Skip to main content
119

Nuna tamakkerlugu innarluutilinnik sullissivissaq timimik sungiusaasumik - meeqqanik sullissineq salliutillugu sulisussamik pissarsiorpoq

Sullissivissami nutaami, suliamik ilisimasaqassutsip ilisimasanillu paarlaasseqatigiinnerup pingaartinneqarfianni nuna tamakkerlugu innarluutilinnut tunngasutigut ineriartorneq sunneeqataaffigalugulu pitsanngorsaaqataaffigerusuppiuk? – Taamaappat immaqa tassaavutit suleqatitaassarput…

Ulloq atorfiniffissaq: 1. septambari 2017 imaluunniit isumaqatigiissuteqareernikkut.

Atorfik pillugu
Nuna tamakkerlugu innarluutilinnik sullissivissaq, 2017-imi august-septemberimi aallartittussatut naatsorsuutigineqartoq, ilutsimigut tunngavimmigullu nutaarluinnaavoq. Sullissivik siunertamut Sisimiuni nutaatut sanaajuvoq, Isumaginninnermut, Ilaqutariinnut, Naligiissitaanermut Inatsisinillu Atuutsitsinermut Naalakkersuisoqarfiup ataani immikkoortuulluni.

Nuna tamakkerlugu innarluutilinnik sullissivik nuna tamakkerlugu nukissatigut katersuuffiussaaq, siunnersuisarnermik, ilitsersuinermik aamma innuttaasunik innarluutilinnik ataasiakkaanik sungiusaanermik suliaqassalluni – meeqqanut inersimasunullu. Saniatigut qanigisaasunut ilinniartitsinerit ilitsersuinerillu neqeroorutaasassapput. Sullissinerit pineqartut sullissivimmi imminermi innuttaasullu ataasiakkaat najugaqarfiini pisariaqartitsiffiusuni pisassapput. Innuttaasut mianerinissaat aamma innarluutilinnut tunngasut nuna tamakkerlugu inerisarnissaat pissutigalugit, pingaartuuvoq sullissiviup kommuninik suleqateqarnerata sapinngisamik qanimut inerisarluakkamillu pisarnissaa. Tamatumani pineqarpoq ilisimasanik paarlaasseqatigiinneq, siunnersuineq aamma kommunimi sulisunut anguniagaqarluartumik piginnaasanik inerisaanissamik neqerooruteqartarnissaq.

Atorfik angalanertaqartartussaavoq, suliassat suliarineqartartussaammata sumiiffinni siunertamut naapertuunnerpaajusuni. Sulininni sulianut assigiingitsorpassuarnut akulerutsinneqartassaatit suliamut ilisimasatit iluaqutigalugit innuttaasumut sullissinermik pitsaanerpaamik angusaqarniarnermut peqataallutit, suleqatinut ilisimasanik avitseqateqartarneq passussinissanullu pilersaarusianut ilusilersueqataanikkut.

Naatsorsuutigaarput:

  • Timimik sungiusaasutut ilinniarsimanissat - tassungalu attuumassutilimmik ilinniaqqissimanissat kissaatiginarpoq
  • Innarluutilinnik sullissinermik misilittagaqarnissat
  • Passussinissamik pilersaarusiorlutillu passussisinnaanissat sungiusaanermillu suliaqarsinnaanissat
  • Kommuninut ammasumik ilusilersueqataasumillu attaveqateqarnernut peqataasinnaanissat
  • Innuttaasunut, qanigisaasunut sulianut aalajangersimasunut sulialinnut ilaallu ilanngullugit siunnersuilllutillu ilitsersuisinaanissat
  • Illit suliassaqarfippit iluani qularnaassagit, sullissiviup periutsit pitsaanerpaat malillugit suleriaaseqarnissaa, annermik meeqqanut tunngasutigut, tulliullugulu inersimasunut tunngasutigut
  • Atuisutut IT-mik ilisimasaqassasutit

Neqeroorutigivagut:

  • Atorfik pissanganartoq, neqeroorutip periutsillu nutaarluinnaap inerisarnerani sunneeqataaffigisinnaasat
  • Atorfiup imarisaata ulluinnarni periutsitut ilusilernissaanut oqartussaaqataaneq
  • Sulinermi avatanngiisit, suleqatinit pikkorissunit unammilligassinneqarfigisatit, illillu taakkuninnga unammilligassiiffigisinnaasatit, imminullu unammilligassillutit
  • Suliffik inunnik innarluutilinnik angusaqartitsiffissatut pilersitaq, suliallu nalinginnaasumik suliatigut killiffigisanik qaffassaaffiusoq
  • Suliffik assigiinngissutsit pingaartinneqarfiat, sullivimmilu avatangiisit pimoorunneqarfiat

Akissarsiatigut atorfinitsitaanermilu atugassarititat
Akissarsiatigut atorfinitsitaanermilu atugassarititat, tamatumunnga ilannngullugit atorfininnermi soraarnermilu angalanermik kiisalu pisattat angallannerinik akiliunneqarsinnaatitaaneq, aalajangersarneqassapput atorfininnerup nalaani Namminersorlutik Oqartussat pineqartullu kattuffiata isumaqatigiinniarsinnaatitaasup akornanni isumaqatigiissutit atuuttut naapertorlugit.

Piffissaq suliffissaq tassaavoq sapaatip-akunneranut nalunaaquttap-akunneri 40-t.

Ineqarneq
Atorfimmut atatillugu malittarisassat sukkulluunnit atuuttut naapertorlugit pequsersugaanngitsumik inissaqartitsisoqarsinnaavoq. Ineqarnermut akiliut qularnaveeqqutillu inimut innersuunneqartumut atatillugu malittarisassat sukkulluunniit atuuttut naapertorlugit akilerneqassapput. Suliamut atatillugu ineqarneq atorfeqarnermut attuumavoq, atorfeqarnerullu taamaatinnerani qimanneqassalluni.

Inimut akiliutit inillu qanoq ittuunera nikerarsinnaapput, ineqarfissap pisoqaassusaa, piginnittoqarnera il.il. apeqqutaallutik. Inissamik ataavartumik innersuunneqarnissaq utaqqisariaqarsinnaavoq, taamaammallu utaqqiisaagallartumik inissiisoqarsinnaalluni, tamatumani aamma najugaqatigiiffinni mikinerusuni imaluunniit hotelitut inissiani, tamannalu akileraarutigineqassaaq.

Paasissutissat annertunerusut
Atorfik pillugu annertunerusunik paasiniaaniaruit Sullissivimmi pisortaq Troels Permin attavigisinnaavat, tlf. +299 53 56 46 imlt. E-mail: trpe@nanoq.gl atorlugit.

Namminersorlutik Oqartussani sulineq pillugu paasissutissarsiorusukkuit uani annertunerusunik paasissutissaqarpoq: www.naalakkersuisut.gl, ”atorfiit” ataanni.

Qinnuteqarneq
Inuttassarsiussinermi qinnuteqarfissaq ulloq kingulleq 9. aggusti 2017 ilanngullugu.
Oqaloqatiginninnerit ilimagineqarpoq pissasut sapaatip akunnera 33, toqqarluni oqaloqatigiinnertut imaluunniit videokonference atorlugu ingerlanneqassallutik.

Atorfik una aqqutigalugu qinnutigineqassaaq: www.naalakkersuisut.gl ”atorfiit” ataanni, tassuunalu qinnuteqaat, CV, ilinniakkamut aamma siusinnerusukkut atorfigisimasanut uppernarsaat(it) nassiunneqassapput.

Søg stillingen online