Skip to main content
104

Dette jobopslag er udløbet

ALLAGARSIUTEQQITAQ – MISI Kujalleq oqalunnermik sungiusaasumik pissarsiorpoq

Kommune Kujallermi oqalunnermik sungiusaasutut atorfik inuttassarsiorpaa. Ulloq atorfiniffissaq tassaavoq 1. JUNI 2018 imaluunniit isumaqatigiissuteqarnikkut. Misi Kujalleq Qaqortumiittoq suliffiussalluni.

Misi Kujalleq ima sulisoqarnermigut inissimasussatut aaqqitaavoq: Tarnip pissusaanik immikkut ilisimasalinnut pisortaq, tarnip pissusaanik immikkut ilisimasalik, oqalunnermik sungiusaasoq, immikkut atuartitsinermut siunnersorti kiisalu allaffimmioq.

 

Atorfiup siunertaa: Oqalunnermik sungiusaasup Misimi suleqatigiinnut ilaalluni meeqqat inuussuttullu tutsarluttut il.il ukioqanngitsuniit 18-it angullugit ukiullit, angajoqqaat, atuarfiit kiisalu meeqqanik inuussutunillu sullisisut allat siunnersorlugit ilitsersuisartutullu suliaqassaaq.

Atorfik Misi Kujallermi inissisimavoq, siunnersortillu qullersarissavaa tarnip pissusaanik immikkut ilisimasalinnut pisortaq.

 

Inatsisit aalajangersakkallu tunngavigalugit akisussaaffiit suliassallu:
1) Atuarfik pillugu Inatsisartut inatsisaat nr.15, 3. December 2012-imeersoq, § 15 imm. 1,2 aamma 3.

2) Namminersornerullutik Oqartussat nalunaarutaat nr. 22, 23. juli 1998-imeersoq Immikkut ittumik atuartitsineq aamma allatut immikkut perorsaanikkut ilinniartitsinikkullu ikiorsiisarneq.

Oqalunnermik sungiusaasup Misi Kujallermi suleqatigiit, psykologit aqutsisuat allaffimmiorlu suleqatigissavai. Siunnersortip atuarfimmi psykologit aqutsisuat qullersarissavaa.

Piginnaasassat

  • Ilinniartitsisutut perorsaasutulluunniit immikkut ilinniartitsisutut ilinniagaqarsimassaatit, oqallorissaasutut tusilartunulluunniit immikkut ilisimasalittut. Imaluunniit immikkut perorsaanermi Pd-tut.
  • Meeqqanut inuusuttunullu tunngasunik paaqqinnittarfimmit, atuarfimmit ilaqutariinnilluunnit misilittagaqarputit.
  • Ilinniartitseriaatsinik, teknikinik atortussanillu aamma tamakku meeqqanut oqalunniarnermik attaveqarniarnermillu aamma meeqqanut tusilartunut atorneqarnissaannik ilisimasaqarputit.
  • Meeqqanik misussuineq nakkutiginninnerlu ilisimasaqarfigaatit.
  • Ilinniartitsisunik, perorsaasunik angajoqqaanillu siunnersuinermik suliaqarnissamut piareersimavutit.
  • Sulisunik ilinniartitseqqinnissamut suliaqarnissamut piareersimasoq, ilaatigut saqqummiisarnikkut.
  • Amigaatininngarnit nukissat aaqqiissutissallu piumaneruatit.
  • Ulluinnaat ulapiffiusut ajornakusoornartoqartarsinnaasut merserinngilatit.
  • Kalaallit oqaasii kulturiallu tunngavigalugit aaqqissuussaanermi sulisinnaavutit.
  • Nammineq sulisinnaassuseqarputit.

 

Suliassat pingaarnerpaat

  • Suleqatit attuumassuteqartut peqatigalugit misissuiataarisarneq, uuttuisarneq, oqaloqatiginnittarnerlu, ilisimasanik pisariaqartunik pissarsiniarneq, iliuusissatut pilersaarusiorneq, naliiviusumik / qulaajaaviusumik aammaliu iliuusissanik siunnersuuteqarfiusumik angajoqqaanik perorsaasunillu imaluunniit ilinniartitsisunik oqaloqateqarneq.

 

Neqeroorutigaavut:

  • Assigiinngissitaaqisunik suliaqarluni ullut suliffiit soqutiginaqisut, ilinniakkamik sulianillu allanik sammisaqarfiulluartut
  • Kommunimi illoqarfinnut pingasuusunut nunaqarfinnullu angalasarneq sulisarnerlu
  • Suleqatigiikkuutaani sulineq pitsaasoq qanittumillu suleqatigiinneq
  • Ineriartornissamut periarfissat pitsaasut

 

Suliffiit pillugit paasissutissat sukumiinerusut paaserusukkukkit atuarfinnut siunnersorti Magdaline Geraae saaffigisinnaavat, oqarasuaat +299 6141 46 imaluunniit email- aqqutigalugu: mage@kujalleq.gl.

Atorfininnermut atatillugu inissaqartitsisoqarpoq, tassunga ineqarnermut akiliut akilerneqartussaq, qularnaveeqqut il.il. maleruaqqusat atuuttut naapertorlugit akilerneqartassallutik. Inissaaleqineq pissutigalugu initaavinnissaq sivisulaarsinnaavoq, taamaattumik piffissap ilaani utaqqiisaagallartumik inissiisoqarnissaa naatsorsuutigineqassaaq.

Piumasaqaatit naapertorlugit atorfininnermi angalaneq pequtillu angallanneqarneri akilerneqarumaarput.

Børneattest ilanngunneqarnissaa piumasaqaataavoq.

Qinnuteqaat pappilissanik attuumassutilinnik assilineqarsimasunik ilalik uunga nassiunneqassaaq:

Kommune Kujalleq
Att: HR Afdeling
Postboks 514
3920 Qaqortoq

job@kujalleq.gl

Qinnuteqaat atsiorsimagaanni pappilissallu attuumassutillit ilanngullugit scannerlugit email atorlugu nassiunneqarsinnaavoq.

Qinnuteqaat kingusinnerpaamik tallimanngorneq pingasunngorneq 23. Juni 2018.  tunniunneqassaaq.