Skip to main content
91
jobs I ALT

Dette jobopslag er udløbet

Allagarsiuteqqitaq: Meeqqanik Inuusuttunillu Siunnersuisarfik/Misi Tarnip pissusiinik ilisimasalimmik pissarsiorpoq/ Job nr. 563/16

Ajornartorsiutinik meeqqanut, inuusuttuaqqanut ilaqutariinnullu tunngasunik suliaqarneq nuannaraajuk? Kommuneqarfik Sermersuumi perorsaanermi tarnillu pissusiinik ilisimasalittut ajornartorsiutinillu oqaloqatiginnittartussamik tarnip pissusiinik ilisimasalimmik pissarsiortoqarpoq. 

Meeqqanik Inuusuttunillu Siunnersuisoqarfik (Misi) kommunit pingaarnersaanni, Kommuneqarfik Sermersuumi, Meeqqanut, Ilaqutariinnut Atuarfeqarnermullu Ingerlatsivimmiippoq. Assigiinngitsunik sulialinnut atorfeqarfiuvoq taannalu nalinginnaasunik suliassaqarfimmi aamma isumaginninnermi suliassaqarfimmi meeqqat inuusuttuaqqallu pillugit suliniutinut tunngavissiisuuvoq. Meeqqanik inuusuttuaqqanillu suliaqarnermi tamakkiisumik paasissutissanik siuarsaanissaq pillugu kommunip periusissaani Misi pingaarutilittut inissisimavoq.

Misimi oqaloqatiginninneq ingerlattarparput aaqqissuulluakkamillu tunngaveqartumik sulisarluta. Inersimasut meeqqanut akisussaasuut, meeqqat ilikkagaqarnissaannik, iluarisimaarinissaannik ineriartornissaannillu qulakkeerinissamut paasisanik sakkussanillu pissarsinissaat suliassaraarput pingaarnerpaaq. Taamaattumik sulinitsinni tunniussassavut tassaapput, perorsaanikkut tarnillu pissusiinik ilisimasalittut angajoqqaanut aammalu meeqqanik inuusuttuaqqanillu ukioqanngitsuniit 17it tikillugit ukiulinnik sullissisunut siunnersuissalluta. Tamatuma saniatigut immikkoortortaq suliniuteqarnermik ineriartortitsinissamillu immikkoortortamut ilaatinneqarpoq. Meeqqat immikkut pisariaqartitsisut ikorfartorniarlugit ataqatigiissaarinermut immikkoortortaqarfik pilersinniarneqalerpoq.

Illit tarnip pissusiinik ilisimasalittut immikkoortortami sulianut, suleqatigiinnermut pitsaasumillu kiffartuussinermut tunngasut pingaartinneqartumi suleqataalissaatit.  PPRimik suliaqarnitsinni tunniussaqaqataassaatit, aammalu ingerlatsivimmi ajornartorsiutit pillugit oqaloqatiginnittarfitta neqeroorutaasup inerisarnissaanut ingerlanneqarnissaanullu tunniussaqaqataallutit.  Tarnip pissusiinik ilisimasallit suleqatigiinnitsinni soorunami suleqataassaatit, illillu saniatigut tarnip pissusiinik ilisimasallit sisamaapput suliatigut nukittuumik ataatsimoorussaqartut.

Immikkoortortaq Nuummi inissisimavoq, kisianni Kommuneqarfik Sermersooq tamaat sullissaraarput, tassani illoqarfiit nunaqarfiillu ilaallutik, Kalaallit Nunaata Kitaani aamma Tunumi. Taamaattumik sulisilluni angalasarnerit ilaatinneqarput.

Piaartumik isumaqatigiissuteqarnikkulluunniit atorfik inuttalerneqassaaq.

Akisussaaffeqarfiit:

  • Perorsaanermi tarnip pissusiinik ilisimasalittut siunnersuisarneq ingerlatarissallugu
  • Meeqqanut, Ilaqutariinnut Atuarfeqarnermullu/ulluunerni meeqqeriveqarnermullu suliassaqarfimmi sulisunut ajornartorsiutit pillugit oqaloqatiginninnissamut ingerlatsiviup neqeroorutaanik inerisaanissamut tunniussaqaqataaneq.
  • Kommunimi meeqqanut ilaqutariinnullu suliassaqarfimmi sulisut tunngavissinneqarnissaat suliassanik misissuisarnissaq, ajornartorsiutit qaangerniarlugit oqaloqatiginnittarnissaq oqaloqatiginnittarnissarlu siunertaralugit.
  • Siunnersuisartoqatigiinni atorfillit allat peqatigalugit suliatigut aaqqissuussaanikkullu ineriartortitseqqinnerit.
  • Suliniutinut siuarsaaqataasassaatit

