Skip to main content
79

Dette jobopslag er udløbet

Peqqissutsimut Pitsaaliuinermullu Aqutsisoqarfik qarasaasiarsornermut pisortassarsiorpoq

Qarasaasiarsorneq inerisaanerlu soqutigisarilluinnarpigit?? angusaqarusussuseqartuuit  qarasasiarsornermilu ajunngitsunik sakkussaqarpit? Taamaappat tusarfigerusuppatigit!

 

2018-imi marsip aallaqqaataani immikkulluunniit isumaqatigiissuteqarnikkut Peqqissutsimut Pitsaaliuinermullu Aqutsisoqarfik qarasaasiarsornermi pisortassamik Nuummi Dronning Ingridip Napparsimmavissuaniittussamik pissarsiorpoq.

Pisortatut qarasaasiarsornermi immikkoortortaqarfiup aqutsinikkut-, qarasaasiarsornermi sullississutinik pilersuisunik aqutsinikkut- qarasaasiarsornerullu inerisaanermut atatillugu suliniutit qaffasissumik pitsaassuseqarnissaannut-, suliamik ingerlatsinermut suliniummillu aqutsineq- angusaqarfiulluartumik siunnersuineq ilanngullugu- aalajaatsumik isumannaatsumillu ingerlanissamut pingaarnertut akisussaasuussaatit.

 

Atorfik
Qitiusumik aaqqiissutit annertuut ilaatigut nuna tamakkerlugu napparsimasut pillugit allattugaatinut qarasasiakkut nalunaarsuiffiup (EPJ) ataatsimoorussap nakorsaanermilu qarasaasiakkut sullississutit amerlasuut- ilaatigut EPJ Cosmic-ip akornanni suleqatigiinneq ilanngullugu- siammaaneq peqqinnissaqarfimmi ukiut kingulliit tallimat ukkanneqarpoq. Akulerutsitsineq sakkortooq attaveqatigiinnermut piginnaaneqarnermik  – pingaartumik Danmarkimi SundhedsDataNet-imik E-mail-imillu isumannaatsumik atuinermik piumasaqaatitaqarsimavoq, taamaaliornikkut peqqinnissaqarfik piginnaasap annertusinerqanissaanik, TeleGreenland-imit maanna inerisaavigineqartumit neqeroorutinik atuisinnaangorlugu piareersimasinnaaqqullugu, qarasaasiaqarnikkut ataqatigiiaarneq, Kalaallit Nunaanni Danmarkimilu sumiiffinni 150-ini ukiuni kingulerni annertusaavigineqarpoq. Medcom-ip sullississutai

aqqutigalugit Danmarkimi napparsimmavinnut akulerunnissaq anguniarneqarpoq.

Nakorsaanermi suleriaatsit ilaanni qarasaasiakkut ikorfartorneqarnerup inerisaavigiuarneqarnissaani siuttuusinnaanissat naatsorsuutigaarput.

 

Qarasaasiarsornermi pisortatut aaqqissuussaanikkut Aqutsisoqarfiup pisortaata ataani inissisimassaatit. Qarasaasiarsornermi immikkoortortaqarfimmi aqutsinermi aningaasartuutissanillu missingersuusiornermi akisussaasuussaatit qarasaasiarsornerullu iluani suleqatit akisussaaffigalugit. Qarasaasiarsornermi pisortatut  allaffissornikkut ingerlatsinermi pisortanut allanut nakorsaanermilu aqutsisunut qanimut attaveqassaatit. Taamatuttaaq suliniutini pingaarnerpaani aqutsisoqatigiinni arlalinni peqataassaatit.

 

Akisussaaffissat ilaatigut makkuupput:

-   Suliassat ilaannik allamut nuussinissamik isumaqatigiissutaareersuni tunngaviusumik qarasaasiarsornermik –pilersuisunik siunersiuinermik aqutsinermillu imaqarnerusumik ingerlatsinermut akisussaasuuneq

-   Peqqik-Data qanimut suleqatigalugu nakorsaanermut atatillugu qarasaasiarsornermik ingerlatsineq inerisaanerlu

-   Peqqik-Data qanimut suleqatigalugu qarasaasiakkut nakorsiartitsinermi suliniummik ingerlatsineq inerisaanerlu

-   Suliniutini ass. atortorissaarutinut nutaanut tunngasuni peqataaneq

-   Pisinnaatitsissutit ilanngullugit isumaqatigiissusiorneq taakkununngalu malinnaaneq paasissutissanillu paarlaasseqatigiittarnissamut isumaqatigiissutinik atuuttunik inatsimmut atuuttumut naleqqusaaneq.

