Skip to main content
81

Dette jobopslag er udløbet

Pinngortitaleriffiup Miluumasunut Timmissanullu Immikkoortortaqarfia ilisimatusartartussarsiorpoq

Pinngortitaleriffiup Miluumasunut Timmissanullu Immikkoortortaqarfia ilisimatusartartumik sulisussarsiorpoq.
 
Pinngortitaleriffik imaani muluumasut uumassusillillu ataqatigiiffiinik misissuisartussamik ilisimatusartartumik pissarsiorpoq. Uumassusilerinermik ilisimatuussutsikkut ilinniartitaanerni kanditatitut naammassisimasuusariaqarputit, kiisalu kalaallisut, danskisut tuluttullu qaffasissumik piginnaaneqartariaqarputit. Ilsimatuussutsikkut nalunaarusiornernik misilittagaqariissaatit, puisit arferillu aqajarormiuinik misissuisarnernik aamma aalisakkat siunnaannik misissuisarnernik kiisalu paasissutissanik uumasut qaammataasanut nassitsissutaanneersunik suliarinnittarnernik misilittagaqartuussaatit. Aamma uumasut utoqqaassusersiniarlugit misissuisarnernik, apersuisarnernik kiisalu aalisartut piniartullu suleqatigalugit misissugassanik katersisarnernik ilisimasaqassallutit.
 
Atorfik pineqartoq tamakkiisuuvoq atorfinittussarluu Nuummi inissaqartinneqassaaq.

Piaarnerpaamik imaluunniit isumaqatigiissuteqareernikkut atorfinittoqassaaq.

Qinnuteqaateqarnissamut killissarititaasoq tassaavoq: 27. Juli 2018
 
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
 
Suliffik sapaatit akunneranut nal. ak. 40-nik suliffiusassaaq.
 
Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.
 
Atorfik pillugu paasissutissat amerlanerusut Pinngortitaleriffimmi nittartakkatsinni uani atuarsinnaavatit; www.natur.gl aamma immikkoortortaqarfimmi pisortaagallartoq, Christine Cuyler, attaveqarfigalugu atorfik pillugu paasisaqarnerusinnaavutit.

Qinnuteqaatit ilinniagaqarsimanermillu allagartat siusinnerusukkullu suliffigisimasatit pillugit paasissutissanik aamma inaarutaasumik misilitsinninnit allagartartaappit assinganik ilallugu Pinngortitaleriffimmut nassiuguk.
Qinnuteqaat ima ilisarnaaserneqassaaq; ”Ilisimatusartartoq FAFU” uungalu nassiunneqassaaq:

Pinngortitaleriffik,
Boks 570,
3900 Nuuk.

 

 

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput. 

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat. 

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk