Skip to main content
81

Dette jobopslag er udløbet

Allagarsiuteqqitaq – Qanorooq nutserisussarsiorpoq

Nunatsinni nutaarsiassaqartitsiviit annersaanni nukittunersaannilu sulinissat soqutiginartippiuk, taava massakkut periarfissaqalerputit. KNR-imi nutaarsiassaqartitsivik eqeersimaartumik nutserisussarsiorpoq aggustip aallaqqaataani qanimulluunniit isumaqatigiissuteqarnikkut sulilersussamik.

Pingaarnertut nutsigassat nunatta avataanit nutaarsiassaapput kalaallisuunngortitassat, taamaattorli aamma uaugut tusagassiortutta suliaat kalaallisuunit qallunaatuunut illuanullu suliassaallutik.

Atorfik raatiuaviiseqarfimmiippoq.

Innuttaasut sukkasuumik pitsaanerpaanillu tunerusuppagut nutaarsiassanik nunatsinnit nunaniillu aallaneersunik ilaassaguillu makku piumasaqaatigaavut:   

  • Nutserisutut assigisaanilluunniit ilinniagaqarsimassasutit
  • Tamakkiisumik marluiusunik oqaaseqartuusutit kalaallisuumiillu qallunaatuumut aammalu qallunaatuumiit kalaallisuumut nutserisinnaasutit
  • Suleqatiginninnissamut pitsaasunik piginnaaneqassaatit, qiimasuullutit apeqqusiisinnaassuseqarlutillu.

KNR-imi nutaarsiassaqartitsivik suliffiuvoq ulapaarfiusoq aammalu tamatigoortoq. Ullormut susoqassanersoq ilisimajuaannarneqanngilaq. Taamaattumik nutsigassanik sulineq pitsaassusaa ajoqusinngikkaluarlugu sukkasuumik ingerlanneqartassaaq.

Qinnuteqanissamut ulloq killiliussaq tassaavoq 13. Juli 2018.

Aningaasarsiassat atorfininnermilu atugassarititaasut Namminersornerullutik Oqartussat Tusagassiortut Peqatigiiffiatalu/ Dansk Journalistforbundiatalu akornanni isumaqatigiissutaasut atuupput.

Atorfimmut atatillugu ineqartinneqarnissaq pisinnaanngilaq, kisianni Namminersorlutik Oqartussat aqqutigalugit ineqartinneqareersimaguit KNR-ip ineqartitsinermut pulje-nut inigisat nuunneqarsinnaavoq.  

Atorfinitsitsinissaq pillugu paasisaqarnerorusukkuit nutaarsiassanik aaqqissuisumut Jens Thorin-imut oqarasuaat 36 15 01 jth@knr.gl saaffiginnissinnaavutit imaluunniit nutaarsiassalerinermut aqutsisoq Mikkel Bjarnø Lund saaffigineqarsinnaavoq uunga: 36 15 70, mib@knr.gl

 

Qinnuteqaat ilinniarsimanermut uppernarsaammik imaqassaaq aammalu siuliani suliffigisimasanit oqaaseqaatinik imaqarsinnaalluni. Uunga nassiunneqassaaq:  Kalaallit Nunaata Radioa - Postboks 1007 - 3900 Nuuk – imaluunniit mail-ikkut: atorfik@knr.gl