Skip to main content
112

Dette jobopslag er udløbet

Air Greenland timmisartumi saqisutut aasaanerani 2018-imi Københavnimi qinnuteqarnissannut piareersimavoq

Timmisartumi saqisut timmisartumi isumanaatsuunissaq suliassani pingaarnersaraat. Saniatigut suliassat tassaapput ilaasut pitsaanerpaamik kiffartuunnissai, kiisalu ilaasut timmisartornerminni toqqissisimatinnissai. 

 

Qinnuteqartunut naleqquttunut Air Greenlandip ilinniagaqarnissamik neqeroorfigai, sapaatip akunneranik sisamanik sivisissusilimmik. Ilinniarnerup nalaani akissarsiaqanngilaq. Ilinniagarlu ulluinnarni ilaanikkullu sapaatip akunnerata naalernerani ingerlanneqartassalluni,  arfineq-pingasunit tallimanut tungaanut. Ilinniagaq ilagaa ajunaalernermi sungiusarneq ingerlatseriaasillu, ikiueqqaarneq, timmisartumi teknikkikkut ilisimasaqarneq, ikuallannermi qamitsineq sullissinerlu.

 

Ilinniagaq Københavnimi ingerlanneqassaaq - Pikkorissaaneq apriilip pingajuani 2018 aallartissaaq.

 

Saqisutut suleqataalernissannut piumasaqaatit tassaapput:

  • Qallunaatut, kalaallisut tuluttullu oqallorinnissaq
  • Meeqqat atuarfianni naammassisimanissat imaluunniit ilinniarsimanissat assingusumut
  • Timikkut tarnikkullu peqqilluarnissat
  • Naliginnaasumik isigisinnaassuseqarnissaq (naqqiinnermit 6/12 ataallugu pisariaqarpoq)
  • Minnerpaammik 160 cm-imik annerpaammillu 185 cm-imik angissuseqassaatit
  • Nalussinnaassaatit ilinniarnerup ingerlaneraniluunniit ilinniarnissaa piareersimaffigissavat (ilinniarnerup ingerlanerani nalunnermi 200 meterimik misilitsittoqassaaq)
  • Pillagaasimanngitsutut allagartaqarnissaq
  • IT-imut ilisimasaqarnissaq
  • Minnerpaammik 21-inik ukioqassaatit utoqqaanerilaarlutilluunniit
  • Sullissitit atornerani ersinngitsunik kakiorneqarnissaq piercingeqarnissarlu

 

Oqaaseqatigiit tulliuttut illit isumannik ilinnut eqqaannarpat:

  • Qiimasuuvutit isumaginnilluartuullutillu, inussiarnerputit oqaluukkuminarlutillu
  • Nakuniallaqqissuuvutit inuttut ammasuullutillu
  • Tatiginartuuvutit pisussaassutsinillu pingaartitsillutit
  • Periarfissanik ujartuineruvutit killiliinneq isiginiarnerunagu
  • Sullissilluarnissat pingaartippat
  • Ulloq unnuarlu namminersorlutit sulisinnaavutit
  • Suliatit naammassilluarusuppatit
  • Avammut takutitsilluarsinnaavutit isikkulersorluarsinnaallutillu

 

- Taava immaqa aasanerani sulisorisinnaavatsigit!

Piukkunneqarnissannut pingaaruteqarpoq paasissutissatit eqqortumik nassiunnissai Air Greenlandip nittartagaa www.airgreenland.gl aqqutigalugu.
Aallaqqaammut “Ansøgningsskema til Kabinepersonale”-imi immersugassat immersukkit, taannalu uani ”Timmisartuni inuttatut qinnuteqarfissaq” aasinnaavat. Pillagaanngitsutut allagartat paasissutissallu allat qinnuteqarnermut attuumassutillit aamma nassiussavatit.

Qinnuteqarfissaq killeqarpoq februaarip 19-ani, naatsorsuutigineqarporlu suliffarsiortut oqaloqatigiumaneqarumaartut februaarip naalernerani.


Air Greenlandip ilitsoqqussaraa Kalaallit Nunaanni timmissartukkut angallassinermut immikkut pisariaqartitat paasinissai. Suliffeqarfik Kalaallit Nunaanni inuiaqatigiit, takornariat inuussutissarsiutinilu sullitagut illoqarfinni nunaqarfinnilu pinngortitap unammillernartui akornanni sullippagut. Taamaattumik suliffeqarfik nunarsuarmi timmisartukkut angallassinermi immikkuullarissuuvoq. Suliffeqarfiup sulisui 550 missaanniittut ukiumut 1,2 mia. kr-imik kaaviaartitaqarnissamut sullisseqataapput, kaaviiaartullu Grønlands BNP-imit 15 %-iullutik. 75 %-ii sulisut Nuummi atorfeqarput, sulisuilu sinneri sineriamiillutik Københavnimilu. Air Greenlandimi kalaallit oqaasii siulliunneqarput, kingornalu qallunaatut tuluttullu.  

Atorfimmut, suliffeqarfik pillugu imaluunniit timikkut pissutsit pillugit apeqquteqassaguit HR immikkoortortaqarfik attavigisinnaavat mailikkut chr@airgreenland.gl imaluunniit oqarasuaatikkut 343201.