Skip to main content
80

Allagarsiuteqqitaq - Immikkoortortami aqutsisoq Meeqqanut Ilaqutariinnut sullissivik Nuummi / Atorfiup nr-mua 537/17

Kommuneqarfik Sermersuumi Meeqqanut Ilaqutariinnut Atuarfeqarnermullu Ingerlatsivik Meeqqanik Ilaqutariinnillu Sullissivimmi immikkoortortami aqutsisumik pissarsiorpoq. Immikkoortortami aqutsisoq Nuummi Meeqqanik Ilaqutariinnillu Sullissivimmi inissisimassaaq.

Nuummi Meeqqanik Ilaqutariinnillu Sullissiviup ataaniippoq aamma inuusuttuaqqanut, ilaqutariinnut qajannartunut aamma ilaqutariinnut meeraqqortuunut ilaqutariinnik katsorsaavik "Siusissukkut Suliniuteqarfik". Illoqarfiup Qimarnguia aamma tassani inissilluareernikuuvoq, taassumalu ingerlanneqarnera aamma immikkoortortami aqutsisup akisussaaffigaa.

Suliniutip "Suliniutit Siusissut" ataani tarnit pissusaannik ilisimasallit ilaqutariinnillu siunnersortit arfinillit attuumassuteqarput. Immikkoortortami aqutsisutut najugaqatigiiffimmik Ivaamik aamma katsorsaavimmik Kusernermik aallartinneqarnikunik ulluinnarni ingerlatsineq aamma akisussaaffigineqarpoq.

Nuummi Meeqqanut Ilaqutariinnullu Sullissivimmi immikkoortortami aqutsisup saniatigut katsorsaanernut aqutsisoq, ilaqutariinnik katsorsaasoq, isumaginninnermi siunnersorti, ilaqutariinnik siunnersortit 19-it kiisalu allaffimmiu attuumassuteqarput.

 

Sulisorisat eqimattat, amerlasuunik, -suliallu assigiinngittorpassuit uani eqqartorneqarmata, pingaarutilerujuuvoq aqutsilersussatut piumassuseqarlutillu sulisoqarnermut, sulisorisanillu isumaginninneq misilittagaqarfigissagit.  

 

Kommuneqarfik Sermersooq kommunerujussuuvoq Kitaaniit Tunumut isorartussusilik atorfiup malitsigisaanik Tasiilami Paamiunilu Ilaqutariinnik Sullissivinni immikkoortortani aqutsisut suleqatigiligassatit qanimut attaveqarfigisartorujussuussavatit.

Meeqqanut Ilaqutariinnullu Piginnaanngorsarfik (BFC) ataqatigiissarinermut aaqqissuussamik tunngaveqarluni sullissisarpoq, tassa ilaqutariit tamaasa ilaatillugit, aamma nukissaqarfii eqqarsaatigalugit, periarfissaallu ilaqutariinni ilaqutariillu avataanniittut eqqarsaatigalugit.

 

Akisussaaffeqarfiit:

- Ulluinnarni sulinerit pilersaarusiorneqarnerannut ataqatigiissaarneqarnerannullu akisussaasoq

- Ulluinnarni ingerlatsinermut missingersuutinullu suliassaqarfimmi fagchef peqatigalugu akisussaanerit.

- Sulisunik aqutsinermut akisussaasoq.

- Kommunimi anguniakkanut akisussaasoq aamma ilaqutariinnik katsorsaasarnerni anguniakkat katsorsaanernut aqutsisumik suleqateqarluni anguneqassapput.

- Suliassaqarfimmi assigiinngitsunik sulialinnut suleqataaneq, ataatsimoortumik samminnilluni ilaqutariinnik katsorsaanerni katsorsaanernik immikkut pingaartitsilluni.

- Illup iluani avataanilu suleqatigisat assigiinngitsunik suliallit suleqatigiinnerannut peqataanerit

Katsorsaasoqatigiit suliaminnik suliarinninnissaannut killiliussaqarnissaa taassuma qulakkiissavaa.

 

Kinaana taava ujartoripput:

- Attuumassutilimmik ilinniagaqarsimasoq, ajornanngippat aqutsinermi isumaginninnermilu ilinniagalik.

- Meeqqanut Ilaqutariinnullu suliassaqarfinni isumaginninnermik suliaqarnermik misilittagartooq.

- Aqutsinermik misilittagaqarnissaq piumasaqaataavoq.

- Ineriartortitsinernik siammarterinernillu misilittagaqarneq iluaqutaassaaq

- Ingerlatsinermik / aningaasanik aqutsinermik misilittagalik.

