Skip to main content
105

Dette jobopslag er udløbet

AC fuldmægtigi-mik pissarsiorpoq / Atorfiup normua 274/18

Atuarfeqarnermik- aamma ullukkut neqeroorutinik suliassaqarfik AC-fuldmægtigimik soqutiginnittumik, anguniagalimmik pikkorissumillu pissarsiorpoq, aaqqiissutissanik pitsaalluinnartunik naammassinninnissamik kissaateqartumik, suliassaqarfimmi unammilligassat suliassallu tamatigut paarlakaajaaffianni. Suliassaqarfimmi politikkikkut aqunneqartumi suliamik ingerlatsisinnaassaatit aamma politikkikkut anguniakkat, isumassarsiat kissaatillu meeqqanut inuusuttuaqqanullu iluaqutaasussanngorlugit piviusunngortinneqarnerannik suliaqarsinnaallutit.

Atorfik pillugu
Atorfik pineqartoq nutaajuvoq pingaarnerpaatut ulluunerani neqeroorutit pillugit suliaqarfiussalluni, tassani suliassat ataqatigiissarneranni illit nammineq sunniuteqaqataasinnaaninnut periarfissaqarluarpoq. Suliassat ilaat tassaapput politikki aallaavigalugu sulianik ingerlatsinerit, ineriartortitsinermik suliassat, misissuilluni suliat kiisalu pisortat suliassiissutaannik ingerlatsineq. Atorfimmi uani sulisoq tamatigoortoq pisariaqartinneqarpoq, suliassanik assigiinngitsorpassuarnik ingerlatsisinnaasoq aamma misissuinermut attaveqaqatigiinnermullu piginnaasaqarluartoq – allattariarsornermi taamatullu aamma oqaatsitigut.

Siunnersorti ilaatigut suliamik saqqummiussinernik, tusarniaassutigineqartunik akissutiliornerni, politikkikkut aalajangerneqartunik workshoppinik ullunik sammisaqartitsiffiusuni allanilu suliaqarnerni ikiuuttassaaq.

Atorfimmit assingusumit ukiorpassuarnik misilittagaqarsimaneq piumasaqaataanngilaq, paarlattuanik misissuisinnaanermut attaveqaqatigiinnermullu piginnaasaqarluartuussaatit, taakkua atorlugit pisortanut tapertaallutit suliassanik naammassinnittarlutit. Suliffimmi iluatsitsilluassaguit naleqartitanillu tunniusseqataallutit, ajornartorsiutaasinnaasunik takunnissinnaasariaqarputit, tunngavilersorsinnaallugit allaaserisinnaallugillu.

Tamakkua piginnaasaqarfigigukkit suliffimmik unammilligassaqartumik pissanganartumillu neqeroorfigisinnaavatsigit illit nammineq kajumissutsit piginnaasatillu naapertorlugit sunniuteqaqataaffigisinnaasat, inuttut sulinermilu ineriartorneq kiisalu pisortatut akisussaassuseqalersinnaaneq suliffeqarfimmi ineriartortumi allanngoriartortumilu.

Suliassat suut akisussaaffigissavigit?

  • Atuarfeqarnermik- ulluuneranilu neqeroorutinut pisortamik kiffartuussineq
  • Politikkikkut aqunneqarnerup allaffissornerullu akornata ataqatigiissarluarneranut qulakkeerinneqataaneq
  • Immikkoortortami suliassaqarfiit tamagiit akornanni ataqatigiissaarilluarneranut qulakkeerinninneqataaneq
  • Ingerlatsiviup akisussaaffeqarfiata iluani misissuinernik assigiinngitsunik ingerlatsineq
  • Tusarniaassutigineqartunut akissutinik suliaqaqataaneq
  • Ineriartortitsinernik suliniutinik aalajangersimasunik aallartitsineq, ingerlatsineq nalinginnaasumillu ataqatigiissaarineq
  • Suliassaagallartunik assigiinngitsunik ingerlatsineq.

