Skip to main content
79

Dette jobopslag er udløbet

Imarsiornermik Ilinniarfimmi Nuummiittumi ilinniartitsisoq

Imarsiornermik Ilinniarfimmi Nuummiittumi ilinniartitsisoq 
Suleqatitaarissavatsigit?
Imarsiornermik Ilinniarfik nalitsinnut nunanullu tamalaanut naleqquttuuvoq. Kalaallit Nunaanni inuusuttut imarsiortunngorusulersinniarlugit imarsiornermik ilinniartitsinissamut tunngaviusut aaqqereerput.

Atorfik pillugu

  • Ilinniartitsineq pingaartinnerulugu allanngorartumik suliffiusoq.
  • Imarsiortunik suleqaterpassuaqarluni pissanganartumik suliffiusoq.
  • Suleqatigiinneq ineriartornerlu qitiutillugit suliffik nuannersoq.
  • Suliffimmut tunngatillugu inuttullu ineriartorfiulluarsinnaasoq.

Naatsorsuutigaarput:

  • Skibsføreritut, skibsofficeritut, ilinniagaqarsimassasutit.
  • Imarsiortuusimassasutit niuernermut aalisarnermulluunniit tunngasutigut.
  • Simulatori misilittaqaqarfigisimassagit.
  • Ilisimasatit inuusuttunut aallussilluartunut ingerlateqqikkusussagitit.
  • Ilinniartitsinermut tunngasuni suleqatit suleqatigilluarsinnaassagitit.
  • Qiimasaartuussasutit.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Atorfiniffissaq:
01.08.2018
Piffissaq suliffiusoq sulinermut isumaqatigiissut naapertorlugu aaqqissuunneqassaaq.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik.

Paasissutissat allat
Atorfik pillugu paasisaqarnerorusukkuit uku attavigisinnaavatit:
Forstander Nivikka Brandt e-mail: nbr@maritim.gl, tlf. + 299 348780 , mobil + 299 55 94 00

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput. 

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat. 

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk