Skip to main content
104

Dette jobopslag er udløbet

Inuiaqatigiilerinermut Immikkoortortaq pisortassarsiorpoq

Inuiaqatigiilerinermik, Aningaasaqarnermik Tusagassiornermillu Ilisimatusarfik, Inuiaqatigiilerinermut Immikkoortortami lektor-itut tunuliaqutalimmik pisortamik pissarsiorpoq.

 

Atorfik inuttalerneqassaaq apriilip 15-at 2018 aallarnerfigalugu imaluunniit isumaqatigiissuteqarnikkut.

 

Inuiaqatigiilerinermut Immikkoortortaq massakkumut 80-it miss. ilinniartoqarpoq, ukiullu tamaasa ilinniartut nutaat 20-it miss. ilinniartuutigilertarlugit.

 

Pisortatut suliassat ilaatigut makkuupput:

  • Ilinniarfiup aqunnera, tassunga ilaalluni ilinniarnermut tunngasunik aqutsineq
  • Ilinniakkanik pioreersunik nutaanillu ineriartortitsineq
  • Ilinniartitsisunik avataaneersunik ataqatigiissaarillunilu akulerutsitsineq
  • Ilinniartitsissutissanik suliarinninneq skemaliornerlu
  • Immikkoortortani allani pisortaasut peqatigalugit immikkoortortat akimorlugit iliniartitsissutissanik aaqqissuussineq
  • Immikkoortortami ilinniarneqarsinnaasuni tamani soraarummeerutissanik pilersaarusiorlunilu piareersaaneq
  • Suliassanik inunnut tunngasunik suliaqarneq, soorlu immikkut pineqarnissamik meritimillu qinnuteqaatinik suliarinninneq
  • Takkutinngitsoortut nalunaarsorneqarnerannik nakkutiginninneq
  • Atuartitsissutissanik ataqatigiissaarineq, ass. siunnersuisunik, censor-inik censor-eqatigiinnillu isumaginninneq

Ilisimatusarfimmi Inuiaqatigiilerinermut immikkoortortami ilaatigut makku ilinniartitsissutigineqartarput:

  • Sociologi (inuiaqatigiinnut allatut sammisumik ilinniagaq)
  • Politologi (inuiaqatigiinnut sammisumik ilinniagaq)
  • Aningaasaqarneq
  • Jura (inatsisit pillugit ilinniagaq)
  • Nunatsinni, issittumi aammalu nunat assigiinngitsut akornanni inuaqatigiinni tunngasut

Immikkoortortami pisortap ilaatigut ilinniartitsineq, ilinniartunik siunnersuineq, atuartitsissutinillu ineriartortitseqataanissaq pisussaaffiisa ilagaat. Immikkoortortami pisortaq ilisimatusarfiup attuumassuteqarfigisami pisortaanut akisussaavoq.

 

Atorfimmut qinnuteqartut naleqquttumik universitet-imi ilinniagaqarsimassapput aammalu uppernarsarsinnaassavaat ilisimatusarnermik, atuartitsinermik aammalu pisortatut aqutsinermik piginnaasaqarlutik. Naatsorsuutigineqarpoq qinnuteqartut ilisimatusarnermi pissutsinik atuuttunik ilisimasaqarluarnissaat, pingaartumik nunatsinnut issittullu sinneranut tunngasunik.

 

Ilisimatusarfimmi ilinniartitsineq qallunaatut, tuluttut imal. kalaallisut ingerlanneqarsinnaavoq.

 

Qinnuteqaat
Allakkap qinnuteqaataasup saniatigut makku ilanngunneqassapput:

  • Bilag 1: Curriculum Vitae.
  • Bilag 2: Soraarummeersimanermut uppernarsaatit (ph.d.-gradimut uppernarsaat assigisaalluunniit)
  • Bilag 3: Lektor-itut angusisimaneq
  • Bilag 4: Adjunktpædagogitut uppernarsaat
  • Bilag 5: Minitaqarnani normulersukkamillu saqqummersissimasanik nalunaarsuineq. Suliat qinnuteqaammut ilanngunneqarsimasut (bilag 8) *-mik nalunaaqutserneqassapput
  • Bilag 6: Siornatigut ilisimatusaatigisimasanik naatsumik allaaserisaq siunissamilu ilisimatusaatigiumaakkamut/nut siunnersuut/it
  • Bilag 7: Ilinniartitsisutut piginnaasanut uppernarsaatit (kursusertitsinissamut ilinniartitsinissamulluunniit pilersaarusiat, ilinniartitsissutissatut piareersakkat peqarpallu portfolio aamma pædagogikum)
  • Bilag 8: Ilisimatusaatinik avammut saqqummiussisarnermut uppernarsaatit
  • Bilag 9: Saqqummiussimasat amerlanerpaamik pingasut. Qinnuteqartup saqqummiussani amerlanerpaamik pingasut naliliinermut naleqqussorisamisut toqqarsinnaavai

Naliliineq atorfinitsitseriaaserlu:
Malittarisassat atuuttut naapertorlugit ataatsimiititaliortoqassaaq suliamik ilisimasaqarluartunik ilaasortalimmik qinnuteqaatinik naliliisussanik. Qinnuteqarnissamut killigitinneqartoq qaangiuppat qinnuteqartut paasitinneqassapput kikkut naliliinermi peqataassanersut. Naliliisussat qinnuteqaatit misissussavaat ilisimatusarfimmilu pisortamut innersuussuteqarlutik.

 

Akissarsiat atorfininnermilu atugassarititaasut:
Akissarsiat atorfininnermilu atugassarititaasut, ilaatigut atorfininnermut atatillugu aamma suliffimmit tunuarnermut atatillugu angalanerit kiisalu pisattat nassiunnerinut tunngasut Naalakkersuisut aamma kattuffiup pineqartut isumaqatigiissutaat naapertorlugit aaqqissuunneqassapput.

 

Inissaq:
Atorfimmut atasumik sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqareersimaguni sulisutut ineqarsinnaatitaanini tigummiinnarsinnaavaa. Inigisaq atorfimmut atavoq qimanneqassallunilu atorfimmit tunuarnermut atatillugu.

 

Paasissutissat annertunerusut:
Atorfik pillugu paasissutissanik annerusumik pissarsisoqarsinnaavoq immikkoortortami pisortamut Gestur Hovgaard, +299 38 56 72, gehov@uni.gl

 

Qinnuteqaat nalunaaqutserneqassaaq ”Stilling, afdelingsleder samfundsvidenskab”, bilag-ilerlugulu uunga nassiunneqassalluni: Ilisimatusarfik, Postboks 1061,3900 Nuuk eller til: job@uni.gl

 

Qinnuteqarfissaq kingulleq:
Qinnuteqaat Ilisimatusarfimmit tiguneqareersimassaaq kingusinnerpaamik 19. marts 2018.

Søg stillingen online