Skip to main content
65

Dette jobopslag er udløbet

Brugseni Nuuk pikkorissumik teknikkimillu piginnaasalimmik assiliartalersuisussarsiorpoq

Pilerisaarinerni ilusilersuinernilu periutsit nutartertuartuni malinnaajuartuuvit, teknikkimik piginnaasanik ukkataqarpit, suliffimmilu ulapaarfiusumiissinnaalluarpit? Suliffissat tulleq immaqa uagutsinniippoq. Assiliartalersuisartumik pikkorissumik ujaasivugut, teknikkikkullu suliassanik unammillernartulinnik suliaqarsinnaasumik pissarsiorluta.

 

Kalaallit Nunaanni niuerfiit annerpaasut ilagaat Kalaallit Nunaanni Brugseni. Kalaallit Nunaanni illoqarfinni annerni arfineq marlunni pisiniarfinnik ingerlatsivugut, tunngaviusunillu naleqartitanik patajaatsunik ilaasortaasut tusintilikkuutaat aalajangersagaannik toqqammaveqarluta sulivugut. Inuiaqatigiinni, avatangiisinut sulisorisatsinnullu 430-isunut aammalu Kalaallit Nunaanni malunniutilimmik allannguerusussueqarnerput qiteraliaralugu angutsertuarlugulu suliuarpugut. Oqaloqatikkuminartuunerli naligiisillugu pisiniarfinnilu pisisartugut oqaloqatigisarneri ingerlappagut, tamatumani pitsaaqutit aalajangersimasut angutserlugit soorunalumi pisiassat akinut eqqortut piffissaagallartillugu pissarsiarisarlugit, aammattaarli suliffeqarfik inuiaqatigiillu sumiiffinni nunalu tamakkerlugu ilusileeqataaffigiiffiumallugit.   

Pilerisaarinermik immikkoortortaqarfik nukittorsarneqarnissaani nutaanik nukissanik ujartuivugut ilusilersuinermik suliaqarnerni eqeersimaartumik sullarillunilu pikkoriffeqartumik. Teknikkikkut suliassani MAC IT atorlugu suliassanik ingerlatsiviusumi unammillernartunik pinngorarsinnaasunik suliaqarsinnaasumik suleqatissarsiorpugut. Ilusilersuinernilu suliassat saniatigut siuliani taaneqartuni unammilligassaqarfiusinnaasunik suliaqarsinnaassuseqartariaqassaatit. Immikkoortortaqarfiarannguugatta tamatigoortumik sulianilu pulalluarsimanissat iserfigisinnaalluartariaqarpat.    

Immikkoortortaqarfimmi sulisut arfineq marluupput, allattoqarfimmi katillugit inuit 20-it sulisuupput.

 

Suliassaqarfitit:

  • Ilusilersuineq tunisassiornerlu, tamatumani ilusilersuinerit analog-it digital design-it sukujuiiarneri tamakkiisut.
  • Ilusilersuinerni malittarisassanik inerisaanerni ilusilersuinernilu najoqqutassiassavinnik suliaqarnermi takusassianillu pinngorartitsinerni ilusilersuinermik ataqatigiissaarisumik qanimut suleqateqarneq
  • Mac IT atorlugu 1 server aammalu 7 brugere-mik atuinerni ikorfartuineq, tamatumani Adobe CC toqqammavigineqarluni

 

Naatsorsuutigisagut:

  • InDesign, Illustrator, Photoshop ajornanngippat Lightroom version-it nutaanerni minnerpaamik superbruger-iunissat.
  • Ilusilersuinernut tunngasunik ilinniagaqarlutit allagartaqarnissat suliffeqarfinnilu misilittagaqarnissat, ajornanngippat ilusilersuinermik suliffeqarfimmi misilittakkat, tamatumani freelance-tut imaluunniit suliffeqarfimmi allami pilerisaarinermik immikkoortortaqarfimmi sulinermik misilittagaqarneq
  • Mac atorlugu ilusilersuinerni sulinissamik kajumissuseqarneq misilittagaqareersimanissarlu aammalu ingerlatsinerup kipisaqattaanngitsumik tutsuiginartumillu ingerlanissaanik qulakkeerinninnissami teknikkikkut ajornartorsiutaasinnaasunik aaqqiissuteqarsinnaassuseqarneq
  • Niuerluarsinnaanermik paasinnilluarsinnaassuseqarneq, ajornanngippat niuernermik ingerlatsiviusunit allanit misilittagaqareersimanissaq, pisiniarfinnik soqutiginarsaalluarnissani pisisartunik tiguaanissanik eqeersimaartumik suliniuteqarnikkut angusarissaarnissanik iluatsittumik ilusilersueqataanikkut suleqataaneq.
  • Suliniutini angusarissaarfiusunit allanit peqataaffigisannit takussutissiisinnaaneq
  • Sulianik tamakkiisumik isiginnissinnaaneq sulianullu attuumassuteqartut ataasiakkaat ilanngullugit.
  • Nammineq sulisinnaassuseqarnissat allanillu suleqateqarsinnaaneq suliassanik immikkut ilisimasaqartut akornani sulisinnaaneq kiisalu suliffeqarfiup avataaniit suleqatigisanik suleqateqarsinnaaneq.

 

Neqeroorutigaavut:

  • Nuup illoqarfiata qiterpiaani suliffeqarfik suliffeqarfitsialak
  • Suleqatit nuannerluinnartut ataatsimooqatigiilluartut akornani sulineq qerattakkajaajunngitsumillu suleqatigiit attaveqatigiittarneri.
  • Suliffimmi suliassanut tunngasuni inuttullu annertuumik ineriartornissamik pissarfissiusinnaasoq
  • Suliffeqarfik pissanganartoq nutaaliorfissarpassuaqarfiusoq.
  • Piginnaasat najoqqutaralugit akissarsiaqartitsineq kiisalu sulisunut aaqqiissuteqartarnerit tamatumani soraarnerussutissiassat.

 

Qinnuteqarnissamut killigititaq
Kingusinnerpaamik 25. februar 2018, ajornanngippat sioqqullugu.

Ataavartumik atorfik pillugu oqaloqatiginninnerit ingerlanneqasssapput.

 

HR-imut qinnuteqaatit nassiuguk
ungaaq.abelsen@knb.gl

Siusinnerusukkut suliniutinik ingerlassimasanik takussutissianik qinnuteqaammi ilanngussilluni nassiussinissaq inussiarnersumik qinnutigineqarpoq

 

Paasissutissat annertusisat:
Atorfininnissaq isumaqatigiissuteqarnikkut aallartissaaq.

 

Atorfik pillugu apeqqutissaqaruit attaviugiuk
pilerisaarinermik attaveqarnermilu pisortaq Benny Reffeldt Otte
Oqar. +299 36 35 07

benny.otte@knbmarketing.gl

 

Web: brugseni.gl