Skip to main content
90

Dette jobopslag er udløbet

Katuaq pisussanik aaqqissuinermut pisortassarsiorpoq

Katuaq – Kalaallit Nunaanni Piorsarsimassutsip Illorsuaa tamatigoortumik pisussanik aaqqissuinermut pisortassamik pissarsiorpoq, ingerlatsinermi pilersaarutinillu aqutsillaqqisumik. Sulisut imaanaannngitsut ataatsimut piorsarsimassutsimut illorsuarmik uummaarissumik pilersitsisartut akornanniilerusukkuit taava ataani allassimasut atuakkit.

Pisussanik aqutsisutut, illorsuarmi pisortaasoq malinnaatitaralugu attaveqarfigisartuussaavat, immikkoortortaqarfiit pingasut akisussaaffigissallugit inuit makku pingaaruteqartumik inissisimasut peqatigalugit: Tusagassiisarnermut- tuniniaanermullu ataqatigiissaarisoq, pisussanik ataqatigiissaarisartuusut marluk, filmertarfimmi pisortaq aammalu saaffiginnittarfimmi aqutsisoq. Immikkoortortaqarfinni sulisuusut 16-iupput (taakku akornanni 10-t ukioq naallugu atorfeqartuullutik).

Aaqqissuussinermut pisortap pingarnertut akisussaaffigivai ingerlanniakkanik pilersaarusiornerit, ineriartortitsinerit aammalu timitaliilluni ingerlatsinerit, taamaattumillu pingaartuuvoq, aaqqissuussinermut pisortaasup ingerlanniakkanik aqutsillaqqissuunissaa aammalu sulianik assigiinngisitaartunik ataatsikkut ingerlatsisinnaassuseqarnissaa. Kiisalu akisussaaffigisanut ilaavoq aaqqissuussanik avammut ussassaarutiginninnissaq.

Aaqqissuussinermi pisortap pingarnertut suliassai makkuupput:  

  • Katuap ukiumoortumik ingerlanniagaanik inississuisarnissaq  
  • Ingerlanniakkanut atatillugu missingersuusianik nakkutiginnilluni malittarinnittarnissaq
  • Ingerlanniakkanik aqutsineq malittarinnillunilu nakkutiginninneq
  • Aningaasaliisussarsiortarneq
  • Ingerlanneqartut pillugit naatsorsueqqissaarusiorlunilu nalunaarusiortarnissaq  
  • Avataani attavigisanik isumaginninneq aammalu kulturi tunngavigalugu suliaqartunik isumasioqateqartarneq

Ujartorparput:

Inuk tamakkiisumik isiginnissinnaassuseqartoq, aqutsisinnaasoq misilittagaqartorlu, oqaloqatiginnillaqqissuullunilu attaveqallaqqissuusoq, pilersaarutinik aqutsininermik misilittagaqartoq ingerlatsinermilu siuttuusinnaasoq.

Pitsaassaaq kalaallit, qallunaat tuluillu oqaasiinik atuisinnaaguit.

Aningasarsiat piginnaassuseqarneq naapertorlugu inissinneqassapput. Atorfininnissaq pissaaq 1. september 2018 imal. isumaqatigiissuteqarneq naapertorlugu.

Soqutiginnittut saaffigisinnaavaat pisortaq  Arnakkuluk Jo Kleist, oqarasuaat normu  54 78 54, imal. uunga allagaqarnikkut: ceo@katuaq.gl.

Qinnuteqaatit, ilinniarsimasat siusinnerusukkullu suliaqarsimanernut atatillugu oqaaseqaatit ilanngullugit uunga ingerlatinneqassapput:  økonomi- og administrationschef Jukku Mølgaard: cfo@katuaq.gl.

Qinnuteqarnissamut killiliussaavoq ulloq 24. juli 2018.

Katuaq pillugu
Katuaq tassaavoq inuussutissarsiortutut aningaasaateqarfik, Kalaallit Nunaanni Piorsarsimassutsip Illorsua aallaavigalugu kalaallit kulturiannik nittarsaasuusoq nunatsinni aammalu nunani allani, kulturikkut suleqatit suleqasiussallu aqqutigalugit. Katuaq immineq filmertarfeqarlunilu caféqarpoq, aammalu tassaalluni ataatsimiinnernik ataatsimeersuarnernillu tallimanik ullorialigaalluni aaqqissuisartuusoq. Katuamik aningaasalersuisuupput Kalaallit Nunaanni  Namminersorlutik Oqartussat aamma Kommuneqarfik Sermersooq. Taaneqartullu saniatigut Katuaq allanik aamma aningaasaliisartoqarpoq, nunarput tamakkerlugu piorsarsimassuseq tunngavigalugu aaqqissuussarpassuarnik tapersersuisartunik.