Skip to main content
80

Dette jobopslag er udløbet

Nuummi ilinniarnertuunngorniarfik ingerlatsinermi aqutsisussamik pissarsiorpoq

Nuummi ilinniarnertuunngorniarfik ingerlatsinermi aqutsisussamik pissarsiorpoq ataatsimoortumik isiginnissinnaasumik, kiisalu atuarfimmi atorfeqartunut allanut aamma ilinniartunut sullisserusussuseqartumik. Taamatuttaaq atuarfiup illutaasa avataata tungaani ajunngitsumik sunniuteqarsinnaasumik taamaaliornikkut atuarfiup sulineranut pitsaasutut killiussaasinnaatillugit. Atuarfiup illuutaanik ingerlaavartumik aserfallatsaaliuineq iluani taamatuttaaq silaataani tulleriiaarinermi assut pingaartinneqarput, tamannalu ingerlatsinermi aqutsisuusussamut pingaarnertut suliassaassapput. Matumani pineqarpoq ilinniarnertuunngorniarfimmi pitsaasumik annertusiartortumi atorfik nutaatut pilersinneqartoq.

Ingerlatsinermi aqutsisoq ulluinnarni rektorimut akisussaassuseqarpoq aamma ulluinnarni atuarfimmi sulisut allat suleqatigineqartussaapput.

Ingerlatsinermut aqutsisumik pissarsiorpugut pingaarnertut makkuninnga suliaqartussamik:

  • Atuarfiup illutaanik, pequtaanik aamma kollegianik aserfallatsaaliuineq ineriartortitsinerlu
  • Atuarfimmi ingerlatsinermut atugassanik nioqqutissanik aamma sullissinernik pisisarnermut akisussaassuseqarneq, tamatumunnga ilanngullugit pisariaqartillugu suliakkiisarneq
  • Suliassanik pilersaarusiorneq aamma malinnaaffiginninneq tamakku avataaneersunik suliarineqartillugit
  • Eqqiaanermut atatillugu pitsaassutsimik misissuisarneq
  • Ulluinnarni aqutsisutut atuarfiup nakkutilliisuinut (pedeller) attaveqaataaneq

Uagut naatsorsuutigaarput illit inuttut makkuninnga piginnaasaqartuusutit aamma misilittagaqarlutit:

  • Assingusumik atorfeqarsimanermi misilittagaqarneq iluaqutaassaaq
  • Assassasorluni sulisartutut ilinniagaqarsimaneq iluaqutaassaaq
  • Inuit assigiinngitsorpassuit suleqatigisussaavatit aamma inuusuttut akornanni avatangiiseqarneq nuannarissavat
  • Immikkuualuttunik, kusanassutsimik aamma torersuunermik soqutigisaqartuussaatit
  • Piffissaq qanittoq aamma ungasittoq eqqarsaatigalugu pilersaarusiorneq pikkoriffigissavat aamma suliassanik naammassinnissinnaallutit

Aningaasarsiat aamma atorfeqartitaanermi atugassarititaasut atorfinitsinneqarnerup nalaani Namminersorlutik Oqartussat aamma pineqartup kattuffiata isumaqatigiissutaat/kattuffiup isumaqatigiissutai atuuttut tunngavigineqassapput. 

Atorfik innuttassarsiorneqarpoq inissaqartitsisinnaaneq ilanngunnagu. Suliffik qaammatini pinngasunini misilittaaviussoq.

Qinnuteqaateqarnissamut piffissarititaasoq kingusinnerpaaq tassaavoq: Sapaat 24. septembari nalunaaqutaq 12.00. 

Paasissutissat sukumiinerusut rektori Mikael Enggaard telefonimut 00299547121 imaluunniit mail: mee@gu-nuuk.gl saaffigalugu pissarsiarineqarsinnaapput.

Søg stillingen online