Skip to main content
94

Dette jobopslag er udløbet

Kommune Kujalleq 1.december 2017 ilinniartitsisussarsiorpoq

Nanortallip Atuarfianut Ilinniartitsisumik pissarsiorpugut.

Nanortallip Atuarfiani ilinniartitsisumik pisariaqartitsilerneq tunngavigalugu 1. december 2017 imalt. isumaqatigiissuteqarnikkut sulilertussamik ilinniartitsisussarsiorpugut.

Ilinniartitsisutut atorfik Nanortalimmiittoq annertunerusumik paasisaqarusukkuit saaffigissavat atuarfiup pisortarigallagaa Mari S Abelsen e-mail: maab@kujalleq.gl   oqarasuaat +299 61 41 10

Paasissutissat allat: Atorfinnut tunngassutilinnik paasissutissanik tamanut atuuttunik perusukkuit kiisalu qinnuteqarnissamut immersugassamik perusukkuit uunga saaffiginnissaatit:

MK-ingerlatsivimmi atuarfinnut siunnersorti Magdaline Geraae, e-mail: mage@kujalleq.gl oqarasuaat +299 61 41 46  toqqaannartoq, imaluunniit angallattagaq +229 550193

Atorfininnermi atugassarititat
Kalaallit Nunaanni Naalakkersuisut aamma Ilinniartitsisut Meeqqat Atuarfianneersut Kattuffiata, IMAK-ip, Kalaallit Nunaanni Meeqqat Atuarfianni ilinniartitsisut il.il. pillugit Isumaqatigiissutaat 27. aggusti 2014-imeersoq aamma Kalaallit Nunaanni Naalakkersuisut aamma Ilinniartitsisut Meeqqat Atuarfianneersut Kattuffiata, IMAK-ip Pingaarnertut isumaqatigiissutaat 28.10.1998-imeersoq atorfinitsitaaninnut atortinneqassapput.

Atorfinikkiartornermi angalaneq
Atorfinittussaq ilaqutaalu akiliunneqarlutik atorfinikkiartortarput, ukiullu pingasut qaangiukkaangata akiliunneqarlutik angalasinnaapput soraarunik, kiisalu nuunnermut atatillugu tapisisoqartarpoq maleruagassat malillugit. Atorfilik sulinngiffeqarnermi angalanissamut aningaasaateqarfik aqqutigalugu qinnuteqartarpoq.

Inissaqartitaaneq
Inissiamik neqeroorfigineqassaatit, ilaqutariit angissusaat apeqqutaatillugu annertussusilimmik.

Meeqqanik pinerliisimannginnermut uppernarsaammik:
Atorfik una meeqqanik pinerliisimannginnermut uppernarsaammik pissarsiniarsinnaatitaaneq pillugu inatsimmut ilaatinneqarpoq. Inatsit naapertorlugu kommunip pinerlussimannginnermut uppernarsaatip tigunerata kingorna aatsaat atorfinittoqarsinnaavoq

Paasissutissat allat
Meeqqat atuarfiat pillugu paasissutissat, atorfinitsitaasarnermi atugassarititat ilanngullugit, misissuataarsinnaavatit Kommuneqarfiit Kattuffiata nittartagaanni www.kanukoka.gl -imi.

Qinnuteqarnermut immersugassaq
Uatsinni ilinniartitsisunngorusullutit soqutiginnilersimaguit, qinnuteqarfissamik nassiussivigissavatsigit. Qinnuteqarnermi immersugassaq pinngitsoorani atorneqartussaavoq.

Qinnuteqaat ilinniarsimanermik uppernarsaammik ilallugu, qanoq sivisutigisumik ilinniartitsisuusimanermik uppernarsaatitalerlugu kiisalu oqaaseqaatinik ilallugu nassiunneqassaaq uunga ima ilisarnaaserlugu: Ilinniartitsisutut atorfiit.
Kommune Kujalleq, Meeqqanut kultureqarnermullu Ingerlatsivik
Postboks 166
3922 Nanortalik

Qinnuteqaat atsioriigaq scannerlugu e-mailikkut uunga nassiunneqassaaq:

Magdaline Geraae, Meeqqanut kultureqarnermullu Ingerlatsivimmi Atuarfinnut siunnersorti - Kommune Kujalleq, Postboks 166, 3922 Nanortalik
E-mail:  mage@kujalleq.gl

Qinnuteqarfissaq kingulleq tassaavoq tallimanngorneq 10. november 2017.