Skip to main content
112

Dette jobopslag er udløbet

Kangerluarsorutsimi Terminal Manager-imut ikorti

KNI A/S, ikummatissanik immikkoortortaqarfia Polaroil Kangerluarsorutsimi Terminal Manager-imut ikiortimik pissarsiorpoq, ulloq 1. oktober 2017 aallarnerfigalugu imaluunniit isumaqatigiissuteqarnikkut su-lilersussamik.

Kangerluarsoruseq inissisimavoq Nuup kujataa tungaani 34 sømil ungasitsigisumi, taamaalilluni nalinginnaasumik inoqarfiit avataaniittuulluni. Pineqartumut paasissutissaq uunga saaffiginninnikkut jobs@kni.gl pissarsiarineqarsinnaavoq.

Terminal Manager-imut ikortip qaninnertut Terminal Manager pisortarissavaa.

Terminal Manager-imut ikiortitut pingaarnertut suliassatit makkuussapput:

  • Qaqugukkulluunniit Terminal Manager taarsertassallugu, taamaattumillu taassuma suliai aamma ingerlassinnaasariaqarlugit
  • Terminal Manager-ip peqqussusiai naapertorlugit, ikummatissaasivimmi sulisut allat ulluinnarni suliakkersorlugillu sulinerat aqussinnaasariaqarlugit
  • Ingerlatsinermut aserfallatsaaliinermullu tunngatillugu ingerlatsineq aqutsinerlu, ikummatissaasivimmi, innaallagissamik nukissiuut, ikuallatsaaliuinermi atortuutit, imeqarnermut atortut, najugaqarfik, errorsinermut atortut il.il.
  • Ikummatissanik assartuummik tikittoqartillugu isumaginnissinnaaneq, tamatumalu saniatigut pitsaassutsimik isumannaallisaanermillu nakkutilliisinnaaneq
  • Maleruagassat ikummatissaasivimmik ingerlatsineq mappersakkami allassimasunik inatsisinillu atuuttunik ilisimasaqarnissaq kiisalu Kangerluarsorutsimi Terminal Manager-imiik aammalu ikummatissaqarfiup Sisimiuni kiffartuussivimmi allaffianiit peqqussutigalugit maleruaqqusat malittassallugit
  • Naatsorsuusiorneq karsimillu atuineq, taakkulu nakkutigineri
     

Terminal Manager-imut ikortitut atorfik imaattumik inuttalerusupparput:

  • Ikummatissaasivimmi ingerlatsinermik ilisimasalik (piumasaqaataanngilaq) teknik-ip iluani ilinniagalik imaluunniit suliamik misilittagalik, assassorissanik suliaqallaqqissoq, ajornanngippallu kalaallisut, qallunaatut tuluttullu oqalussinnaasoq
  • Aqutsisinnaanermik tunuliaqutalik/misilittagalik, kiisalu sulisunik ukkatarinnissinnaalluni ineriartortitserusuttoq
  • Ajornanngippat nakorsaatinut tunngasunik, immakkut angallassisinnaanermi aammalu VHF radio-mik atuisinnanermut allagartalik
  • Ammasoq, kiffartuusserusussusilik naleqqussarsinnaasorlu
  • Nunarsuup sinneranut nammineq akuuffiginninngikkaluarluni inuilaami sulisunik pingasunik/arfinilinnik suleqatiginnissinnaasoq
  • IT-mik nalinginnaasumik atuisinnaalluartoq
  • Annertuumik nammineersinnaassusilik
     

Atorfinittussamut neqeroorutigaavut:

  • Piginnaasat naapertorlugit immikkut isumaqatigiissuteqarnikkut akissaateqartitaaneq
  • Akeqanngitsumik ineqartitaaneq nerisaqartitaanerlu
  • Piginnaanngorsaqqinnissamut periarfissat pitsaasut

Atorfinitsitaanermi sumiiffimmi sapaatip akunneri arfineq pingasukkaarlugit nakkutilliisoqartarpoq/tulleriiaarinermi paarlakaattoqartarpoq, sumiiffimmilu ukiumut ullut 210-215-it (sapaatit nalliuttullu ilanngullugit) sulisoqartarpoq. Ukiup sinneri sulinngiffeqarfiusarput freerfiusarlutillu.

Atorfimmut Kangerluarsorutsimullu tunngatillugit paasisaqarnerorusukkuit Terminal Manager Jafet vid Stein mobil.: 58 21 43/ mobil: 56 38 22 imaluunniit ingerlatsinermi pisortaq Gerth Jack Storer attavigine-qarsinnaavoq oqarasuaammut: 86 23 08 mobil: 48 51 17.

Qinnuteqaat
Ilinniarsimanermut siusinnerusukkullu sulisimanermut allattukkanik imalik (CV), oqaaseqaatit aammalu sulisitsisorisimasappit attaveqarfiginissaanut paasissutissat kingusinnerpaamik tigoreersimassavagut ulloq 18. september 2017.

 

Qinnuteqaat uunga nassiunneqassaaq:         

KNI A/S
HR-afdelingen
Postboks 319
3911 Sisimiut

 

Qinnuteqaatit aamma faxerussinnaavat uunga: 86 23 97 imaluuniit mail-ikkut: jobs@kni.gl

KNI A/S Kalaallit Nunaanni niuernermik pilersuinermillu isumagisallit annersaraat
Kalaallit Nunaanni inuiaqatigiinni sukkasoorujussuarmik ineriartorneqarpoq, aammalumi KNI-mi taamaappoq. Tassanimi inuuniarnermi pinngitsoorneqarsinnaanngitsunik pilersuineq aqqutigalugu nuna isorartoorujussuaq ataatsimoortinneqarpoq.

Qitiusumik sullissivik Sisimiuniippoq, Kalaallit Nunaanni illoqarfiit annersaata tulliani, Qaasuitsup Killeqarfianut qanittumi kiisalu Kangerlussuarmut timmisartunut mittarfissuarmut avammut avataaniillu attaveqaatit eqiteruffiannut inissisimasumi. Kalaallillu Nunaat tamakkerlugu 1000-it eqqaasiorlugit amerlassusilinnik sulisoqarpugut, ukiumullu 2,5 mia. kr.-it pallillugit kaaviiaartittarlutigit.

KNI A/S tassaavoq pisiniarfeqarnermik ingerlatsivik Pilersuisoq, ikummatissanik imerpalasunik pilersuisoq Polaroil, KNI Engros, savaaqqanik toqoraavik Neqi A/S. Tamakku saniatigut Kangerlussuup mittarfeqarfiani nioqqutissanik akitsuu-sigaanngitsunik pisiniarfeqarpugut.