Skip to main content
87

Dette jobopslag er udløbet

Iserit A/S Nuummi inspektør-issarsiorpoq

Iserit A/S sullissinermi pitsanngorsaanissamik kissaateqarpoq, taamaammat Nuummi piaartumik atorfinissinnaasumik inspektør-issarsiorpoq. Atorfik nammineersinnaasumut assigiinngitsunik suliassaqarfiuvoq, suliassallu ilaatigut tassaapput Nuup illoqarfittaani nunaqarfittaanilu Kommuneqarfik Sermersuup inissiaataanik ulluinnarni ingerlatsinermik aserfallatsaaliuinernillu akisussaaneq.

Nuummi, Tasiilami Paamiunilu atorfeqartugut tunniusimasut 25-iuvugut. Immikkoortortaqarfiit allaffiillu akornanni qanimut suleqatigiippugut, taamaammallu inummik piukkunnartumik suliffeqarfitsinni suleqatissarsiorpugut, taannalu sulinermini pikkorissuseqassaaq, suleqatigiinnermut piginnaasaqarluassaaq qiimasuussallunilu.

Nuummi inspektør-itut atorfik:
Kiffartuussisussatut suliffeqarfiugatta sullitavut - attartortuuppata, inissiaateqarfinni siulersuisuuppata imaluunniit inissiaatinik piginnittuuppat soorunami tamaasa qitiutittussaavagut.

Ulluinnarni ulapaarfiusuni, assigiiaanngeqisuni pissanganartunilu inspektør-itut suleqataassaatit, sulinermilu kiffartuussinermut pingaartitsineq, nammineer-sinnaaneq, akisussaaffeqarneq pissusissamisullu eqquinikkut piumasaqaatit annertuut piumasaqaataassapput.

Suliassatit pingaarnerit makkuussapput:

  • Iluarsaassinerit aserfallatsaaliuinerillu pilersaarusiornissaat nakkutiginissaallu.
  • Sullissisut avataaneersut sulinerini malinnaaviginissaat nakkutiginninnissarlu.
  • Attartortitat teknikkikkullu atortorissaarutit nakkutiginissaat.
  • Inissiat qimanneqarnerini iserterfigineqarnerinilu misissuisarnissat.
  • Kommunip inissiaataannik, suliffeqarfiutaannik allaffeqarfiinillu ingerlatsinermut aserfallatsaaliuinernullu pilersaarusiortarnissat.
  • Attartortunut inissiaateqarfinnilu siulersuisunut attaveqarnissaq.
  • Teknikkikkut ingerlassat tungaasigut missingersuusiornernut missingersuutinillu nakkutilliinermut ilanngussassanik piareersaanerit.
  • Kommunip inissiaataanni illuutaannilu annikitsunik annertuunilluunniit aserfallatsaaliuinissanut suliarinnittussarsiornerit, isumaqatigiissusiornerit, nakkutilliinerit ingerlanneqartullu nalaanni qullersatut inissisimanissaq.

Sulininni allaffimmi allaffiullu avataani sulisariaqartassaatit, attartortunullu, inissiaateqarfinni siulersuisunut, avataanit sullitatsinnut pisortaqarfinnullu qanimut attaveqassaatit, taamaammallu eqaatsumik sulisinnaaneq kiffartuusserusullunilu pissuseqarnissaq pingaaruteqarluinnarput.

Naatsorsuutigaarput:

  • Ilinniagaqartutit illuliornermi teknikeritut / teknikkikkut assistent-itut, illuliornermi konstruktør-itut, imaluunniit allatigut assassorlutit sulinermik ilin-niagaqarsimanissat allaffissornikkullu misilittagaqarlutit .
  • Microsoft Office-ip naliginnaasumik atornissaanik sungiussisimassasutit.
  • Marluinnik oqaaseqassaatit – oqallorillutit kalaallisut qallunaatullu.
  • Allakkatigut oqaloqatigiinnikkullu oqaasiliullaqqissasutit.
  • Pitsaassutsinik akisussaaffimmik ilisimannissasutit, aalajangersimasuussasutit nammineerlutillu sulisinnaaneq nuannarissagit. Saniatigut suliassat pilersaarusiornissaannut piviusunngortinnissaannullu piginnaassuseqassasutit.   
  • Inussiarnersumik pissuseqarlutillu ammasumik kiinnertassassutit, inuillu assigiinngitsut akornanni akaareqatigiinneq tunngavigalugu sulisinnaassasutit.
  • Suleqataalluarlutillu suleqatikkuminassasutit – suleqativit akornanni suleqatigisallu avataaneersut akornanni.
  • Naatsorsuutinik missingersuusiorsinnaassasutit aningaasaqarnikkullu aqutsinermik misilittagaqalaarsimassasutit.

Uagut neqeroorutigisinnaavagut:

  • Suliffeqarfik kajuminnartoq suliassallu akisussaaffittallit nammineersinnaaffiusullu, suliassat assigiinngiiaartut piffissami qaninnerusumi ungasinnerusumilu ilinnut unammillernartussaasut.
  • Suliat tungaasigut inuttullu ineriartornissaq.
  • Piginnaasatit naapertorlugit akissarsiat soraarnersiuteqalernissannullu aaqqissuussinerit allanut unammillerluarsinnaasut.

Atorfininnermut atatillugu inissaqartitsivugut, tassungalu maleruagassat atuuttut naapertorlugit qularnaveeqqussut, inimut akiliutissat il.il. akilerneqartassapput.

Piaarnerpaamik imaluunniit kingusinnerpaamik 1. september 2017 aallartissinnaavutit.

Atorfik pillugu annertunerusumik paasisaqarusukkuit saaffigisassat tassaavoq Ingerlatsinermut aqutsisoq Ane-Birgithe Pedersen, oqarasuaat:+ 299 36 30 10 / e-mail: abp@iserit.gl - imaluunniit Ingerlatsinermut siunnersorti Betina B. Nornild, oqarasuaat: + 299 36 30 08 / e-mail: beb@iserit.gl. Atorfinitsitsinissamut saqqummiussaq nittartakkatsinni aamma takuneqarsinnaavoq: www.iserit.gl

Qinnuteqaatit ”Inspektør, Nuuk”-mik qulequtserlugu, CV-t ilanngussassallu pisariaqartut ilanngullugit uunga nassiutissavat:                     
Iserit A/S
Postboks 1539
3900 Nuuk
Mail: job@iserit.gl

Qinnuteqaat kingusinnerpaamik tallimanngornermi 4. august 2017 tigoreersimassavarput.

www.iserit.gl iserfigalugu Iserit A/S-imut tunngasunik paasisaqarnerusinnaavutit.