Skip to main content
85

Dette jobopslag er udløbet

Allagarsiuteqqitaq / Nuummi suliniummik atuutsitsilernissamut atuarfinnut siunnersortissarsiorneq / Atorfiup normua 748/18

Meeqqat atuarfianni nutaamik iPad atorlugit atuartitseriaatsip atuutsilernissaanut atuartitsinermut siunnersortimik.

Ilinniartitsisut qanimut suleqatiginerisigut meeqqat atuarfianni atuartitsineq allanngortikkusuppiuk pitsanngorsarlugulu? Atuarfimmi atuartitseriaatsinut misilittagaqarpit ilinniartitsisut atuartunut soqutiginartumik, misilittaaffiusumik pilersitsiviusumillu atuartitseriaatsimik aallussinissaannik isumassarsiortissinnaavigit kajumissaarlugillu? It atorlugu (annertumik iPadit) ilikkartitsinissamut anguniagassannut sakkussatut atorsinnaavigit? Taava Kommuneqarfik Sermersuup Atuarfik Ulluuneranilu Neqeroorutinut Immikkoortortaqarfimmi atuartitsinermut siunnersortitut atorfik ilinnut pilersissimavarput.  

Neqeroorutigaavut

  • Ineriartortitsinissamut periarfissaq atuartitseriaatsimillu nutaamik atulersitsinissaq.
  • Akisussaaffik annertooq suliannullu sunniuteqarsinnaaneq annertooq.
  • Ullut tamaasa assigiinngitsunik suliassaqarfillit, nuna tamakkerlugu atuartitsinermi suliniummut annertuumut sunniuteqaqataallutit.
  • Sulianut tunngasunik ilisimasaqaqatinik atuartitsinermi siunnersuisoqaqatinnik suliniummullu aqutsisumit avitseqatigiinnissamut periarfissaqarluarneq.
  •  Ulluinnarni sulineq pissanganartoq suleqatit pikkorissut tunniusimasullu suleqatigalugit.
  • Aqutsisunit tapersersorneqarluarneq.
  • Ulluinnarni kommunimi meeqqat atuarfiini atuartitsivinni aqutsisunillu qanimut suleqateqarneq.

Atorfik suliffissarlu pillugit.

Kommuneqarfik Sermersooq Nunatsinni kommunit sisamat allat peqatigalugit suliniummik ”Kalaallit Nunaanni atuarfeqarfinnik pitsanngorsaaneq”-mik taaguutilimmik aallartitsiniarpoq. Suliniut ilaatigut ilinniartitsinernik atuartitseriaatsinillu nutaanik, ilinniartitsisunut aaqqissuusaaneq suleqatigiinnerlu nutaamik imaqarpoq atuartunut atuartitsisunullu tamanut iPadit. Suliniummik ataavartumik aallartitsisoqassaaq, aallartitsiniarnerup nalaani  atuarfinnit ataasiakkaanit tapersersorneqarnissaq periarfissaavoq. Suliniut Nuummi aallarteqqaassaaq kingornalu kommunimi illoqarfinni allani aallartinneqassalluni. Atuartitsinermut siunnersortit Kommuneqarfik Sermersuumi atuutsitsilernissamut siuttuussapput.

Atuartitsinermut siunnersortitsitut suleqatitit marluk allat peqatigalugit kommunimi meeqqat atuarfianukartassaatit ilinniartitsisullu atuartitseriaatsinik suleqateqariaatsinillu nutaanik atuutsitsilernerannik tapersersussallugit. Ilinniartitsisoqatigiit atuartitsinerannut peqataasaatit, kingorna ilinniartitsisut ataasiakkaat suleqatigalugit ingerlatseqatigissavatit nalilersueqatigissallugillu. Atuartitsinermut siunnersorteqatitit allaffimmioqatigissavatit, sulinivilli annerpaartaani atuarfinniittassaatit, atuarfiup pisortai (atuarfiup aqutsisuisa) ilinniartitsisuisalu akornanni pissanganartumik sulineranni sulissaatit. Atuarfimmi pisortaq avitseqatigisassavat, atuartitsinissamut ilikkartitseriaatsinut perorsaanikkullu ilinniartitsisut ilinniartinnissaannut ilitsersornissannullu piumassuseqassaatit. Tamassuma saniatigut suliniummik aqutsisoq sulisullu suliaqaqataasut qanimut suleqatigissavatit.

