoq meeqqanik pinerliisimasinnaanermut allagartat naammaginartutut isigineqarpat.

Pinerluuteqarsimasinnaanermut uppernarsaat:
Atorfik taanna pinerluuteqarsimasinnaanermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiuvoq. Taamaattumik malugeqqussavarput Politiniit pinerluuteqarsimasinnaanermut uppernarsaat pissarsereerpat atorfinitsitineq aatsaat pisinnaavoq pinerluuteqarsimasinnaanermut allagartat naammaginartutut isigineqarpat.

Akissaatinut atorfinitsitaanermullu tunngatillugit atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussat AK-llu isumaqatigiissutaat Imaluunniit allamik naleqquttoq atuuttuusoq Kalaallit Nunaannilu kattuffiup isumaqatiginninniarsinnaatitaasup isumaqatigiissutaat atuuttut malillugit.

Atorfinitsitsineq qaammatini pingasuni siullerni misiliummik atorfinitsitsisoqassaaq.

Inissaq:
Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il. qulaani taaneqartoq innersuussutigalugu akiliuteqartoqassaaq. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: www.iserit.gl

Erseqqissaatigineqassaaq atorfinitsinneqarnerup uppernarsarneqarnerata kinguninnguatigut ingerlaannartumik initaarnissaq pisinnaanngimmat, aatsaalli inissaq pissarsiarineqarpat nuuttoqarsinnaalluni/ atorfinittoqarsinnaalluni. Malittarisassat atuuttut malillugit atorfininnermi angalanermut akiliussisoqassaaq aamma pequtit assartorneqarnerat akilerneqassaaq.

Qinnuteqaat:
Qinnuteqaatip ilisarnaataata atorfiup normua 321/18, aamma ilinniagaqarsimaneq siornatigullu sulisimanermik pillugit paasissutissartalik, soraarummersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimmit tiguneqareersimassaaq.

Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassitsissuutit nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

Qinuteqaat tunniunneqassaaq kingusinnerpaamik: 29. maj 2018
Atorfininneq: Isumaqatigiinnikkut
Akunnerit suliffiit: Ulloq naallugu
Suliffik: Nuuk
Paasissutissat allat uani piniarneqarsinnaapput: Martha L. Olsen
Telefon: +299 367322
Nittartagaq: http://www.sermersooq.gl
Qinnuteqaat nassiutiguk