Skip to main content
91
jobs I ALT

Kalaallit Airports A/S Suliniutinut Pisortamik misilittagartuumik pissarsiorpoq

Nutaanik mittarfiliortiternermut peqataarusuppit – taava Kalaallit Airports A/S immaqa ilinnut soqutiginartuussaaq?

Kalaallit Airports A/S (KAIR) aaqqissuussaavoq nutaamik pilersinneqartoq Kalaallit Nunaanni mittarfinnik sanaartornissamut ingerlatsinissamullu akisussaaffeqartoq. Suliffeqarfik aallartisarfimminiippoq aaqqissuussaanermillu politikkikkut anguniakkanik, Nuummi Ilulissanilu mittarfinnik talliliinissamik kiisalu Qaqortumi nutaamik mittarfiliornissamik tigussaasumik siunertaqartunik, piviusunngortitsinissamik qulakkeerinnittussamik, pilersitsiartuaalerluni.

Atorfiup allaaserineqarnera

Suliniutinut pisortatut aaqqissuussaanermut ilaalissaatit Kalaallit Airports A/S-imilu mittarfissat suliassatigut, sanaartukkatigut teknikkikkullu siuariartortinneqarnissaannik kiisalu Siulersuisut aalajangiussaat naapertorlugit aningaasaqarnikkut piffissarlu eqqarsaatigalugu ineriartortinneqarnissaannik takorluukkat anguniakkallu siuariartortinneqarnissaat toqqaannartumik akisussaaffigissallugit.

Suliniutinut pisortap Pisortaaneq KAIR-ip niuernikkut ingerlatseriaatsit nalinginnaasut naapertorlugit sinaakkutissat siulersuisunit sukkulluunniit suliffeqarfimmut pilersinneqartut iluanni, mittarfinnut niuernikkut aningaasalersuinikkullu pilersaarutit ilanngullugit, ineriartortinneqarneranut ikiussavaa.

Pisortaanermut KAIR-ip teknikkimut aningaasaqarnermullu tunngasut eqqarsaatigalugit allaffeqarfianik ulluinnarni ingerlatsinermi ikiuutissaatit.

Isumaqataareersimasunik assigiinngitsorpassuarnik kiisalu suliffeqarfiup ingerlanneqarnera ineriartortinneqarneralu pillugit siulersuisut ataatsimiinnerini aalajangikkanik pisortaaneq suleqatigalugu malittareqqiineq.

Suliffeqarfimmi nammineq nakkutilleeriaatsimik/pitsaassutsimik qulakkeerinneriaatsimik atuutilersitsineq kiisalu sulisunngortussanik aaqqissuussaanermut ilisarititsineq tamatumalu saniatigut aaqqissuussaanermik atuinermik/naleqqussaanermik ingerlaavartumik malittarinninneq.

Suliassatit assigiinngiiaartorpassuussapput tamatumalu kinguneranik suliassat ataatsikkut arlalissuit ingerlanneqartussaallutik.

Angalasarnerit sumiiffinnilu uninngasarnerit atorfimmut  aamma ilaassapput.

Illit ilisarnaatitit

Ingeniøritut tunuliaqutaqarnerit pingaannginnerussaaq, suliffeqarfimmik siulersuinermik ineriartortitsinermillu minnerunngitsumillu suliniutinik siulersuinermik aqutsinermillu misilittakkatit pingaartinneqarnerussallutik.

Politikkikkut innuttaasunillu isumalluarfigineqarpugut. Taamaattumik pisariaqarluinnarpoq avatangiisini assigiinngiiaartuni sulisinnaanissat, aammasuunissat kiisalu isumaqatigiinniarsinnaanermut paasinnilluarsimanissat.

Tamatuma saniatigut naatsorsuutigaarput:

  • civil-, akademi-, diplom- imaluunniit teknikumingeniøritut assingusumilluunniit ilinniagaqarsimasutit.
  • Issittumi suliniutinik angisuunik siulersuinermik sukumiisumik misilittagaqartutit.
  • Sanatitsisunut siunnersuisartunik, siunnersuisartunik sanaartornermillu ingerlatsisunik suleqateqarnermik sukumiisumik misilittagaqartutit.
  • Pitsaassutsimik qulakkeerinninnissamik suliaqarnermik tamatumunngalu uppernarsaasiornermik qaffasissumik sukumiisumik misilittagaqartutit.
  • Avammut kiinnerartuusutit, tunniusimasuusutit, eqaallisaarsinnaassuseqartuusutit isumassarsianullu nutaanut ammasuusutit.
  • MS-office pakkemi qarasaasiarsornermiluunniit aqutseriaatsinik assingusunik ulluinnarni atuisuusutit.
  • Kalaallit oqaasiinik kulturiannillu ilisimasaqartutit.

Pissutsit allat

Inuttut isumaqatigiissut, misilittakkatit piginnaasatillu aallaavigalugit isumaqatigiissutigineqartussaq, tunngavigalugu aningaasarsiaqartitsisoqassaaq.

Atorfeqartitaanerup nalaani atorfimmut atatillugu inissaqartitsisoqaranilu biileqartitsisoqassanngilaq.

Sulinngiffeqarnissat assigisaallu Kalaallit Nunaanni sulinngiffeqartarnermut inatsit naapertorlugu pissarsiarineqartassapput ingerlanneqartassallutillu.

Qinnuteqarneq

Atorfik sulinermilu atugassarititaasut pillugit paasisaqarnerorusukkuit Pisortaaneq Steffen Ulrich-Møller oqarasuaat +299 55 44 33 maililu aqqutigalugit attaveqarfigisinnaavat.

Qinnuteqaatit uunga nassiutissavat: steffen@kair.gl kingusinnerpaamik 25. januar 2017.

Tusarfiginissannut qilanaarpugut.