Naatsorsuutigaarput:

  • Perorsaanermi ilinniarsimanissat IT atorlugu ilikkartitsinissamut assigisaanillunniit nangitsiviusumik ilinniagaqarsimaneq iluassaaq.
  • iPadit atorlugit atuartitsinermi ilikkartitsiniarnermik perorsaariaatsimillu misilittagaqartutit ilisimasaqartutillu.
  • Atuarfinni sulisunut ilisimasannik nassuiaasinnaasutit timitaliissinnaasutillu.
  • It atorlugu ilikkartitsiniarnermut suliassaqarfimmi ilisimasaqarluartutit.
  • IT atorlugu atuartitsinernik misilittagaqartutit.       
  • Aaqqissuussaasumik suleriaaseqarputit, akisussaassuseqarputit, suliniuteqartuusuuvutit tamakkiisumillu paasinnittumik aaqqiissuteqarsinnaavutit.
  • Namminersorlutik sulisinnaasutit suleqateqallaqqittutillu.


Imatut qinnuteqassaatit: 
Qinnuteqaatit elektroniskimik nassiunneqarnissaat piumaneqarnerupput, quppernermi matumani allerpaami innersuussaq toorukku qinnuteqaatit CV-llu kakkiullugit nassiussinnaavatit.  
Ulloq qinnuteqarfissaq kingulleq: Oktobarip 26-at nal. 12. Naatsorsuutigaarput sap.ak. 44-mi oqaloqatiginninnissarput.

Atorfik atuarfimmi siunnersortitut inissisimavoq. Atorfik piffissami killiligaasumi ukiuni pingasuni, sivitsornissaanik atorfinittoqavinnissaanullu periarfissaqartumik inuttaqartinneqassaaq. Atorfinittumut tunngatillugu inissiamik innersuussisoqarsinnaavoq. Decembarip aallaqqaataani 2018 atorfinittoqarnissaa naatsorsuutaavoq.

Neqeroorutigaavut:
Atorfimmut tunngatillugu neqeroorutigisinnaavarput suliffik pissanganartoq unammillernartoqartorlu kiisalu suleqatit pikkorissut kajumissuseqarluartullu.  Politikkikkut aaqqissuussaanerup paasisimasaqarfigilluarnissaanut periarfissaqarlualissaatit aqutsisullu qanimut suleqatigiumaarlugit.

Meeqqanik pinerliisimannginnermut aammalu pineqaatissinneqarsimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommune uppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat.
Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.

Akissaatinut atorfinitsitaanermullu tunngatillugit atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussat, IMAK-illu isumaqatigiissutaat atuuttoq, imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinititsisoqassaaq.

Inigisaq:
Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il. qulaani taaneqartoq innersuussutigalugu akiliuteqartoqassaaq. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: www.iserit.gl

Atorfiniffissaq ullulerneqassaaq suliffimmut atasumik inissaqartitsisoqarnera apeqqutaatillugu. Inatsisit atuuttut naapertorlugit atorfininnermut atatillugu angalaneq pisattanillu nassiussineq akilerneqassapput.

Qinnuteqaat:
Qinnuteqaatip ilisarnaataata Job nr. 748/18, aamma ilinniagaqarsimaneq siornatigullu sulisimanermik pillugit paasissutissartalik, soraarummersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimit tiguneqareersimassaaq.

Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassitsissuutit nittartagarput aqqutigalugu.
Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

Qinuteqaat tunniunneqassaaq kingusinnerpaamik: 26. oktober 2018
Atorfininneq: Isumaqatigiinnikkut
Akunnerit suliffiit: Ulloq naallugu
Suliffik: Nuuk
Paasissutissat allat uani piniarneqarsinnaapput: Jesper Madsen Telefon: +299 367303
Nittartagaq: http://www.sermersooq.gl
Qinnuteqaat nassiutiguk