Skip to main content
100

Dette jobopslag er udløbet

Suliniutinut aqutsisuuneq periusissianik atulersitsinermik pikkoriffeqartoq

 

Atorfiup nassuiaataa
Suliniutinik allanngorartunik aqutsinermik misilittagaqarpit? Aamma elektronikkikkut ilinniartitsineq soqutigaajuk? Taamaassappat Digitalimik Sullissinermut Aqutsisqarfimmi nuna tamakkerlugu meeqqat atuarfiini digitalimik periusissiatta atulersinneqarsnissaanut suliniummut aqutsisuusinnaavutit.

Suliniutinut nutaanut aalajangiinissamut tunngavissanik suliaqarnermi peqataalluartussamik atulersitsinermilu qitiusutut inissisimasussamik suliniummut aqutsisumik misilittagaimmik maannakkut pissarsiorpugut. Naatsorsuutigaarput aaqqissuulluakkamik suliaqartartutit, anguniagaqarluartuusutit soqutiginnittuvullu tamaasa tatigalugit suleqatigisinnaagitit.

Ukiuni tulliuttuni kalaallit meeqqat atuarfii digitalikkut annertuumik allannguivigineqarnissaat qanillivoq. Tamatumunnga suliniummut aqutsisumik digitalikkut periarfissanik atulersitsinissamut suliaqartussamik pissarsiorpugut.

Suliniummut aqutsisutut kalaallit meeqqat atuarfiata digitalimik ilusilersugaanera siunissaalu sunniuteqarfigissavatit. Kalaallit Nunaanni Namminersorlutik Oqartussat kommunillu akimorlugit soqutigisaqaqatigiit suleqatigalugit, digitalimik periusissiami maannakkut ilusilersugaasumi iliuusissat atulersinneqarnissaat qulakkiissavatit.

Iliuusissat ilaat aallartinneqareersut apuuffissaannullu aqunneqartussaasut, naatsorsuutigineqarpoq iliuusissani allani iluarsiissutissat nassuiaasiorlugillu ilusilersussagitit. Sulininni taamaalillutit periusissiaqarlutit aqutsinermik sulinissat atortutigut nutaaliornikkullu suliaqarnerit aammalu suleqatit suleqatigalugit aaqqitassat suliarinissaannut periarfissaqarlutit.

Akisussaaffeqarfitit

  • Periusissiap atulersinnissaanut pingaarutilinnik aallartisaanissaq malinneqarnissaalu qulakkeerlugit
  • Missingersuutit qaangerneqannginnissaat qulakkeerlugit
  • Periusissiaq naapertorlugu soqutigisaqaqatigiit politikkimut aamma teknikkimut tunngasutulli naligiissarlugit
  • Atulersitsinermi nittarsaassisartut allat siunnersorlugillu ilitsersorneqassapput

Piginnaasatit

  • Suliniutinut aqutsinermik ukiuni sivikinnerpaamik sisamanik misilittagaqarnissaq, tamannalu uppernarsarneqassaaq, ilinniartitsinissamillu malitseqarsinnaavoq
  • Tekniskimik tekniskiunngikkaluamilluunniit paasisimasaqarnikkut soqutigisaqaqatigiinnik attaveqarluarsinnaaneq
  • Elektronikkikkut ilinniartitsinermik atuartitsillunilu digitalimik periarfissanik ilisimasaqarnissat imaluunniit soqutigisaqarnissat
  • Ilisimatuutut ilinniarsimanissat, qarasaasialerinermik digitalimillu ilinniagaqarsimaneq aamma ajorineqanngillat Nammineq periuseqarpugut qiimasuullutalu ataatsimooqatigiilluartuullutalu, kajumissuseq sulinermilu nuannaarneq pigaartinneqarlutik.

Immitsinnut unammillertuuvugut aammalu aqutsisut sulisullu ullut tamaasa siunersioqatigisarlutigit. Naak politikkikkut aqunneqartumi suligaluarluta, aalajangiisinnaassusillit ungasigaanngilavut, aaqqissuussallu ilusilersorneqarnerani akisussaassuseqartumik kiffaanngissuseqarpugut. Tamatuma nassataraa suliffimmi suliatigut inuttullu pissanganartunik unammillernartoqarsinnaaneranik, tassanilu assigiinngitsunik eqqarsarsinnaaneq inissaqartinneqarpoq, illillu sulinerit nammineerlutit aaqqissuussinnaallugu.

Akissarsiaqarnermut atorfinitsitaanermullu atugassarititaasut
Akissarsiaqarnermut atorfinitsitaanermullu atugassarititaasut, matumani atorfininnermi soraarnermilu angalasinnaatitaanerit pequtillu nassiunnissaannut akiliunneqarsinnaatitaanerit ilanngullugit, atorfininnermi Kalaallit Nunaanni Namminersorlutik Oqartussat kattuffiullu isumaqatigiinniarsinnaatitaasup akornanni isumaqatiigissutaat atuuttoq naapertorlugu pissapput.

Qinnuteqartunut eqqortunik piginnaasanik misilittakkanillu uppernarsaateqartunut, siunnersortitut immikkut ittutut atorfinittoqarsinnaavoq.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Atorfik pillugu paasissutissa allat saaffiginnissuteqarnikkut pissarsiarineqarsinnaapput uunga immikkoortortami pisortaq Deniz Gøgenur mailikkut deng@nanoq.gl imaluunniit oqarasuaatikkut +299 345628.

Qinnuteqaatit ataavartumik isumagineqassapput, taamaattorli Digitalimik Sullissinermut Aqutsisoqarfimmi tiguneqareersimassapput kingusinnerpaamik 17. juuli 2017.

Søg stillingen online