Skip to main content
87

Dette jobopslag er udløbet

KNR-ip Nutaarsiassaqartitsiviani tusagassiortunik

Aatsitassat, silap allanngoriartornera - namminersulivinnissaq.

Suliassavit ilaat tamakkuninnga imaqartassapput, - tusagasssiortut marluk atorfissaqartitatta aapparissappatit.

Atorfiit KNR-ip Nuummi Nutaarsisaqartitsiviani inissisimapput.

Atorfiniffissaq kingusinnerpaamik 1. september 2017 pissaaq.

KNR-ip Nutaarsiassaqartititviata nutaarsiassanik aaqqissuisoqarfiit kattuteqqammerpai ataatsimoortunngortillugit, kiisalu allanngortiterisoqarpoq nutaarsiassat ataatsimik isaavilerlugit piareersaaviusumik.

Siumissami tusagassiortut tusagassiivinni assigiingitsuni sulisinnaasussaapput. Taamaasillutik radiukkut, TV-kut web-ikkullu tusagassiorsinnaassallutik.

Tamanna aamma illit piareersimaffigisariaqarpat. Atorfinittulli aallaavittut Radioavisi-mut nutaarsiassanik, toqqaannartunik aallakaatitsinernik aammalu nutaarsianik pilersuissapput, suleqatigiit peqatigalugit.

Atorfiup aappaani piumasaqaataavoq Radioaviisinik qitiusumik toqqaannartunillu eqqortumik kalaallisut aallakaatitsisinnaanissaq piumasaqaataavoq.
Atorfiup aappani piumasaqaataavoq qallunaatut eqqortumik Radioavise-mik aallakaatitsisinnaanissaq.

Kalaallisut qallunaatullu oqalussinnaaguit iluaqutigissavat. Kalaallit Nunaanni nutaarsiassanik pilersuinermi KNR pingaarnertut inissisimavoq. 
Kalaallit nunaanni innuttaassut 80 procentiisa missaanniittut nutaarsiassanik ullut tamaasa tusarnaarlutillu isiginnaartarput.

Radioavisi akunnerit tamaasa ullaakkut arfineq marluniit unnukkut arfineq pingasut ilanngullugit kalaallisut qallunaatullu nutaarsiassanik allakaatitsisarpoq, saniatigullu nittarsaavitsigut knr.gl -ikkut nutaarsiassaqartitsisarluta.

Qanorooq ullut tamaasa TV-kkut nutaarsiassanik saqqumiisarpoq, kiisalu DR-ikkut aallakaatitassanik 25 minuttinik takissusilinnik sapaatit akunneri tamaasa suliaqartarluni. Nunatsinni innuttaassut nutaarsiassanik tutsuiginartunik, pingaarnerpaanik eqqortunillu nunatsinniit nunanilu allaniit nutaarsiassanik pilersuinissaq pingaartilluinnarparput.

Naatsorsuutigaarpullu: 

  • tusagassiortutut ilinniarsimanissat assigisaanilluunniit iliniagaqarsimanissat
  • pissutsinik malinaallutillu soqutiginnittuunissat
  • Suleqatigiuminartuunissat, ilakkuminartuullutillu pisunik sukuiaallutit paasiniaasinnaanissat tusagassiortarnissallu

Akissarsiat atorfeqarnermullu tunngasut 
Akissarsiat atorfeqarnermilu atugassaritaasut, ilanngullugit atorfininnermi sulijunaarnermilu angalanerni pisatallu assartorneqarnerini akiliunneqarluni nuussinnaatitaanernut tunngasut Namminersorlutik Oqartussat Kattuffiullu isumaqatigiin- niussisinnaasutut piginnaatitaaffeqartup akornini isumaqatigiissutit naapertorlugit suliarineqassapput.

Najugaqarneq 
Atorfinittussap piumasaqaataasunik naaammassinnissimassup, atorfimmut atatillugu inissiamik pequserssorneqanngitsumik maleruagassat naapertorlugit sulinermut atasumik ineqartoqarsinnaavoq. 
Inigisamut akiliut iserternermilu akiliutaagallartut maleruagassat naapertorlugit aaqqiivigineqarsimapput.

Atorfeqarnermut atasumik ineqartitaaneq atorfeqarnerup nalaani atuuttussaavoq, atorfeqarunnaarnermilu qimanneqartussaalluni. 
Inigisamut akiliutit inigisap pitsaassusaa naapertorlugu nalilerneqartarpoq, taamaammat inigisamut akiliutit inigisap pitsaassusaa, pisoqaassusaa, kikkunnit pigineqarnera pissutillu allat naapertorlugit assigiinngissuteqarsinnaapput.

Atorfiit pillugit paasissutissat ersarinnerusut pissarsiarineqarsinnaapput akisussaalluni aaqqissuisumut Jens Thorin-imut, +299 361501jth@knar.gl saaffiginninnikkut imaluunniit Nutaarsiuassaqartitsinermi Pisortamut Mikkel Bjarnø Lund-imut +299 361570-mut sianernikkut imaluunniit mib@knr.gl aqqutigalugu allannikkut.

Qinnuteqaat nalunaaqutserneqasaaq ”KNR-imi Nutaarsiassaqartitsivimmi Tusagassiortoq” qinnuteqaammut ilanngunneqassapput CV, kiislu ilinniarsimanermik uppernarsaatit, minnerunngitsumillu siusinnerusukkut suliffigisimasanik uppernarsaatit ilanngunneqassallutik.

Qinnuteqaat kingusinnerpaamik 24. juli 2017 tigusimassavarput. 

Uungalu nassiunneqassaaq:

Kalaallit Nunaata Radioa
Postbox 1007
3900 Nuuk
 

Aamma elektroniskimik uunga nassiussinnaavat: atorfik@knr.gl 

 

Søg stillingen online