Skip to main content
80

Dette jobopslag er udløbet

Greenland Holding aningaasaqarnermut pisortassarsiorpoq

Greenland Holding aningaasaqarnermut akisussaasumik pissarsiorpoq, pitsaasumik aningaasaqarnitta aqunneqarnerata ukkatarineranik ingerlatitseqqissinnaasumik aammalu Greenland Holdingimi pigisaanilu Greenland Venturemi Greenland Businessimilu aningaasaqarnerup  allaffissornerullu aqunneqarneranik akisussaaffimmik tigusisinnaasumik.

Inuk ujartorparput sakkussanik pisariaqartunik pigisalik aammalu ilutsinni suliassanik suliarinnissinnaasoq aammali aningaasaliiffigisimasatsinnut siunnersueqataasinnaasoq.

Greenland Holding immikkoortortaanullu aningaasaqarnermik pisortassasiorpugut
Greenland Holding ingerlatseqatigiiffinni qitiusumik qullersaavoq pigisaralugit Greenland Venture, aningaasaliisarfiusoq aammalu aningaasanik taarsigassarsisitsisartoq, Greenland Business, aallarnisaasunik ilitsersuillunilu ikorfartuisarpoq Namminersorlutik Oqartussat inuutissarsiornermut siuarsaanermut aningaasaliissutai aqqutigalugit. Greenland Holdingip inuiaqatigiit pigisaat nalillit arlallit aamma aqutarai.

Ukiut pingasut kingulliit aningaasaqarnermik aqutsinerput ineriartortillugulu pitsanngorsarsimavarput, pitsaassuseq immikkut sammillugu suliffeqarfiit pilersaarusialillu suleqatigisagut suleqatigalugit. Aningaasaqarnermik aqutsisussatta suliaq taanna ingerlatseqqissavaa.

Suliffeqarfitsinni ikittunnguuvugut piginneqatigiiffini taakkunani pingasuusuni katilluta sulisut arfineq pingasuuvugut. Suleqatigiilluinnarpugut qanittumik persuarsiunngitsumik kisiannili uummaarissumik pimoorussisumillu ulluinnarni suleqatigiilluta. Qullersaqarfik pisortallu ataatsimoorput aningaasaqarnermillu pisortaq piginneqatigiiffiit aningaasaqarnerisa aqunneqarnerat akisussaaffigissavaa. Nuummi Teletårnemi allaffeqarpugut.

Suliassaqarfiit
Aningaasaqarnermut akisussaasumik pissarsiorpugut aningaasaqarnermut pisortatut taaguteqarluni aningaasarnermut aqutsinermik akisussaasussamik aammalu piginneqatigiiffinni pingasuni taakkunani allaffissornermik akisussaasussamik.

Greenland Holding A/S-imi atorfinitsinneqassaaq pisortaanermit, taanna aamma piginneqatigiiffinni pisortaaneruvoq, oqartussaaffigineqarluni.

Atorfiup pisariaqartippaa ajornaatsumik, naammassisaqarusunnermik aammali tamakkiisumik niuernerpalaartumik isiginnissinnaaneq aammalu tamakkiisumik naatsorsuutinut pikkorissuseqarnissaq pisariaqarpoq.  

Suliassat
Aningaasarnermik immikkoortortap suliassarai:

·     Piginneqatigiiffinni tamani naatsorsuutitigut ingerlanneqarnera, tassunga ilanngullugit akiligassat- aamma akiitsullit naatsorsuusiorneri, akiligassanik nassiussuineq, aningaasarsiat aammalu piginneqatigiiffiit akornanni akiligassat
·     Missingersuusiorneq malittarinerilu, qaammatikkaartumik kvartalikkaartumik, ukiup affarkaartumik ukiumullu siulersuisunut nalunaarusiorneq
·     Ukiumut naatsorsuutit suliarineri inissititernerilu
·     Ataavartumik piginneqatigiiffiit malittarineri
·     Siulersuisut ataatsimiinnissaanut piareersaanermi pisortaqarfiup ikiornera
·     Ataavartumik naleqqusaanerit nalunaarusiornerillu
·     Suleriutsit ataavartumik tulluarsarneri
·     Naatsorsuutit pitsaassusaanik ataavartumik qulakkeerineq isumannaallisaanerlu
·     Pisiniarfigisartakkanik attaveqarneq allaffissornermilu suliassat allat

Aningaasaqarnermut aqutsisussap aamma peqataaffigissavaa Greenland Venturemi suliassani aalajangersimasuni tapertaanissaq, taarsigassarsititsinerni aammalu taakku malittarineri aammalu Greenland Businessimut qinnuteqaatinut nalilersuinermi pitsaasusermik qulakkeerinneqataanissaq.

Kalaallit Nunaanni avataanullu angalasarnissaq naatsorsuutigineqassaaq.

Ujartorparput
Sulisoq naatsorsuutinut allaffissornermullu nalornissuteqarani suliaqarsinnaallunilu tunuliaquteqarluartoq, uppernarsarneqarsinnaasumillu aningaasanik aqutsinermik misilittagalik.

Inuttut ilisarnaatigissavatit:
·     Nammineersinnaassuseq ujartuisoq torersuunerlu
·     Suleqatigiit ikittut akornanni suleqataasinnaasoq
·     Ulapiffinni tamakkiisumik isiginnissaaneq
·     Pilersaarusiullaqqissuseq suleriallaqqittuunerlu

Ilinnut pingaaruteqarpoq suliatit aqqutigalugit allanngueqataasinnaaneq aammalu persuarsiorpallaanngitsumi suleqataaneq, ulluinnarni nuannaarfiusuni aammalu assigiinngissutsit eqaatsumik atorsinnaasumillu aaqqiissutigineqartarfianni

Marluinnik oqaaseqarnissat kalaallisut/qallunaatut kissaataavoq tuluttullu sulinermi atorsinnasumik oqalussinnaaneq.

Atorfinitsinneqarneq
Greenland Holding A/S-mi atorfinissaatit, pisortap, Greenland Businessimi aamma Greenland Venturemi aamma pisortaasumut, ataani inissisimassallutit.

Neqeroorutigaagut
Akissarsiat orniginartut:

·       akissarsiat pitsaasut, isumaqatigiinninniarnikkut pisinnaasat malillugit inissinneqartussat
·       Soraarnerussutisiassat
·       Codan Care
·       Ukiumoortumik sulinngiffeqarnermi angalasinnaaneq

Qinnuteqaat apeqqutillu
Qinnuteqaat pisortaanermut Karsten Høy-mut nassiunneqassaq (karsten@greenlandholding.gl, oqarasuaat +299 55 82 97). Apeqqutissaqaruit attaviginissaanut tikilluaqqusaavutit. Saaffigininnerit tamarmik tatiginartumik suliarineqassapput.

Qinnuteqarfissaq kingulleq tassaavoq 22. september, kisianni qinnuteqaatit ataavartumik nalilersuiffigissavagut, taamaattumik suleqatiginissarput soqutigigukku utaqqinak saaffiginnigit. Pointer Search qinnuteqartunik misilitsisseqataassaaq.