-   Kalaallit Nunaanni inunnut ataasiakkaanut tunngatillugu paasissutissat pillugit inatsisip atuutilersinneqarnerani Europami inunnut ataasiakkaannut tunngatillugu paasissutissat pillugit peqqussummik -nunanit allaniit paasissutissanik pingaartumik Danmarkimi- peqqinnissaq pillugu paasissutissanik annertuunik aallertarfik (peqqinnissaqarfimmit paasissutissanik aallertarfik) aqqutigalugu paarlaaseqatigiittoqartarmat, pisarialimmik ataqqinnilluni suleqataaneq.

-   Paasissutissanut akisussaasuuneq

 

Piginnaasat:

-   Eqeersimaartuuvutit inuttut sunniisinnaassuseqarlutit aaqqisuussaanikkullu inissisimaffinni tamaniittuni suliffeqarfiup iluani avataanilu oqaloqateqarsinnaallutit.

-   Naapertuuttumik sivisuumik ilinniagaqarputit suliniutinillu aqutsineq annertuumik ilisimasaqarfigalugu.

-   Ujartuisuuvutit naalaartuullutillu pingaarnersiuisinnaassuseqarlutillu pilersuisunut, suleqatinnut nakorsaanermillu sulialinnut attaveqateqarneq nukittuffigaat.

-   Niuernermik annertuumik paasinninnissat, nakorsaanermillu suliallit ulluinarni atugaat Kalaallit Nunaannilu peqqinnissaqarfimmi napparsimasunik sullisinermi unammilligassat iserfigisinnaagitit naatsorsuutigaarput. Taamaamat peqqinnissaqarfik pillugu ilisimasaqarneq peqqinnissamullu tunngatillugu qarasaasiarsornermi nutaanik ilisimasaqarneq iluaqutaassaaq.

-   Piumassuseqarputit immikkullu pingaarutilimmik iliuuseqarusuttuullutit. Tamatuma peqatigisaanik siunersioqataasinnaajumallutit qarasaasiakkullu sullississummik inerisaasinnaajumallutit, pilersuisutut toqqakkat suleqatigalugit teknikkimut tunngatillugu avatangiisitsinnik pitsaassutsimillu aqutsinermi sakkussat soorlu ISO9001-mimi CMMI-imilu qaffasissutsinik paasinninnermik aalaaveqarluni tunngaviusumik teknikkikkut paasinnissinnaassuseqarputit.

 

Neqeroorutigisinnaasagut

Sullivimmi avatangiisit allanngorartut ineriartornissamut periarfissaqarluartut, suliffeqarfimmi pissanganartumi allannguiffiulersumi sunniuteqarnissamut periarfissaqarneq

 

Akissarsiat atorfeqartitaanermilu atugassarititaasut:

Atorfik akissaateqarfimmi LR 38-mi maanna inissisimavoq.

Aallaaviatigut isumaqatigiissutini atugassarititaasut naapertorlugit atorfinitsitsisoqassaaq, qinnuteqartoq tjenestemandi-tut atorfeqareersimaguni Nunatsinni pisortani tjenestemandit pillugit inatsisit malillugit tjenestemandinut atugassariti-taasut naapertorlugit atorfinitsinneqarsinnaavoq.

Atorfimmut atuuttoq tassaavoq, piffissap suliffiusussap qanoq sivisutiginissaa killilersugaanngimmat, aammalu qaangi-uttoornermi ajunngitsorsiassat akilerneqarnissaat ullullu sulinngiffissat annaaneqartut ajunngitsorsiassarsissutiginissaat atorneqarsinnaanngillat.

Piffissap suliffiusussap sivisussusissaa aallaavittut sapaatip akunneranut nalunaaquttap akunnerinik 40-nik sivisussuse-qarpoq.

Akissarsianut atorfeqartitaanermullu tunngasutigut piumasaqaatit, taakkununnga ilanngullugit atorfinikkiartorluni so-raarlunilu angalanermut aamma pequtit nassiunneqarnerinut akiliunneqarsinnaatitaaneq, Namminersorlutik Oqartussat aamma pineqartup kattuffiata isumaqatigiinniarsinnaatitaasup akornanni isumaqatigiissutit piffissami atorfiniffiusumi atuuttut naapertorlugit pissapput.

 

Najugaq

Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

 

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik.

 

Paasisaqarnerorusukkuit
Atorfik pillugu paasissutissat sukumiinerusut Aqutsisoqarfiup pisortaanut Malene M. Nielsen-imut oqarasuaatikkut: 00299 48 35 01 imal. mailikkut: mamn@peqqik.gl saaffiginninnikkut pissarsiarineqarsinnaapput.

 

Qinnuteqarfissaq kingulleq 15. januar 2018

 

Søg stillingen online