Skip to main content
88

Dette jobopslag er udløbet

Brugseni Sisimiut tuniniaanermi pisortassarsiorpoq

Kalaallit Nunaanni Brugseni suliffeqarfiuvoq 100%-imik Nunatsinnit pigineqartoq ineriartorluarfiusorlu. 2016-imi pisiniarfik ammagarput kingulleq Nuummi Qinngorpumiippoq. 2019-imi Ilulissani pisiniarfimmik ammaassaagut.

Sinerissami illoqarfinni arfineq marlunni 450-it missaanniittunik sulisoqarpoq.

Brugseni Sisimiut niuertarfissuuvoq nutaaliaq, quleriinni marlunni alleq nerisassanik nioqquteqarfiuvoq qullerlu atortussaarniarfiulluni. Pisiniarfik aserfallaatsaaliorneqarajuppoq 60-inillu sulisoqarluni illoqarfimmilu marlunnik immikkoortortaqarluni.

 

Aalajaatsumik tuniniaanermi pisortassarsiorpugut sullissilluarnissamik pingaartitsisumik ulapiffiusumilu sulilluarsinnaasumik.
Immikkoortortani pingasuni, nillataartitsiveqarfimmi, qerititsiveqarfimmi naatitaarniarfimmilu pisortaaneq ingerlatsinerlu akisussaaffigissavat. Sulisut marluk akisussaaffigissavatit ilinniartorlu ataaseq akisussaaqataaffigissallugu. Suliassat assigiinngitsut pilersaarusiorlugillu suliarisassavatit, soorlu nioqqutissanik inniminniineq, suliffissanik aamma suliassanik pilersaarusiorneq, sulisunut pisortaaneq, nioqqutissanik ilioraaneq, pisinianik sullissineq, kaaviiaartitanik missingersuusianillu malittarinninneq, taamaalillutillu tamatigoortumik ulluinnaqassaatit ullullu assigiinngiiaassallutik.

 

Piginnaasatit

  • Pisiniarfimmiinnermi ilinniagaqarputit minnerpaamilluunniit ukiuni 3-ni misilittagaqarlutit
  • Minnerpaamik ukiumi ataatsimi pisortaanermik misilittagaqarputit
  • Nioqqutissanik inniminniinermi misilittagaqarputit
  • Nalunaaquttap akunnerini amerlasuuni aalallutit sulisinnaavutit
  • Unammillerusussuseqarputit unamminartunillu suliaqarneq nuannaralugu
  • Aalajaatsuuvutit akisussaassuseqarlutillu
  • Pilersaarusiullaqqipputit siulersuillaqqillutillu
  • Suleqateqallaqqipputit qiimasuullutillu
  • Sullissiumatuvutit pisinianut sulisunullu
     

Ilinnut neqeroorutigisinnaavavut

  • Suleqatit nuannersunik akornanni soqutiginartunik suliaqarneq
  • Suliffeqarfimmi pikkorissarnikkut inuttut suliatsigullu ineriartornissamut periarfissaqarneq
  • Sulisutut pitsaasunik akikilliliivigineqarsinnaaneq
  • Piginnaasat naapertorlugit akissarsiaqarneq
     

Qinnuteqarnissamut killigititaq
Kingusinnerpaamik maajip 27-at 2018, sioqqullugu ajussanngeqaaq.

Ingerlaavartumik oqaloqateqartoqartassaaq.

 

Qinnuteqaat HR-imut nassiunneqassaaq uunga:
ungaaq.abelsen@knb.gl

 

Paasissutissat allat
Sulilerfissaq: Juunip aallaqqaataa imaluunniit isumaqatigiissutigisaq naapertorlugu.
Nalunaaquttap akunneri suliffissat agguaqatigiissillugit sapaatip akunneranut 40-upput nikerartumik suliffiullutik.
 

 

Atorfik pillugu apeqqutissaqaruit ukununnga attaveqarit
Niuertarfimmi aqutsisoq Arnannguaq Lyberth, tlf. +299 86 17 01
mail arnannguaq.lyberth@brugseni.gl

Pisortamut tullersorti Paninnguaq Boassen, tlf. +299 86 17 02
mail paninnguaq.boassen@brugseni.gl

Nittartagaq: www.brugseni.gl

Facebook: Kalaallit Nunaanni Brugseni