Skip to main content
108

Brugseni Qaqortumi pikkorissumik niuertarfimmi aqutsisussarsiorpugut

Kalaallit Nunaanni Brugseni niuertarfitsinnik Qaqortumiittumik ineriartortitsinermi siuttuusussamik pikkorissumik piginnaassusilimmillu niuertarfimmi aqutsisussarsiorpoq.

Brugseni Kalaallit Nunaanni pisiniarfiit annersaat ilagai. Kalaallit Nunaanni illoqarfiit annersaanni arfineq marlunni pisiniarfiuteqarpugut 2019-illu affaani siullermi Ilulissani arfineq pingajuat ammassavarput.

 

Pingaartitat pitsaasut ilaasortatsinnit tusindilinnit aalajangerneqarsimasut tunngavigalugit sulivugut. Nunatsinni, inuiaqatigiinni, avatangiisitigut sulisutsinnullu 450-init amerlanerusunut malunnartumik iluaqutaanissarput kajumississutigaarput.

 

Niuertarfitsinni pisiniartunik paasissutissiillaqqillutalu oqaloqateqallaqqippugut iluanaarutisisarmata pisiassallu eqqortut naleqqulluinnartunik akillit pisiarisarmatigit. Aammattaaq suliffeqarfimmut inuiaqatigiinnullu sunniuteqaqataasinnaapput – sumiiffinni ataasiakkaani nunalu tamakkerlugu.

 

Brugseni Qaqortumi niuertarfimmi aqutsisutut suleqatigiinnut aalajaatsunut, aallussilluartunut Kujataanilu illoqarfiit annersaanni pisiniartunik sullissillaqqissunut, siuttuussaatit. Pisiniarfiup arealia katillugu 4200m2-iuvoq, taakkunannga 1400m2 pisiniarfiulluni. Pisiniarfik ammasumik neqaarniarfeqarpoq, elektroniskiusunik akinik allagartaqarluni, immikkoortortaqarlunilu pisiniarfik mikinerusoq ataatsimik.

 

Suliassat pingaarnerit makkuupput

  • Brugseni Qaqortoq 50-inik pimoorussisunik sulisoqarpoq. Suleqatigiinnik eqqortunik pisiniartunik sullissisussanik sulisinnaalluartunik siulersuillutillu ineriartortitsillutillu ingerlaavartumik katiterisassaatit.
  • Pisiniarfiup ataqatigiilluarnissaanik tunisiffiunissaanillu qulakkeerinissaq akisussaaffigissavat, ullut tamarluinnaasa.
  • Pisiniarfimmi pisisartut tunngavigalugit qinigassanik illoqarfissinnut naleqqussaaneq tuniniaanermi pisortaq pisiniarnermillu immikkoortortaq peqatigalugit akisussaaffigissavat. 
  • Brugseni Qaqortumut immikkoortortaanullu inaarutaasumik missingersuusiortarneq akisussaaffigissavat
  • Tuniniaanermi pisortap (sinerissami pisiniarfinnut) ikiortigissavaatit Brugseni Narsamut Nanortalimmut tunngatillugu siunersiuinermik malittarinninnermillu.

 

Suliatigut piginnaasat

  • Niuertarfissuarmi angisuumi aqutsisutut assingusumik atorfeqarsimanermik uppernarsaateqarneq
  • Siulersuisinnaanermik niuertarfimmiinnermillu misilittagaqarluarneq
  • Coop-ip aqutsinermut atortuinik ilisimasaqarneq iluaqutaassaaq

 

Inuttut piginnaasat

  • Angusaqarusussuseqarneq pimoorussinerlu.
  • Pisortatut kajumissisitsisarputit suliumatuujullutillu sulisullu pimoorussinerat tuniserusussusiallu aqqutigalugit angusaqarluarsinnaasarlutit.
  • Qasusuipputit isumaqatigiissutillu malillugit iliortarlutit
  • Ulluinnarni ulapaarfiusuni eqqissisimasarputit.

 

Neqeroorutigaavut

  • Pisiniarfik angisooq immikkoortortalik katillugit 90 mio. kr. missaanniittunik tunisiffiusartunik.
  • Suliffik namminersorluni suliffiusinnaasoq ineriartorfiusorlu unamminiagassarpassualik illoqarfigisamilu niuernissamut periarfissiisoq.
  • Suleqatigiit pikkorissut pimoorussisullu.
  • Pisiniarfimmik immikkoortortaanillu ineriartortitsinermi iluatsilluarnissamut periarfissanik ulikkaartoq.
  • Siulersuisunik aallussilluartunik pisoqarfiusumik suleqateqarneq.
  • Akissarsiat pilerinartut sulisutullu inissiaqarnissamut, ukiumoortumik feriefrirejseqarnissamut aamma tikinnermi aallarnermilu pigisat nuunnerannik akiliunneqarnissamut periarfissaqarpoq.

 

Qinnuteqarnissamut killigititaq

Kingusinnerpaamik 22. juli 2018

 

Qinnuteqaat HR-imut nassiunneqassaaq uunga

ungaaq.abelsen@knb.gl

 

Paasisutissat suli allat

Atorfininneq 1. september 2018 imaluunniit isumaqatigiissutigisaq naapertorlugu.

 

Atorfik pillugu apeqqutissaqaruit uunga attaveqarit

Tuniniaanermi pisortaq Mark Kobberrød, oqa. +299 36 35 02, mail mark.kobberroed@knb.gl

Web: www.brugseni.gl

Facebook: Kalaallit Nunaanni Brugseni