Skip to main content
89

Dette jobopslag er udløbet

Pinngortitaleriffimmi Avatangiisinut Immikkoortortaqarfik ilisimatusarnermi teknikerissarsiorpoq

Avatangiisinut immikkoortortaqarfimmi sulisut amerlinissaat pisariaqartipparput – suliassagut amerliniarput taamaammallu annertusaaniarpugut.

Pinngortitaleriffik, Namminersorlutik Oqartussanik, kommuninik susassaqartunillu allanik siunnersuisartoq, Avatangiisinut Aatsitassanullu Immikkoortortaqarfimmi (Avatangiisinut Immikkoortortaqarfik) 1. maj tamatumaluunniit kinguninngua sulilersussamik suleqatissarsiorpoq. Siunnersuisarnerit saniatigut Avatangiisinut Immikkoortortaqarfik ilisimatusarnermik misissuisarnernillu suliaqartarpoq, aatsitassanik ujarlernermi piiaanermilu pinngortitami avatangiisit sunnigaanerisa annikillisarnissaat pakkersimaarnissaallu siunertaralugu.

Inummik suliamut tunniusimasumik teknikkikkullu suliassanut pikkoriffilimmik pissarsiorpugut, aaqqissugaalluartumik sulisinnaasumik qarasaasiakkullu paasissutissalerinermik ilisimasaqartumik.

Suliassat

Avatangiisinut Immikkoortortaqarfimmi suleqataasutut makku peqataaffigisassavatit:
-   Kalaallit Nunaanni pinngortitaq avatangiisillu pillugit databasinik pilersitsineq
-   nunap assinginik takussutissianillu nalunaarusiani allaaserisanilu atugassanik suliaqarneq
-   qaammataasianiit assilisanik misissueqqissaarnerit annikinnerusutigullu programmeeriinerusinnaasut
-   misissuisarfinni suliassat misiligaanerillu
-   atortunik piareersaaneq annikinnerusutigullu aaqqissuinerit
-   Nuup eqqaani asimi sulinerit
-   Kalaallit Nunaanni, Danmarkimi nunarsuarlu tamakkerlugu suleqatigisartakkavut peqatigalugit suliniuteqarnerit

Piginnaasaqarfigisassatit
Teknikkimut sammisumik ilinniagalimmik tunuliaqutalimmilluunniit suleqatissarsiorpugut. Suliassaqarfiit makku ilaat ataaseq amerlanerilluunniit ilisimasaqarfigissavatit: paasissutissanik suliaqarneq, annikinnerusunik programmeeriineq, takussutissiorneq, GIS, misissuisarfinni sulineq, elektronik, teknik imaluunniit IT-kut suliniutinik aqutsineq. Suliassaqarfinni ilisimanngisanni ilinniartinneqarnissat periarfissaqarpoq.

Iluaqutaassaaq kalaallit oqaasii inuiaqatigiillu kalaallit ilisimasaqarfigigukkit, piumasaqaataananili.

Akissarsiat atorfininnermilu atugassarititaasut
Akissarsiassatit atorfininninnilu atugarissarititaasut aalajangiunneqassapput kattuffippit isumaqatigiinniarsinnaatitaasup aamma Namminersorlutik Oqartussat akornanni isumaqatigiissutit atuuttut naapertorlugit.

Atorfimmut atasumik inissaqartitsisoqanngilaq. Qinnuteqartup Namminersorlutik Oqartussani atorfeqarnernini aqqutigalugu atorfimmut atasumik ineqareersup, inissamik innersuunneqarsinnaatitaanini attatiinnassavaa.

Atorfimmut atasumik inigisaq, atorfeqarnermut attuumavoq, atorfeqarnerullu taamatinnerani qimanneqassalluni.

Sapaatip-akunneranut nalunaaquttap-akunnerini 40-ni sulisoqartassaaq.

Atorfeqarfik tassaavoq Nuuk. Asimi sulinermut assigisaanullu atatillugu angalasarnissat naatsorsuutigissavat.

Atorfik pillugu paasissutissat erseqqinnerusut piniarsinnaavatit uku saaffigalugit: Immikkortortaqafimmi pisortaq Josephine Nymand, tel.: +299 36 12 00, email: jony@natur.gl (4. martsip tungaanut), GIS manager Karl Brix Zinglersen, kazi@natur.gl, imaluunniit Ilisimatooq Morten Birch Larsen, mola@natur.gl.

Pinngortitaleriffik immikkoortortaqarfillu pillugit paasissutissat Pinngortitaleriffiup nittartagaaniipput: www.natur.gl.

Qinnuteqaat:
Qinnuteqaat "Stillingsopslag miljø"-mik nalunaaqutsigaq uunga qaatiguuliorneqarlunilu nassiunneqassaaq: immikkoortortaqarfimmi pisortaq Josephine Nymand, soraarummeersimanermut uppernarsaatit nuunnerinik, inuunermit taasassanik (CV) aamma qinnuteqaativit nalilernissaanut ilaatikkusutannik allaaserisatut saqqummiussimajunnakkannik il.il. ilaqartillugit.

Qinnuteqaat Pinngortitaleriffimmeeriissaaq kingusinnerpaamik 3. april 2017 uungalu nassiunneqarluni:

Pinngortitaleriffik
P.O. Box 570
DK-3900 Nuuk
Grønland


imaluunniit emailikkut jony@natur.gl-imut imaluunniit adm@natur.gl-imut nassiunneqarluni.

Søg stillingen online