Skip to main content
94

Oqaluttuarisaanermut adjunkti / lektori

Atorfimmik allaaserinninneq piginnaasanillu piumasaqaatit
Ilisimatusarfimmi Kulturimut, Oqaatsinut Oqaluttuarisaanermi Institutimi, Kulturimut Inuiaqatigiillu Oqaluttuarisaanerannut Immikkoortortaqarfimmi oqaluttuarisaanermi adjunktitut/lektoritut atorfik. Atorfininneq adjunktitut lektoritulluunniit pissaaq.

Kissaatigineqarpoq atorfik 1. august 2018 isumaqatigiissuteqarnikkulluunniit inuttalerneqassasoq.

Qinnuteqartoq universitetimi naleqquttumik ilinniarsimassaaq, aammalu minnerpaamik adjunktitut ilisimatusarnermik ilinniagaqarnermilu piginnaasanik uppernarsaasinnaassalluni.

Atorfimmi ilaavoq ilinniartitsisarneq, tassunga ilanngullugit ilitsersuieq, soraarummeertitsisrnq ilisimatusarnerlu. Ilinniartitsisarnerup ilisimatusarnerullu saniatigut ilimagineqarpoq atorfeqartoq allaffissornermi sulisullu suleqatigiinneranni peqataasassasoq.

Atorfimmut ilaavoq ilisimatusartussatitaaneq, Kalaallit Nunaata 1700-p kingorna oqaluttuarisaanera pillugu misissuinernut atorneqarunissatut ilimagineqartoq.

Ilinniartitsisarneq ilitsersuisarnerlu atorfimmut ilaasut tassaapput bachelorinngorniarluni kandadatinngorniarlunilu ilinniartunik oqaluttuarisaanermi suliaqarnermi periutsinik, nunarsuup oqaluttuarisaanerata ilaanik oqaluttuarisaanermilu ilinniartitsissutinik ilinniartitsineq kiisalu specialinik allannermi ph.d.-nngornianillu ilinniartitsisarnermut ilitsersuisrnermullu atatillugu ilitsersuisarneq.

Ilisimatusarfimmi ilinniartitsineq danskisut, tuluttut kalaallisullu ingerlanneqarsinnaavoq.

Ilisimatusarfik,
Ilisimatusarfik 1987-imi instituttit sisamat ilanngullugit pilersinneqarpoq, tassunga ilanngullugu Kulturimut Inuiaqatigiillu Oqaluttuarisaanerannut Instituti. 2008-imi ilinsimatusarfimmik aaqqissuusseqqinnermi (kattutsitsineq, siulersuisut avataaneersut il.il.) institutip taaguuta Ilimmarfik Institutimi kattuttumi Kulturmut Inuiaqatigiillu Oqaluttuarisaanerannut Institutti-mut allanngortinneqarpoq.

Ilisimatusarfik sisamanik instituteqarpoq, Kulturimut, Oqaatsinut Oqaluttuarisaanermullu Instituti, Inuiaqatigiilerinermut, Aningaasaqarnermut Tusagassiornermullu Instituti, Ilikkagaqartarnermut Instituti aamma Peqqissaanermut Peqqissutsimillu Ilisimatusarnermut Instituti. Kulturimut, Oqaatsinut Oqaluttuarisaanermullu Instituti ilisimatusarfimmi sisamanik qanganeersunik ilinniarfeqarpoq kiisalu suliaqarfinnut tunngasunik bachelorinngorniarfeqarlui. Taakku immikkut tamarmik immikkoortortaqarput. Kulturimut Inuiaqatigiillu Oqaluttuarisaanerannut Immikkoortortaqarfik, Oqaatsinut Atuakkialerinermut Tusagassiuutinullu Immikkoortortaqarfik, Upperisarsiornermut Immikkoortortaqarfik, aamma Nutserinermut Oqaluttaanermullu Immikkoortortaqarfik.

Ilisimatusarfik, Danmarkimi Nunanilu Avannarlerni allani kiisalu Europap sinnerani Amerikamilu Avannarlermi ilisimatusarneq ilinniartitsinerlu pillugit suleqateqarpoq

Kulturimut Inuiaqatigiillu Oqaluttuarisaanerannut Immikkoortortaqarfimmi ukiuni pingasuni bachelorinngorniarneq, ukiuni tallimani suliaqarfimmi ataatsimi kandidatinngorniarnermik (bacheloritut ingerlaqqiffiusmillu), ukiut sisamaat avillugu oqaluttuarisaanermik pingaarnertut ilinniarnermik aamma ukiup aappaata affaani saniatigut ilinniartitsissummi ilinniarnermik neqerooruteqarpoq. Kingullerni marlunni ilinniarnertuunngorniarfimmi ilinniartitsisuunissaq siunertaavoq. Kulturimut Inuiaqatigiillu Oqaluttuarisaanerannut Immikkoortortaqarfimmi ilinniartitsisussaatitaasunik ilisimatusartussaatitaasunillu tallimaat avillugu piffissaq tamaat sulisoqarpoq kiisalu 50-it missaanni ilinniartoqarluni.

Qinnuteqaat
Qinnuteqartut adjunktitut lektoritulluunniit atorfik qinnuteqaatiginerlugu erseqqissumik allassavaat.

Qinnuteqaat qinnuteqarluni allakkap saniatigut ukuninnga imaqassaaq:

  • Ilanngussaq 1:Curriculum Vitae.
  • Ilanngussaq 2:Soraarummeernernut uppernarsaat.
  • Ilanngussaq 3: Inuit pingasut paasiniaaffigalugit attaveqarfigineqarsinnasut.
  • Ilanngussaq 4:Saqqummersitanik tamakkiisumik normulersukkamillu allattuiffik. 
    Allatat ilanngullugit nassiunneqartut (tak. Ilanngussaq 8) saqqummersitanik allattuiffimmi *-mik nalunaaqutserneqassapput.
  • Ilanngussaq 5: Maannamut ilisimatusarnernik naatsumik allaaserinninneq kiisalu siunissami ilisimattusarfiusinnasunik missingiut.
  • Ilanngussaq 6: Ilinniartitsisarnermik piginnaasaqarnermik uppernarsaat (pikkorissartitsinernut pilersaarutit, ilinniartitsisarnermik aaqqissuussisarneq kiisalu suliaasimasinnaasut pædagogikumilu)
  • Ilanngussaq 7: Ilisimatusarnernik ingerlatitseqqiisarnermut uppernarsaat.
  • Ilanngussaq 8:Saqqummersitat amerlanerpaamik pingasut tikillugit. Qinnuteqartup saqqummersitat amerlanerpaamik pingasut naliliinermut immikkut naleqquttut toqqassavai.

Naliliineq atorfinitsitsinerlu
Qinnuteqaatinik tiguneqartunik naliliinermut naliliinermi ataatsimiititaliamik suliamik ilisimasaqartunik malittarisassat atuuttut malillugit pilersitsisoqassaaq. Qinnuteqartut piffissap qinnuteqarfissap naareernerani naliliinermut ataatsimiititaliap katitigaanera pillugu ilisimatinneqassapput. Ataatsimiititaliap qinnuteqaatit tiguneqartut suliarissavai institutimilu pisortamut inassuteqaateqassalluni.

Akissarsiat atorffeqarnermilu atugassarititat
Akissarsiat atorfeqarnermilu atugassarititat Namminersorlutik Oqartussat kattuffiullu isumaqatiginninniarsinnaatitaasup pineqartup akornanni piffissami atorfininnermi isumaqatigiissutit atuuttut naapertorlugit aalajangerneqassapput, tassunga ilanngullugit atorfininnermi soraarnermilu angalanerit pequtinillu assartuineq.

Atorfeqarnermut atatillugu sulisut inaannik ineqartitsisoqassanngilaq. Sulisoq Namminersorlutik Oqartussani atorfeqarnermini sulisut inaanni najugaqareeruni sulisut inaat pigiinnarsinnaavaa. Sulisut inaat atorfeqarnermut atavoq, soraarnermilu qimanneqassalluni.

Atorfik pillugu paasissutissat sukumiinerusut immikkoortortaqarfimmi aqutsisumut Gitte Adler Reimerimut saaffiginninnikkut pissarsiarineqarsinnaapput +299 38 56 52gitr@ks.uni.gl.
Ilisimatusarfik pillugu paasissutissat sukumiinerusut pillugit Ilisimatusarfiup nittartagaa www.uni.gl innersuussutigineqarpoq.

Qinnuteqaat nalunaaqutserneqassaaq ”Atorfik, oqaluttuarisaanermi adjunkti/lektori” ilanngussallu ilanngullugit, saqqummersitat toqqarneqartut pingasunik assilillugit uunga nassiunneqassalluni:

Ilisimatusarfik
Postboks 1061
3900 Nuuk
Kalaallit Nunaat


Imaluunniit uunga: job@uni.gl

Qinnuteqaat kingusinnerpaamik ulloq 1, december 2017 Ilisimatusarfiup tigoreersimassavaa.

Søg stillingen online