Skip to main content
80

Qaqortumi allaffitsinnut nutaamut sulisussarsiorpugut

Disko Line Qaqortumi piaarnerpaamik atorfinittussanik allaffimmik aqutsisussamik aamma angallannermik nakkutilliisussamik pissarsiorpoq.

Atorfinnut marluusunut tunngatillugu suliffeqarfimmi piorsaaffiusumi soqutiginartumik suliffik assoroorluni nuannisarlunili suliffiuvoq – atorfinnilu taakkunani ullut marluk assigiinngisaannarput.

Suliniutigineqartussatut naatsorsuutigisat aamma sulilersussap piginnaasai misilittagaalu aallaavigalugit ataatsimoortumik inuillu ataasiakkaarlugit akissaateqartissavavut.

Allaffimi aqutsisoq:
Suliassat tassaapput Kujataani umiarsuarnik qulimiguulinnillu illoqarfiit nunaqarfiillu akornanni angallannernut pingaarnertut akisussaaffik aamma ulluinnarni allaffimmi aqutsisutut inissisimaneq. Tamakkut saniatigut pisariaqartitsineq naapertorlugu angallannermi nakkutilliinernik suliaqartassaatit.

Inuk iliuuseqarsinnaassusilik piffissani ulapaarfiusuni eqqisisimasinnaasoq aamma aqutsisutut piginnaaneqarluartoq sulisussarsiarerusupparput. Tamatuma saniatigut ilaasunik assartuussanillu angallassisarnernik assartuisarnernillu misilittagaqarnissat iluaqutaassaaq.

Angallannermik nakkutilliisoq:
Suliassat tassaapput ilaasunik, allakkanik nassiussanillu qulimiguulinnik umiarsuarnillu assartuussinerit, tassunga ilanngullugit mittarfinni nakkutilliineq, suleqatinik ataqatigiissaarinerit, timmisartorfiunngitsuni angalaffiunngitsunilu suliaqarnerit allaffimmilu suliassat allat.

Inuk suliassaqarfinni matuma qulaani ilinniagaqarsimasoq aamma imaluunniit misilittaqartoq suliassaqarfinnilu taakkunani ilinniartinneqarnissaminut sapiissuseqartoq sulisussarsiarerusupparput.

Sulilersussaq ulapiffiup nalaani sulisinnaasariaqarpoq, allaffimmi sulisunik allanik qanimut suleqateqarsinnaasariaqarpoq, kalaallisut, danskisut tuluttullu naammaginartumik oqaluussinnaasariaqarpoq aammalu allaffiup nalinginnaasumik ammanerata nalaani pigaartuusarnissanut piareersimassalluni.

Uatsinnut tunngasut
Disko Linemi Qeqertarsuup Tunuani, Kitaa sinerlugu aamma Kujataani umiarsuaaqqanik qulimiguulinnillu angallanneq Namminersorlutik Oqartussanik sullissinissamik isumaqatigiissuteqarnikkut aamma takornarianik angallassinissanut umiarsuaaqqanik attartortitsisarnernik isumagisaqarpoq.

Ilulissani Qaqortumilu allaffeqarpugut.

Atorfik pillugu saaffigisassaq qinnuteqaammillu nassitsivissaq:

Finn Hansen, fh@diskoline.gls