Skip to main content
117

Dette jobopslag er udløbet

Majoriaq Aasiaat Piukkunnarsarfimmut sammisaqartitsinermi (Kreativ) atuartitsisussarsiorpoq

 

Majoriaq Aasiaat Piukkunnarsarfimmut sammisaqartitsisussamik (Kreativ) atuartitsisartussamik 1. marts 2018 imaluunniit isumaqatigiissuteqarnikkut atorfinittussamik pissarsiorpoq.

Majoraq Aasiaat ataani immikkoortortaq Piukkunnarsarfik 1. marts 2018, inuusuttunik ilinniartitaanikkut suliffeqarnikkullu ineriartortitsinermik siunertaqartumik ingerlatsiffiusoq, 40-t tungaannut atuartuuteqartoq 18-niit 25-nut ukiulinnut, aallartinneqarnikuuvoq, 19-t Aasianniit 21-t Aasiaat avataaniit piffinnit assigiinngitsuniit. Taassani atuartinneqartunut sammisassaqartitsinermi (Kreativimi) atuartitsisartussamik pissarsiorpugut 1. marts 2018 isumaqatigiissuteqarnikkulluunniit atorfinittussamik.

Sammisaqartitsilluni atuartitsisutut atorfik nutaajuvoq, taamaattumik ingerlanneqassaaq ineriartortinneqassallunilu sulisut allat peqatigalugit.

Fagini ukunani atuartitsisuusinnaassaatit:

  • Isiginnaartitsineq.
  • Assassorneq.
  • Qalipaaneq.
  • Atoqqitassanik iluarsartuussineq.
  • Nunattalu pissarititaanik katersineq

Atuartitsineq aamma atuartitsinerup ingerlanneqarnera aqutsisoq atuarfiullu ilinniartitsisui allat qanimut suleqatigalugit ingerlanneqartassaaq, tamatumunngalu piumasaqaataavoq, uku piginnaaneqarfigissagitit:

  • Suleqateqarsinnaaneq,
  • Nutaamik eqqarsarneq isumassarsiullaqqinnerlu,
  • Inunnut immikkut pisariaqartitsisunut paasinnilluarsinnaaneq aqqutissiuusserusussuseqarnerlu.

Naatsorsuutigaarput:

  • Atuagarsornikkut assigusumik ilinniagaqarsimasuunissat.
  • Oqaatsitigut piginnaaneqarluassasutit, oqaluttariarsornikkut allattariarsornikkullu.
  • Atorfimmik assigusumik misilittagaqarsimassaatit. Tamannali piumasaqaataanngilaq.
  • Piumassuseqartuussaatit atuarfimmillu ineriartortitseqataasusussuseqassallutit.
  • Qarasaasiamik naliginnaasumik atuisinnaassaatit.
  • Imigassamik aanngajaarniutinillu ajornartorsiuteqanngitsutit.
  • Pinerluuteqarsimannginnermik uppernarsaammik takutitaqarsinnaassaatit.

Neqeroorutigaagut:

  • Atorfininneq akissarsiallu Atorfillit Kattuffiata Namminersornerullutillu Oqartussat isumaqatigiissutaat atuuttut naapertorlugit ingerlanneqassaq.

Atorfininnermut atatillugu inissaqartitsisoqarpoq.

Paasissutissat:
Atorfimmut paasissutissat erseqqinnerusut pissarsiarineqarsinnaapput uunga saaffiginninnikkut: Aasiaat Majoriaq Aasianni pisortaq Mariane S. Larsen, oqarasuaat 894769 imaluunniit e-mailikkut mars@qeqertalik.gl

Qinnuteqaat, ilinniagaqarsimanermut uppernarsaatinik aammalu siusinnerusukkut sulisimanermut uppernarsaatinik ilalik, mailikkut: post@qeqertalik.gl imaluunniit allakkatigut uunga:

Kommune Qeqertalik, Aasiaat
Personaleafdelingen,
Postboks 220,
3950 Aasiaat

nassiunneqarsimasoq kingusinnerpaamik ulloq 19. februar 2018 tiguneqareersimassaaq.