Skip to main content
89

Dette jobopslag er udløbet

Immikkoortortaqarfimmi aqutsisoq peqqissaanermut instituttimi Kalaallit Nunaanni Ilisimatusarfiup ataaniittumi atorfik inuttassarsiuunneqarpoq ulloq 1. juni 2017 imaluunniit isumaqatigiissuteqarneq naapertorlugu

Immikkoortortaqarfimmit isumagineqartut tassaapput peqqissaasutut bacheloritut ilinniartitaaneq, ilinniartitaaneq diplom-iusoq, ilaatigut nakorsiartarfimmi ilitsersuisutut ilinniartitaaneq.

Immikkoortortaqarfik ilinniartitsisunik tallimanik sulisoqarpoq ilinniartullu 50-it missaaniipput.

Neqeroorutigisinnaavagut:

  • Suliassanut nammineersinnaatitaaneq
  • Ilinniartitsinermik piginnaasanillu ineriartortitsinermi kulturit assigiinngitsorpassuit ataatsimoorfigisaannik avatangiisilimmi ilinniakkamut attuumassutilinnik perorsaanermillu unamminartorpassuit
  • Ilinniartitseriaaseq ineriartortuartoq
  • Suleqatit soqutiginnillutillu kajumissuseqarluartut
  • Sunngiffimmi sammisassanut periarfissaqarluartoq, pinngortitamut kulturimullu tunngasut (annerusumik atuaruk uani): www.nuuk.gl imaluunniit quppersakkatsinni http://da.uni.gl/job.aspx)

Suliassat ukuupput:

  •   Immikkoortortaqarfimmik ulluinnarni aqutsineq
  •   Killilimmik ilinniartitsineq
  •   Instituttimi aqutsisunut instituttimilu siunnersuisooqatigiinnut innersuussisinnaallunilu siunnersuisinnaasoq, taakku saniatigut:

                            -   Ilinniartitaanerup aaqqissugaaneranut tunngasunik siunnersuutissanik suliaqarneq
                            -   Ilinniartitsinissanik- misilitsinnissanillu pilersaarusiorneq
                            -   Ilisimatusarnernik- isumaqatiginninniarnernillu pilersaarusiorneq
                            -   Immikkoortortaqarfiup aaqqissugaanera pillugu siunnersuutissanik suliaqarneq, tassunga ilanngullugu ilinniartunut siunnersortinik aqutsisunillu toqqaaneq
                            -   Instituttip nutaaliornermut- pitsaassutsillu qaffassarnissaanut siunnersuisooqatigiivinut ilaasortassanik siunnersuutinik nassiussuineq

Immikkoortortaqarfimmi pisortamut naatsorsuutit:

  • Suleqatigiit soqutiginnilluartut ulluinnarni suleqatigilluarnissaanut soqutiginnittoq
  • Suleqatigiit ineriartornissaannut piginnaanngorsarnissaannullu tapersersuillunilu kajumilersitsisinnaasoq
  • Takorluuisinnaallunilu piumassuseqarluartoq kiisalu sulinerup ilinniartitaanerullu ineriartortinnissaanut soqutiginnittoq
  • Oqaloqatiginnilluarsinnaasoq tamannalu tunulequtaralugu aalajangiissinnaassusilik
  • Timikkut tarnikkullu suliffimmik avatangiisinik pitsaasumik tulleriaarisinnaassusilik

Piginnaasat:

  • Peqqissaasoq attuumassutilimmik kandidatitut ilinniagalik ingammik cand.cur.,  cand. Scient. sand
  • Instituttip ingerlataanut ilinniartitaanernut instituttillu pingaarnertut ingerlataanut nunami maani nunanilu tamalaani ilisimatusarnermut ilisimasaqarneq
  • Allaffissornikkut ilinniagartuutullu suliamut attuumassutilinnut suliassanut eqaatsumik sulisinnaanermik piginnaasaqarneq
  • Inuiaqatigiit ilisimatusarnermut ilinniartitaanermullu pisariaqartitaannut ilisimasaqarneq
  • Aqutsinermik misilittagaqarneq
  • Kalaallit Nunaanni peqqissaasutut sulinissamut piginnaatitaaffik

Qinnuteqarfissaq ulloq kingulleq: 21.04.2017

Peqqissaasunngorniarluni ilinniartitaaneq pillugu annerusumik atuarsinnaavat uani www.uni.gl.

Akissarsiatiut atorfinitsitaanermilu atugassarititaasut:
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq:
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq.   Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik.

Atorfik pillugu paasissutissanik annerusunik pissarsisoqarsinnaavoq saaffiginninnikkut uunga: Instituttimi pisortaq Suzanne Møller, sum@uni.gl.

Qinnuteqaat:
Qinnuteqaat sulinissamut piginnaatitaaneq- soraarummeersimanermut uppernarsaat kiisalu siornatigut suliffigisimasamit takussutissat ilanngullugit nassiunneqassapput uunga: Peqqissarnermik ilisimatusarfik mailimut: sum@uni.gl qinnuteqaatillu assinga nassiunneqassaaq uunga personale@uni.gl.

Kiisalu qinnuteqaammut ilanngunneqassaaq kalaallit nunaanni sulinissamut piginnaatitaanermut immersugassaq immersoreerlugu. 
Sulinissamut piginnaatitaanissamut immersugassaq aaneqarsinnaavoq nittartakkami uani www.nanoq.gl/naalakkersuisut/departementer/landslægeembedet.

Søg stillingen online