Ataani apeqqutit aappimik akisinnaagukkit, ilinnit qinnuteqaammik assut pissarserusuppugut: 

  • Ilisimasanik avitseqateqarnissamik qunugisaqanngilanga kissaatigalugulu taamatut pisortannit suleqatinnillu suliat tungaasigut unammisassaqarusullunga
  • Suliat tungaasigut killissara tikippat naaggaarsinnaaneq qunuginngilara
  • Avatangiisinut inoqatinullu soqutiginninneq nuannarinninnerlu aallaavigaakka
  • Aaqqissuussillaqqissuuvunga, suleriallaqqissoq tatitoorlu
  • Piffissaq suliffigisassaq, suliassat assigiinngitsut piffissaliussallu eqaatsumik naammassisinnaavakka
  • Misissuijumatussuseqarpunga piginnaanerlu taanna allaffissornermi suliassani atorsinnaallugu
  • Allattariarsorneq pikkoriffigaara nuannaralugulu
  • Namminersorlunga sulineq nuannaraara suliassakkalu 100 %-imik akisussaaffigalugit
  • Aningaasaqarneq pillugu paasinnillaqqissuuvunga aningaasanillu aqutsillaqqissuullunga
  • Kandidatitut ilinniagaqarpunga

Ilinniarsimanermut tunuliaqutat:
Cand.pæd., cand.scient., cand.mag assigisaanilluunniit ilinniarsimaguit apeqqutaanngilaq. Kalaallit oqaasiinik piginnaasaqarneq iluaqutaavoq piumasaqaataananili.

Neqeroorutigaavut:
Atorfimmut atatillugu ulluinnaat kajumernartut unammilligassallillu neqeroorutigaavut taamatuttaaq suleqatit pikkorissut soqutiginnittullu. Suliffeqarfimmi politikkikkut aaqqissuussaasumik paasisassarpassuaqarputit pisortallu qanimut suleqatigissavatit.

Pinerlussimannginnermut uppernarsaat:
Atorfik pineqartoq pinerlussimannginnermut uppernarsaammik pissarsiniartoqarnissaa pillugu inatsisip iluaniippoq. Inatsit naapertorlugu aatsaat atorfinittoqarsinnaavoq kommunimit pinerlussimannginnermut uppernarsaat pissarsiarineqarpat. Taamaattumik malugeqquarput atorfininneq aatsaat isumaqatigiissutigineqarsinnaammat kommune Politiinit pinerlussimannginnermut uppernarsaammik pissarsereerpat.

Akissarsiat atorfininnermilu atugassarititaasut:
Namminersorlutik Oqartussat suliniaqatigiiffiullu isumaqatigiinniarsinnaatitaasup akornanni isumaqatigiissut atuuttoq naapertorlugu akissarsiat atorfininnermilu atugassarititaasut atuutsinneqassapput.

Atorfimmut atatillugu inissiamik innersuussisoqarsinnaanngilaq.

Qinnuteqaat: 
Qinnuteqaatip ilisarnaataata Job nr. 274/18, aamma ilinniagaqarsimaneq siornatigullu sulisimanermik pillugit paasissutissartalik, soraarummersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimit tiguneqareersimassaaq ulloq 22. maj 2018 tikitsinnagu, atorfinititsinissaq naatsorsuutigineqarpoq 1. juli 2018.

Imannak qinnuteqassaatit:
Qinnuteqaatit elektroniskimik nassiunneqartut kissaatigineqarnerupput, quppernermi linki ilanngunneqartoq atorlugu qinnuteqaatit CV-illu nassiutissavatit.

 

Qinuteqaat tunniunneqassaaq kingusinnerpaamik: 22. maj 2018
Atorfininneq: Isumaqatigiinnikkut
Akunnerit suliffiit: Ulloq naallugu
Suliffik: Nuuk
Paasissutissat allat uani piniarneqarsinnaapput: Jesper Madsen
Telefon: +299 367303
Nittartagaq: http://www.sermersooq.gl
Qinnuteqaat nassiutiguk