Skip to main content
86

Politiit angallataanni SISAK IV’mi maskiinalerisutut atorfik

Politiit angallataat SISAK IV Sisimiuni angerlarsimaffeqartoq maskiinalerisumik piaartumik isumaqatigiissuteqarnikkul­luunniit sulilersussamik pissarsiorpoq.

Maskiinalerisutut motoorilernermi duelighedsbevisimik allagartaqassaatit. Matrositut skibsassistentitulluunniit misilittagalittut allagartalimmik tunuliaqutaqarnissat tassuunalu motoorilerinermi duelighedsbevisimik allagartaqalersimanerit kissaatiginartissinnaavarput.

Ilinniakkat/pikkorissarnerit ataani taa­neqartut allagartaqarfigigukkit iluaqu­taassaaq piumasaqaataananili:
• Røgdykkeritut kursusersimanermut uppernarsaat
• §16 Kursus

Maskiinalerisortaarput atorfininnermi kingorna umiartortunut peqqissutsi­mik uppernarsaamminik (blå bogimik) nutarterisinnaavoq umiartornermut allattaavimmik søfartsbogimik pisaarluni, taakkua pigineqanngippata, kiisalu §16 naapertorlugu pikkorissarluni.

Aningaasarsiaqartitsineq Finansministe­reqarfiup aamma Sulinermik Inuussutis­sarsiuteqartut Kattuffiata (SIK) akornanni imarsiortunut akunnermusialinnut kaajallaasitaq naapertorlugu pissaaq. Kiisalu Finansministereqarfiup aamma imarsiortut akunnermusiaqartut naala­gaaffimmi kiffartut akornanni kattuffim­mi isumaqatigiissut ad 12. august 2015-imeersoq naapertorlugu.

Qinnuteqartut marluinnik oqaasillit salliu­tinneqassapput, tamannali piumasaqaa­taanani.

Atorfiup imarisai atorfinitsitaanermilu atugassarititaasut allat pillugit paasissu­tissat sukumiinerusut politiassistentimut Peter Grønvold på tlf. nr. 365126 aqqutigalugu saaffiginninnikkut pissarsiarineqarsinnaapput.

Qinnuteqaat mailimut ataani allassimasumut, Kalaallit Nunaanni Politiinut kingusinnerpaamik 26. oktober 2018-imi tiguneqareersimasussanngorlugu nas­siunneqassaaq. Ilinniagaqarsimanermut, siornatigut suliffigisimasanut uppernar­saatit certifikatillu atorfimmut attuumas­suteqartut nuutinneri qinnuteqaammut ilanngunneqarsimassapput.

Kalaallit Nunaanni Politiit
Postboks 1006, 3900 Nuuk
Grl-personale@politi.dk