- Namminersorluni sulisinnaasoq tamannalu ilutigalugu allanik qanimut pingaaruteqartumillu suleqataasoq.

- Suliassanik aaqqissuussillaqissuuvutit, ataqatigiissaarillaqqissuullutit malinnaatitsillaqqissuullutillu

- Inunnut pitsaasumik isiginnittaaseqarputit, suut atorsinnaasut qitiutinnissaannut piumassuseqarputit

- Akuersaarnartumik tiguartinnartumillu aqutseriaaseqartutit.

- Nukissaqarluartoq iliuuseqarsinnaassusilillu.

- Inuusuttunik oqaloqatiginnillaqqipputit aamma inuusuttut ilaasa illit inuunermik ingerlatseriaatsinnit allaanersumik inuuneqarsinnaanerat akuersaarpat.

- Ammasuuvutit inussiarnersuullutillu.

- Pisuni ajornartorsiuteqarfiusuni aaqqiissutissanik nassaarniallaqqissoq.

- Ulapinnartoqaleraangat eqqissisimasinnaasoq.

- Suliffeqarfimmi ineriartortuartumi sulinissamik kajumissuseqarputit.

 

Neqeroorutigisinnaavavut:

Suliffik soqutiginartoq unammillernartunik suliassarpassualik.

- Suliffik savitoorujussuaq ulluilu assigiinngisaannartut.

- Sulisut pikkorissut suleqatillu pitsaasut.

- Suliffik pitsaasoq suliffiup avatangiisaanik qitiutitsiffiusoq.

- Ajornartorsiutit anigorniarlugit oqaloqatigiittarnerit ilinniartitsinerlu.

- Ilinniarsimasamut inuttullu ineriartornissamut periarfissat pitsaasut.

- Namminersorluni sulineq

Meeqqanik pinerliisimasinnaanermut uppernarsaat:
Atorfik taanna meeqqanik pinerliisimasinnaanermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiuvoq. Taamaattumik malugeqqussavarput Rigspolitiinit pinerliisimasinnaanermut uppernarsaat pissarsereerpat atorfinitsitineq aatsaat pisinnaavoq meeqqanik pinerliisimasinnaanermut allagartat naammaginartutut isigineqarpat.

Pinerluuteqarsimasinnaanermut uppernarsaat:
Atorfik taanna pinerluuteqarsimasinnaanermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiuvoq. Taamaattumik malugeqqussavarput Politiniit pinerluuteqarsimasinnaanermut uppernarsaat pissarsereerpat atorfinitsitineq aatsaat pisinnaavoq pinerluuteqarsimasinnaanermut allagartat naammaginartutut isigineqarpat.

Akissaatinut atorfinitsitaanermullu tunngatillugit atugassarititaasut: 
Akissarsiaqarnermut atorfinitsitaanermullu atugassarititaasut Namminersorlutik Oqartussat Kalaallit Nunaannilu kattuffiup isumaqatigiissutaat naleqquttoq isumaqatiginninniarsinnaatitaasup isumaqatigiissutaat atuuttut malillugit.

Atorfinitsitsineq qaammatini pingasuni siullerni misiliummik atorfinitsitsisoqassaaq.

Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il. qulaani taaneqartoq innersuussutigalugu akiliuteqartoqassaaq. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: www.iserit.gl

Erseqqissaatigineqassaaq atorfinitsinneqarnerup uppernarsarneqarnerata kinguninnguatigut ingerlaannartumik initaarnissaq pisinnaanngimmat, aatsaalli inissaq pissarsiarineqarpat nuuttoqarsinnaalluni/ atorfinittoqarsinnaalluni. Malittarisassat atuuttut malillugit atorfininnermi angalanermut akiliussisoqassaaq aamma pequtit assartorneqarnerat akilerneqassaaq.

Qinnuteqaat:
Qinnuteqaatip ilisarnaataata atorfiup normua 537/17, aamma ilinniagaqarsimaneq siornatigullu sulisimanermik pillugit paasissutissartalik, soraarummersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimmit tiguneqareersimassaaq.

Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassitsissuutit nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

Qinuteqaat tunniunneqassaaq kingusinnerpaamik: 29. september 2017
Atorfininneq: Isumaqatigiinnikkut
Akunnerit suliffiit: Ulloq naallugu
Suliffik: Nuuk
Paasissutissat allat uani piniarneqarsinnaapput: Tina Dam Rasmsussen
Telefon: +299 36 73 31
Nittartagaq: http://www.sermersooq.gl
Qinnuteqaat nassiutiguk