Skip to main content
83

Dette jobopslag er udløbet

Allagarsiuteqqitaq - Nuummi angerlarsimaffimmi ikiortit aqutsisumik pissarsiorpoq / 369/18

Nuummi Angerlarsimaffinni ikiortit immikkoortortaat ineriartorluavippoq, suleqatiginissaat soqutiginartikkukku tassa taava illerpiaq imikkoortumi aqutsisunngornissat pisariaqartipparput

Nuummi angerlarsimaffimmi ikiortit sap. ak. akunnerit 40-t sulisinnaasumik immikkoortumi aqutsisumik julip aallaqqaataani 2018-inimi isumaqatigiissuteqareernikkulluunniit sulilertussamik pissarsiorput.

Angerlarsimaffimmi ikiortini suleqataarusuppit, ilaatigut napparsimalluni sulinngitsoornerit, sulilersitsinerit ulluinnarnilu sulisunik assigiinngitsunik misilittagalinnik 20 missiliorlugit amerlassusilinnik tunniusimasunik aqutsinermik soqutiginnippit, taava illit Nuummi angerlarsimaffimmi ikiortini amigaatigaatsigit.

Kommuneqarfik Sermersuumi angerlarsimaffimmi ikiortit innuttaasut katillugit 160 missiliorlugit amerlassusillit angerlarsimaffimminni najugaqartut inuttut ikiorlugit, eqqiaanermi kiisalu pisiniuttarlugit kiffartuuttarpaat.

Immikkoortumi aqutsisutut ulluinnarni suliassat suliarineranni sunniuteqaqataasaatit ingerlatsinermilu pilersaarusiortoq qanimut suleqatigisassallugu, angerlarsimaffinnilu ikiortinit innuttaasunut kiffartuussinerit naapertuunissaat akisussaaffigissallugu. Taakkualu saniatigut angerlarsimaffinni ikiortit immikkoortortaani aqutsisoq kiisalu immikkoortumi aqutsisoq alla sineriammi sulisunik aqutsisoq qanimut suleqatigissallugit.

Angerlarsimaffimmi ikiortini imminut ikiornissamut ikiunissaq, paaqqutarineqalernissaq sioqqullugu sungiusartarneq suleriaaseraarput. Tamannalu utoqqarni suliassaqarfimmi suleqativut qanimut suleqatigalugit suliarisarparput. Periutsip innuttaasut timikkut tarnikkullu pisinnaasaasa allunnerannut inuunerannut pitsanngorsaataassaaq.

2017-ip ukiaagaa innuttaasutta nammineq angerlarsimaffimminni inuunerisa pitsaassusiisa attatiinnarnissaanik periarfissinniarlugit angerlarsimaffimmi ikiortit ulloq unnuarlu kiffartuussinerat aallartippoq.   

Peqataalluarnissaq, attaveqatigiinneq paasissutisseeqatigiinnerlu pingaartitaraavut taamaalilluta neqeroorutigaarput sapaatip akunneq allortarlugu suleqatigiit ataatsimiinneranni eqqartueqatigiittarnissaq soorlu  suliat nutaat, suliamut ilisimasanik eqqartueqatigiinneq, ilinniartitsineq imaluunniit ulluinnarni pisunik eqqartuinissamut pisariaqartinneqaleraangat.

Naatsorsuutigaarput, illit 

  • peqqinnissaq pillugu ilinniagaqarsimasutit suliassaqarfinnilu sulianik angusaqarusussuseqartutit
  • ilaatigut aqutsinermi misilittagaqartutit pitsaasumillu qanilaartumillu aqutseriaaseqartutit
  • suleqatigiit tamarmik ataatsimut anguniakkamut ilisimasaminnut anguniagaqarnissanik qulakkeerinneqataassasutit
  • aqutsilluarnikkut ingerlatsinermi pilersaarusiortoq aqutsisoqatigiillu suleqatigalugit piginnaasanik atorluaanissaq qulakkiissagit.
  • innuttaasut/ilaqutaasullu naatsorsuutaasa pilersaarusiornermut ilanngunneqarnissaat qulakkeerniarlugu tamakkiisumik isiginnillutit ataqatigiissumillu sulissutigissagitit.
  • sulisut piginnaasaasa ataavartumik ineriartortittuarnissaanut suliniaqataassasutit.
  • tamakkiisumik isiginnissinnaassuseqartutit, aammalu suliassanik pingaarnersiuillutit suliaqarsinnaasutit
  • ineriartortitsinissamut aallartitsisinnaassuseqartutit nutaamillu eqqarsarsinnaassuseqarlutit
  • kalaallisut danskisullu oqaaseqartuusutit.
  • suliffimmi avatangiisinik pitsanngorsaaqataarusuttutit, tamatigoorlutillu qiimasuusutit.

Neqeroorutigaavut

  • Suliffeqarfimmi ineriartortitsineq, akisussaaqataaneq sunniuteqaqataasinnaanerillu pingaartinneqartut.
  • suliffik pissanganartoq assigiinngisitaartunik unammilligassarpassuarnillu suliassaqarfiusoq
  • suleqatigiit suleqatigiinnermik pingaartitsisut, ingerlatitsinissamik paasinnittut
  • suliffik suliassaq pingaarneq qitiutillugu aqutsinermi suliffeqarfimmilu angusaqarniarlutik aaqqissuussamik akuerisamillu suliaqartut. 
  • immikkoortortaqarfimmi aqutsisoq, sineriammi sulisunut immikkoortumi aqutsisoq kiisalu ulluinnarni ingerlatsinermi pilersaarusiortoq qanimut suleqatigalugit pitsaasumik suliassanut iseriartuaarneq.
  • sulianut inuttullu piginnaassavit piukkunnaativillu atornissaanut ineriartortinnissaanullu periarfissaqarluassaatit.

Atorfimmut atatillugu apeqqutissaqassaguit imikkoortortaqarfimmi aqutsisuugallartoq Lena Holm saaffiginissaanut periarfissaqarputit, mailikkut: leho@sermersooq.gl  oqarasuaatikkulluunniit: +299 36 61 69.

Kommuneqarfik Sermersooq pingaartitat pingaarnerit pingasut allaavigalugit sulivoq: Ataqqinninneq, akisussaaneq ineriartornerlu, illillu qinnuteqartutut pingaartitanik taakkuninnga pingaartitsisuunissat pingaaruteqarpoq.

Pineqaatissinneqarsimannginnermut uppernarsaat:
Atorfik taanna pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiuvoq. Inatsit naapertorlugu kommune pineqaatissinneqarsimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaattumik malugeqqussavarput kommune Politiinit pineqaatissinneqarsimannginnermut uppernarsaat aatsaat tiguppagu atorfiniffiusussaq isumaqatigiissutigineqarsinnaammat.

Akissaatinut atorfinitsitaanermullu tunngatillugit atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinititsisoqassaaq.

Atorfinititsineq qaammatini pingasuni misiliutitaqassaaq.

Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il. qulaani taaneqartoq innersuussutigalugu akiliuteqartoqassaaq. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq:www.iserit.gl

Atorfiniffissaq ullulerneqassaaq suliffimmut atasumik inissaqartitsisoqarnera apeqqutaatillugu. Inatsisit atuuttut naapertorlugit atorfininnermut atatillugu angalaneq pisattanillu nassiussineq akilerneqassapput.

Qinnuteqaat:
Qinnuteqaatip ilisarnaataata Job nr. 369/18, aamma ilinniagaqarsimaneq siornatigullu sulisimanermik pillugit paasissutissartalik, soraarummersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimit tiguneqareersimassaaq.

Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassitsissuutit nittartagarput aqqutigalugu.
Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

Qinuteqaat tunniunneqassaaq kingusinnerpaamik: 15. juni 2018
Atorfininneq: Isumaqatigiinnikkut
Akunnerit suliffiit: Ulloq naallugu
Suliffik: Nuuk
Paasissutissat allat uani piniarneqarsinnaapput: Lena Holm
Telefon: +299 366169
Nittartagaq: http://www.sermersooq.gl
Qinnuteqaat nassiutiguk