Skip to main content
83

Head of Lean

Lean Manager-imik Air Greenlandimi Lean-imik ineriartortitseqataanissamut piumassuseqarluartumik pissarsiorpugut. Atorfik Nuummi inissisimavoq, aammalu 1. oktober 2018-imi imaluunniit isumaqatigiissuteqarnikkut piaartumik atorfiniffigineqarsinnaalluni

 

Atorfiup ukiuni aalajangersimasuni, tunngaviusumik ukiuni marlunni-pingasuni atorfeqarfigineqartussatut inuttalerneqarnissaa kissaatigineqarpoq, illuatungeriit isumaqatigiissuteqarnerisigut sivitsuisoqarsinnaalluni.

 

Suliassat pingaarnerit:

  • Air Greenlandimi lean-imik atuutsitsilertarnerup ineriartortitsinerullu ingerlaqqinnerani akisussaaneq, taakkununnga Value stream-imut, shop floor management-imut kiisalu lean-imut sungiusaanermut suliat ilaallutik.
  • Air Greenlandimi aqutsisuni qulliunerusuni qullersatut pissusilersortarnermut toqqaannartumillu attaveqartarnerinut ilitsersuineq.
  • Najukkani suliassaqarfiillu akimorlugit lean-imut ineriartortitsiviusinnaasunik ujarlerneq kiisalu aqutsisuni qulliunerusuni anguniagassanik aalajangersaasarnerinut ineriartortitsineq.
  • Suliniutissanik, niuernermi angusaqarnissamik aammalu suleriaatsini lean atorlugu allanngortitsinissamut sunniuteqarnissamik siunertaqarfiusunik siunnersuuteqartarneq.
  • Suliassaqarfiit tamarmik malinnaanissaannik qulakkeerisarneq aamma Leanpartnerit suleqatigalugit lean pillugu apersuisarneq.
  • Lean-imi suliassat suliarineqarnerini ilitsersuinissamik tulleriiaarisarneq.
  • Air Greenlandimi lean-imik suliaqarnerup isumalluutillu ineriartortinneqarnerinut tapertaaneq, taakkununnga aaqqissuussaanerup iluani leanpartner-inik aamma leansupport-erinik nutaanik ujarlertarneq ilanngullugu.
  • Atorfimmi iluatsitsisinnaanermut ineriartortitsinissamut pilersaarusiorneq.
  • Namminerisamik immikkoortortaqqarfimmi aqutsineq.

 

Suliatigut piginnaasaqarfiit:

  • Aqutsisutut misilittagaqarneq, tassunga sivikinnerpaamik ukiuni tallimani allanngortitsiartornermik aqutsineq ilanngullugu.
  • Suliniutinik aqutsinermik misilittagaqarneq.
  • Lean atorlugu aqutsinermik allannguiartornermillu misilittagaqarneq.
  • Lean atorlugu suleriaatsinik sakkussanillu ilisimasaqarluarneq.
  • Allannguiartornermik sulianillu aqutsinermik misilittagaqarneq.
  • Missingersuutinik aqutsinermik misilittagaqarneq.

 

Inuttut piginnaasaqarfiit:

  • Suliniuteqarnissamut piumassuseqarneq, anguniagaqarusussuseqarneq sukkasuumillu sulisinnaassuseqarneq.
  • Suliniutinik ingerlatsinissamik eqqarsarsinnaassuseqarneq.
  • Aalajersinnaassuseqarneq angusaqarusunnerlu.
  • Aqutsisutut isumalluarnermik suleqateqarusussuseqarnermillu pilersitsisinnaasutut/pilersitsisartutut ersarinneq.

 

Suliffeqarfik pissanganartoq, piginnaanilinnik suleqateqarfiusoq neqeroorutigaarput. Inunnut ataasiakkaanut piumasaqaatit malillugit akissarsiaqartitsisoqassaaq, taakkulu saniatigut ilaqutariinnut ukiumut ataasiarluni sulinngiffeqarnermut atatillugu angalanissamut akiliussinissaq, soraarnerussutisiat kiisalu sillimmasiissutit ataatsimoortut pilerinartut, ilaatigut piffissaq tamakkerlugu ajutoorsinnaanermut, ataatsimut inuunermut kiisalu peqqinnissaqarfimmut akiliunneqarnissamut sillimmasiissutinik ilaqartut neqeroorutigineqarput.

Director HR, Mads B. Christensen telefon +299 343200-imut imaluunniit mobil +299 487967-imut attaveqartigalugu paasissutissanik amerlanerusunik pissarsisinnaavutit.

Qinnuteqaat pappiaqqanik attuumassutilinnik ilaqartillugu www.airgreenland.gl aqqutigalugu kingusinnerpaamik 14. september 2018-imi nassiunneqassaaq.

Air Greenlandimi Kalaallit Nunaanni silaannakkut angallannermi pisariaqartitat immikkut ittut paasisimaarinissaat ileqquuvoq tulluusimaarutaasoq. Suliffeqarfiup pissutsit pinngortitap aammalu illoqarfiit nunaqarfiillu akunnerminni isorartussusiisa pilersitai atorlugit Kalaallit Nunaanni innuttaasut, takornariat atuisullu inuussutissarsiutinik ingerlataqartut sullittarpai. Tamatuma kingunerisaanik suliffeqarfik nunarsuarmi silaannakkut angallasseqatigiiffiit pisariunersaasa ilagaat. Suliffeqarfimmi sulisut 510-it missaanniittut ukiumut kaaviiaartitat 1,2 mia. koruuniusut, tassalu Kalaallit Nunaanni IST-p 15%-iata missaanniittut anguneqarnissaannut ikiuuttuupput. Sulisut 75%-iisa missaanniittut Nuummi atorfeqarput, sinneri sinerissami aamma Københavnimi atorfeqarlutik. Kalaallisut oqaatsit Air Greenlandimi pingaarnertut atorneqarput, danskisut tuluttullu oqaatsit tulliullutik.