Ilinnut tunngasut 

Matuma ataani allassimasut amerlanersaat ilinnut eqqortuussasut naatsorsuutigaarput:

  • Tarnip pissusiinik ilisimasalittut ilinniagaqartutit, piginnaatitaaffigigillu, piumasaqaataanngilarli.
  • Isumaginninnermut suliassaqarfimmit/meeqqanut ilaqutariinnullu suliassaqarfimmit aammalu/imaluunniit PPReqarfimmit paasisimasaqartutit misilittagaqarsinnaallutillu.
  • Ajornartorsiutit qaangerniarlugit oqaloqatiginnittarnernik ilisimasaqarlutillu misilittagaqarputit
  • Inuit assigiinngitsorpassuit oqaloqatiginissaannut inissisimaffiinilu naapinnissaannut piumassuseqarputit piginnaaneqarlutillu
  • Aaqqissuussaanermi ineriartortuartumi sulerusussuseqarpusi
  • Marlunnik (kalaallisut/danskisut) oqaaseqartuuneq iluaqutaassaaq

Neqeroorutigisinnaavavut:

  • Suliffik soqutiginartoq unammillernartunik suliassarpassualik.
  • Suleqatit pitsaasut
  • Suliatigut inuttullu ineriartornissamut periarfissat pitsaasut.
  • Namminersorluni sulisinnaaneq suleqatigiinnilu sulisinnaaneq
  • Illup iluani avataanilu ajornartorsiutit qaangerniarlugit oqaloqatiginnissinnaanerit, tassunga ilanngullugu akuersissummik pissarsinissamut tunngatillugu.
  • Kalaallit Nunaanni illoqarfiit annersaanni najugaqarnissamut periarfissaq, kiisalu kitaani tunumilu illoqarfinnut nunaqarfinnullu allanut angalanissanut periarfissat.

Piffissaq suliffiusartussaq tassaavoq sap.ak. akunnerit 40-t

Meeqqanik pinerliisimasinnaanermut uppernarsaat:
Atorfik taanna meeqqanik pinerliisimasinnaanermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiuvoq. Taamaattumik malugeqqussavarput Rigspolitiinit pinerliisimasinnaanermut uppernarsaat pissarsereerpat
atorfinitsitineq aatsaat pisinnaavoq meeqqanik pinerliisimasinnaanermut allagartat naammaginartutut isigineqarpat.

Pinerluuteqarsimasinnaanermut uppernarsaat:
Atorfik taanna pinerluuteqarsimasinnaanermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiuvoq.
Taamaattumik malugeqqussavarput Politiniit pinerluuteqarsimasinnaanermut uppernarsaat pissarsereerpat atorfinitsitineq aatsaat pisinnaavoq pinerluuteqarsimasinnaanermut allagartat naammaginartutut isigineqarpat.

Akissaatinut atorfinitsitaanermullu tunngatillugit atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussat Kalaallit Nunaannilu kattuffiup isumaqatigiissutaat naleqquttoq isumaqatiginninniarsinnaatitaasup isumaqatigiissutaat atuuttut malillugit.

Atorfinitsitsineq qaammatini pingasuni siullerni misiliummik atorfinitsitsisoqassaaq.

Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il. qulaani taaneqartoq innersuussutigalugu akiliuteqartoqassaaq. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: www.iserit.gl
Erseqqissaatigineqassaaq atorfinitsinneqarnerup uppernarsarneqarnerata kinguninnguatigut ingerlaannartumik initaarnissaq pisinnaanngimmat, aatsaalli inissaq pissarsiarineqarpat nuuttoqarsinnaalluni/ atorfinittoqarsinnaalluni. Malittarisassat atuuttut malillugit atorfininnermi angalanermut akiliussisoqassaaq aamma pequtit assartorneqarnerat akilerneqassaaq.

Qinnuteqaat:
Qinnuteqaatip ilisarnaataata atorfiup normua 563/16, aamma ilinniagaqarsimaneq siornatigullu sulisimanermik pillugit paasissutissartalik, soraarummersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimmit tiguneqareersimassaaq.

Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassitsissuutit nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

Qinuteqaat tunniunneqassaaq kingusinnerpaamik: 16. januar 2017
Atorfininneq: Isumaqatigiissuteqarnikkut
Akunnerit suliffiit: Ulloq naallugu
Suliffik: Nuuk
Paasissutissat allat uani piniarneqarsinnaapput: Helene Horsbrugh
Mobil: +299 56 45 62
Nittartagaq: http://www.sermersooq.gl
Qinnuteqaat nassiutiguk