Skip to main content
84

Dette jobopslag er udløbet

Esther Børnehave aqutsisup tullersortissarsiorpoq

Esther Børnehave meeqqerivik namminersortuuvoq, naliginnaasumik meeqqanik 3-6-nik ukiulinnut 20-nut inissaqarluni. Naliginnaasumik sisamanik sulisoqartarpoq: aqutsisoq, aqutsisup tullersortaa perorsaasullu ikiortai marluk. Esther Børnehave 7.30-miit 17.00 tungaanut ammasarpoq. Meeqqerivik illu nuannersoq Nuussuarmi inissisimavoq..

Meeqqeriviup timimik aalatitsineq timersornerlu perorsaariaatitut ilisarnaatigai. Timi atorlugu sammisaqartitsineq pingaartittuuarput. Sapaatip akunnera aalajangersimasumik pilersaarusiorneqartarpoq, assersuutigalugu nalukkiarnerit illup iluanilu silamiluunniit eqaarsaarnerit.

Naatsorsuutigaarput:

  • Perorsaasutut assigisaanilluunniit ilinniagaqarsimanissaq
  • Pisunut malinnaalluarluni isiginnissinnaasoq, aalajaatsoq, pisunut sungiussiasoq, nikerartumillu sulinissamut piareersimasoq
  • Nutaanik pilersitsisinnaasoq aalanissamillu nuannarisalik
  • Ulluinnarni perorsaanermik suliaqarnermi soqutiginnillunilu tunniusimasoq
  • Aqutsisoq peqartinnagu taartaasinnaasoq (allaffissorneq)
  • Meeqqanik, suleqatinik angajoqqaanillu suleqateqarluarsinnaasoq
  • Qiimasoq akuersaartorlu
  • Tunniusimasoq eqeersimaartorlu
  • Anguniakkanik akisussaaffimmillu ilisimaarinnilluartoq
  • Ammasumik akuersaartumillu pissuseqarluni meeqqat, suleqatit angajoqqaallu peqatigisinnaagai
  • Aqutsisoq suleqatigalugu meeqqat, angajoqqaat sulisullu iluaqutigisinnaasaanik ineriartortitseqataasinnaasoq

Neqeroorutigaarput:

Meeqqerivimmi eqeersimaartumi, aalaneq eqaarsaarnerlu qitiutillugit sulineq. Suliffik pissanganartumi, periarfissaqarlutit ulloq suliffiusoq qanoq ilusilersussanerlugu aalajangeeqataanissannut. Meeqqat eqimattakkaarneri, sulisut angajoqqaallu eqimattakkaat tunniusimasut ammalluartumik isiginnittaaseqarfigivagut.

Pisinnaasat aallaavigalugit akissarsiaqartinneqarneq. Sillimmaserneqarnissamik periarfissinneqarneq (sundhedsforsikring).

Atorfik sapaatip akunneranut 40 tiiminik imaqarpoq, 1. Juli isumaqatigiinnermiluunniit suliffigilerneqarsinnaalluni.

Paasisaqarnerorusukkuit saaffissat qallunaatuuani allassimapput.

Qinnuteqarnissamut killeritaq:

Qinnuteqaat ilinniarsimanermut allagartat allallu ilanngullugit tunniunneqareersimassapput kingusinnerpaamik ataasinngornermi 22. maj 2017. Oqaloqatiginninnerit pissallutik 23.-24. maj 2017.

Qinnuteqaatimik tunniussiffissap adressea qallunaatuuani takusinnaavat.