Skip to main content
88

Dette jobopslag er udløbet

Allagarsiuteqqitaq - Nunaqarfinnut ataqatigiissaarisoq Meeqqanut Ilaqutariinnullu Immikkoortortami Tasiilami / Atorfiup normua 173/16

Kommuneqarfik Sermersuup Tasiilami nunaqarfinni tallimani isumaginninnikkut suliniarneq nukittorsarpaa, taamaattumik isumaginninnermi siunnersortimik pikkorissumik tunniussimasumillu nunaqarfinni ataqatigiissaarisumik pissarsiorpoq.

Tasiilami Meeqqanut ilaqutariinnullu siunnersuinermik suliaqarfik meeqqanut ilaqutariinnullu immikkoortortaqarpoq kiisalu meeqqanut ilaqutariinnullu sullissiveqarluni siunnersuinermik, ilitsersuinermik allatullu meeqqanut ilaqutariinnut inooqatigiinniarnermi ajornartorsiuteqartunut ikiorsiisarfiulluni. Meeqqanut ilaqutariinnullu suliassaqarfimmi sulisut 15-it missaanniipput, ilaatigut oqartussaaffeqarfiup illoqarfimmi kommunip allaffianiittumi B 1200-imi meeqqanullu ilaqutariinnullu sullissivik illoqarfimmi meeqqanut angerlarsimaffiusimasumiilluni B 155-imi.

Atorfik inuttassarsiuussaq oqartussanut immikkoortortaqarfimmiippoq, tassa Meeqqanut ilaqutariinnullu immikkoortortami. Atorfik nutaajuvoq taamaattumik sulilersussamut nutaamut suliassat imassaannik immersuinissamut periarfissagissaartorujussuuvoq.

Nunaqarfinni siusinaartumik pitsaaliuinermillu sulineq patajaallisarneqassasoq, Meeqqanut ilaqutariinnullu immikkoortortami kissaataavoq, taamaalilluni meeqqat inuusuttullu ajornartorsiutaannik annertusinnginneranni ikiorsiisoqartarniassammat. Meeqqanut ilaqutariinnullu immikkoortortaqarfiup aamma kissaatigaa atuarfiit, ulluunerani paaqqinnittarfiit, pinnguartarfiit sunngiffimmilu ornittakkat akornanni suleqatigiinnerup patajaallisarnissaa. Sulinermut atatillugu annertuumik angalasarnissaq naatsorsuutigineqassaaq.

Atorfimmi sulineq tamakkiisuuvoq. Meeqqanut ilaqutariinnullu immikkoortortami aqutsisoq Jensine Biilmann ulluinnarni aqutsisorineqassalluni.   
Atorfimmi suliassat / atorfik:

  • Tasiilap nunaqarfiini tallimani angalaneq, tassani nunaqarfinni ataqatigiissaarisup najukkami meeqqanut inuusuttunullu sullissineq pillugu paasissutissanik katersisassaaq. Suliassat allat tassaasinnaapput atuarfinnik, pinnguartarfinnik kommunillu immikkoortortaani sulisunik ataatsimeeqateqartarneq tassani suliarineqartassallutik ilaatigut nalunaarutiginninnerit nunaqarfimmi imaluunniit Tasiilamut oqquteriarlugit ingerlateqqitassanngorlugit suliarineqartassallutik.
  • Angajoqqaarsianik ataatsimeeqateqarnerit taakkununngalu nakkutilliilluni ornillugit pulaartarneq Tasiilami ilaqutariinnik isumassuinermik suliaqartunik suleqateqarnikkut pilersaarusiorneqartassal-lutik.
  • Paasissutissanik pissarsiarnik sulianik sullissinermi killiffinnut tunngatillugit nunaqarfinnut utimut nalunaaruteqartarnerit
  • Nunaqarfinni ataqatigiissaarisoq Tasiilamiikkaangat nunaqarfinnut ulluinnarni attaveqarnerit
  • Nunaqarfinni suliaqartunut siunnersuinerit ilitsersuinerillu
  • Meeqqanik ilaqutariinnillu oqaloqatiginninnerit

Qinnuteqartunut naatsorsuutigineqarpoq:

  • Isumaginninnermi perorsaasutut, perorsaasutut attuumassutilimmilluunniit ilinniakkamik ilinniagaqarneq
  • Ilaqutariinnik meeqqanillu sulinermik nuannarisaqarnissaq
  • Namminersorluni sulisinnaasoq, annertuumik akisussaaffeqarluni nuannarinninneq tarnikkullu patajaatsuuneq
  • Oqaloqatiginnilluni imaajaanissamut ammasoq
  • Ataqatigiissaartumik anguniagaqartumillu sulisinnaasutit
  • Allaffissornermik piginnaaneqarluartutit
  • Inatsisit malillugit sulisinnaasutit
  • Qarasaasiamik nalinginnaasumik atuisinnaasutit qarasaasiarlu atorlugu allattuisinnaasutit. Kommunimi qarasaasianik atuinermi ilinniartitsisoqassaaq.

