Skip to main content
85

Dette jobopslag er udløbet

Brugseni Nuuk delikatesseerniarfiup igaffiani pisortassarsiorpoq

Brugsenimi iggavimmi pisortatut ulluinnarni pisortatut akisussaaffippassuaqassaatit, nerisassanut inunnullu tunngatillugu aamma suliassarpassuaqartassallutit. Pisortassarsiorpugut tunisassiornitsinnik qaffasissumik pitsaassuseqartitsiuarsinnaasumik delikatesseerniarfimmilu sulisunut pitsaasumik suliffeqartitsisinnaasumik.

 

Suleqatigiit pikkorissut piginnaanillillu ilisimasaqarluarlutik suliaqarnissamut piareersimasut siuttuuffigissavatit. Taamaattumik pingaaruteqarpoq sulinermi pitsaasunik atugassaqartitsisinnaanissat immikkoortortamillu ulluinnarni aamma ulapaarfiutillugu qiimasaarfiutitsisinnaanissat. Iggavimmi pisortatut ulluinnavit annersaanni immikkoortortami allaffissornikkut suliassanik suliaqartassaatit, soorlu sulisunik nutaanik atorfinitsitsinermik, fakturalerinermik, inniminniinermik suliaqarneq, suliassanik pilersaarusiornermik il.il.

 

Pisortatut suliassavit annersaat saniatigut allanngorartumik ulluinnaqassaatit sassaalliutissanik kissartunik nillertunillu nioqqutissiornermut aammattaaq suliffeqarfippassuarnik aalajangersimasumik sullittakkatsinnik sullissinermut akisussaaqataassallutit. Delikatesseerniarfimmittaaq akisussaaffigineqarpoq atuartunut 1.600-t missaanniittunut ulluinnarni tamani nerisassiorneq, taamaaliorsinnaanissamullu pilersaarusiorluarsinnaanissaq pingaaruteqarpoq.

 

Brugseni Nuuk ukiumut 300 mio. kr. sinnerlugit kaaviiaartitaqartarpoq nerisassanik atortussanillu assigiinngitsorpassuarnik nioqquteqarluni. Pisiniarfik 160-it missaanniittunik sulisoqarpoq; ataaseq iggavimmi pisortaavoq, pingasut igasuupput, nerisassanik paasisimasalik ataaseq iggavimmilu sulisut marluk. Delikatesseerniarfimmi tamarmi iggavittalimmi, tuniniaavittalimmi caféertalimmilu immikkoortortanilu marlunni pisiniarfimmi anginermiinngitsuni 30-t missaanniittunik sulisoqarpoq. Delikatesseerniarfik ammasuuvoq pisiniarfiullu ilaaniilluni taamalu pisianik sullissineq aamma ulluinnarni suliassaalluni.

 

Soqutiginartikkukku tusarfiginissat qilanaaraarput.

 

Suliassat

  • Sulisunut pisortaaneq
  • Immikkoortortami ullormut ingerlatsinermut tunisassiornermullu akisussaasuuneq
  • Pilersaarusiorneq suliassanillu agguaassineq
  • Immikkoortortami allaffissornikkut suliassanut tamanut akisussaasuuneq (Inniminniineq, fakturanik suliaqarneq il.il.)
  • Sullitanut attaveqarneq
  • Atuarfinni nerisassanik tunisassiornermik aaqqissuussineq
  • Sassaalliutissanik kissartunik nillertunillu assigiinngitsorpassuarnik tunisassiornermut akisussaasuuneq

 

Illit piginnaasatit

  • Iggavimmi sulinermi ilinniarsimasuuneq ukiuniluunniit arlalinni misilittagaqarnermik uppernarsaasinnaaneq
  • Nioqqutissanik nalinginnaasunik tuniniaanermi, ingammik pisiniarfiit delikatesseerniarfiini, misilittagaqarneq
  • Pisortatut misilittagaqarneq
  • Ulapaarfiugajummat eqqissisimasinnaalluarneq
  • Ulapaarfiusuni sulilluarsinnaaneq
  • Suleqatigiinnissamik sullissinissamillu pingaartitsineq
  • Timikkut piginnaaneqarneq suliaq nukersornarmat
  • Assut eqqiluisaartuuneq
  • Kulturikkut assigiinngissutinik paasinnissinnaaneq

 

Ilinnut neqeroorutigisinnaavavut

  • Suliffik soqutiginartoq suliamut piginnaaninnik takutitsiffigisinnaasat
  • Immikkoortortami qinigassanik ineriartortitsinermut sunniuteqarneq
  • Pisortatut piginnaasanik ineriartortitsineq
  • Suleqatit pikkorissut suliffimmi pitsaasumi
  • Atorfininnermi atugassat pitsaasut atorfininnermut atatillugu inissiamik neqeroorfigineqarsinnaaneq, pequteqareersumik imaluunniit pigisat nassiunneqarsinnaallutik
  • Atorfininnermut atatillugu suliffimmillu tunuarnermut atatillugu angalanerit isumaqatigiissusiornikkut aaqqiivigineqarsinnaapput
  • Piginnaasat naapertorlugit akissarsiaqarneq

 

Qinnuteqarnissamut killigititaq

Kingusinnerpaamik novembarip 11-at 2018, sioqqulluguluunniit.

Ingerlaavartumik oqaloqateqartoqartassaaq.

 

Qinnuteqaat HR-imut uunga nassiunneqassaaq

ungaaq.abelsen@knb.gl

 

Paasissutissat allat

Sulilerfissaq: Sukkanerpaamik imaluunniit isumaqatigiissutigisaq naapertorlugu.

 

Nuuk pillugu

Nuuk Kalaallit Nunaanni illoqarfiit pingaarnersaat 18.000-t missaanniittunik inoqarpoq. Illoqarfik inunnut qanorluunniit ukiulinnut sammisassanik neqeroorutissaqarluarpoq. Ilaqutariinnut assigiinngitsorpassuarnik periarfissaqarpoq meeqqanullu pitsaasunik atuarfeqarluni. Illoqarfimmi sammisassaqarluarpoq pisiniarnissamut, caféniinnissamut, filmeriarnissamut nalugiarnissamullu periarfissaqarluarluni. Kalaallit Nunaata sineriaani sumiiffinni allanisulli Nuuk pinngortitarsuarmit alianaatsumit avatangerneqaqqavoq piniarnissamut, aalisarnissamut angalaarnissamullu periarfissaqarluarluni. Ullut tamaasa inuit 3.000-t 5.000-llu akornanniittut Brugsenimut isertarput, taamaammat pisoqartuaannarlunilu sammisassaqartuaannarpoq.

 

Atorfik pillugu apeqqutissaqaruit attavigikkit

Niuertarfimmi aqutsisoq Stefan Nelth +299 34 98 01, mail nuuk@brugseni.gl

Nittartagaq: www.brugseni.gl

Facebook: Kalaallit Nunaanni Brugseni