Tamatuma saniatigut pingaartipparput: 

  • Aalajaatsoq, pitsaassutsimik pingaartitsisoq sukujuaqqanillu eqqummaariffilik
  • Paatsiveerunnani arlalinnik suliaqarsinnaaneq
  • Allattariarsornikkut  oqaluttariarsornikkullu ersarissumik paasinartumillu attaveqarsinnaaneq
  • Namminersorluni sulisinnaaneq, akisussaaffeqarluni
  • Suliassanut tunngatillugu eqaatsuuneq suliassanillu agguaassinermi ingerlaavartumik nalimmassaasinnaaneq
  • Ulluinnarni ulapaarfiusuni ukkatarinnilluni aaqqissuussamillu sulisinnaassuseqarneq
  • Suliassatsinnik suliniarnitsinni peqataalluarluni ineriartortitsillunilu pitsanngorsaasinnaassuseqarneq
  • Arlalinnik suleqateqarluarsinnaassuseqarneq

Qinnuteqartut marluinnik oqaasillit (kal/da) piumaneqarnerupput.

Neqeroorutigaavut:
Suliffik unammilligassartalik imaanik nammineq immersueqataasinnaalluni aaqqissuussamilu ineriartortumi allanngorartumilu annertuumik namminersornermik akisussaassueqarluni sulineq. Suliassanut suliffimmullu isertilluarneqarnissaq pingaartitaraarput anguniartuaannarlugu pitsaasumik suleqatigiinnerup qulakkeernissaa aqutsisunit allanit isumasioqatigiittoqartarluni kiisalu nammineq sunneeqataasinnaanermut pinngorartitsisinnaanermullu inissaqartitsisoqarluni.

Meeqqanik pinerliisimasinnaanermut uppernarsaat:
Atorfik taanna meeqqanik pinerliisimasinnaanermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiuvoq. Taamaattumik malugeqqussavarput Rigspolitiinit pinerliisimasinnaanermut uppernarsaat pissarsereerpat atorfinitsitineq aatsaat pisinnaavoq meeqqanik pinerliisimasinnaanermut allagartat naammaginartutut isigineqarpat.

Pinerluuteqarsimasinnaanermut uppernarsaat:
Atorfik taanna pinerluuteqarsimasinnaanermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiuvoq.
Taamaattumik malugeqqussavarput Politiniit pinerluuteqarsimasinnaanermut uppernarsaat pissarsereerpat atorfinitsitineq aatsaat pisinnaavoq pinerluuteqarsimasinnaanermut allagartat naammaginartutut isigineqarpat.

Akissaatinut atorfinitsitaanermullu tunngatillugit atugassarititaasut: 
Akissarsiaqarnermut atorfinitsitaanermullu atugassarititaasut Namminersorlutik Oqartussat Kalaallit Nunaannilu kattuffiup isumaqatigiissutaat naleqquttoq isumaqatiginninniarsinnaatitaasup isumaqatigiissutaat atuuttut malillugit.

Atorfinitsitsineq qaammatini pingasuni siullerni misiliummik atorfinitsitsisoqassaaq.

Atorfiup ilagaa immikkut pilerinarsakkatut atugassaqartitaalluni atuuttoq, piffissami misiliutitut atuukkallartussaq 1. januar 2017 – 31.december 2019 ilanngullugu. Ukiullu tamaasa nalilersorneqartassalluni.

Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il. qulaani taaneqartoq innersuussutigalugu akiliuteqartoqassaaq. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: www.iserit.gl
Erseqqissaatigineqassaaq atorfinitsinneqarnerup uppernarsarneqarnerata kinguninnguatigut ingerlaannartumik initaarnissaq pisinnaanngimmat, aatsaalli inissaq pissarsiarineqarpat nuuttoqarsinnaalluni/ atorfinittoqarsinnaalluni. Malittarisassat atuuttut malillugit atorfininnermi angalanermut akiliussisoqassaaq aamma pequtit assartorneqarnerat akilerneqassaaq.

Qinnuteqaat:
Qinnuteqaatip ilisarnaataata atorfiup normua 173/17, aamma ilinniagaqarsimaneq siornatigullu sulisimanermik pillugit paasissutissartalik, soraarummersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimmit tiguneqareersimassaaq.

Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassitsissuutit nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

Qinuteqaat tunniunneqassaaq kingusinnerpaamik: 27. marts 2017
Atorfininneq: Isumaqatigiissuteqarnikkut
Akunnerit suliffiit: Ulloq naallugu
Suliffik: Tasiilaq
Paasissutissat allat uani piniarneqarsinnaapput: Tina Dam Rasmsussen
Telefon: +299 36 73 31
Nittartagaq: http://www.sermersooq.gl
Qinnuteqaat nassiutiguk