Savaatillit Peqatigiit Suleqatigiissut SPS De Samvirkende Fåreholderforeninger

Dette job-opslag er udløbet

Savaatillit Peqatigiit Suleqatigiissut siunnersortimik / allaffimmi pisortassamik  pissarsiorput piaartumik imaluuniit isumaqatigiisuteqarnikkut atorfinittussamik.

Atorfik Qaqortumiippoq, pingaarnertut makku suliarineqartarput:

SPS-ip siulersuisuisa ataatsimiineri ataatsimiititsinerilu pilersaarusiorlugit peqataaffigalugillu, suliassiisutigineqartut assigiingitsut, aamma ESU-mut qinnuteqaatit, allakkatigut pisortanut allanullu saaffiginnissutissat suliaralugit. Tunisassiat akissaanik isumaqatigiiniarnerit piareersartarneri kiisalu tunisassiat akilerneqartarneri malinnaaffigalugu. 

Savaateqarfiit ataasiakkaat Nunalerinermi siunnersorteqarfik peqatigalugu pilersaarusiorfigalugit ammalu savaateqarfinnut angalasarnerit. 

Atorfinittussaq makkuninnga piginnaasaqassasoq naatsorsuutigineqarpoq:

  • Marluinnik oqaasilik
  • Niuernermut allaffimmiutullu piginnaanilik naatsorsuuserinermut paasisimasalik
  • Qarasaasialerinermik atuisutut ilisimasalik
  • Inerisimasoq, isumagissoq akisussaasusilillu
  • Namminersorsinnaasoq, peqqissaartoq aammalu sukumiisumik sulisartoq
  • Tamatigoortoq suleqatigiisinnaasuseqartorlu
  • Pisariaqartitsineq naapertorlugu suliassanik nutaanik tigusisinnaasoq
  • Inussiarnersoq, angalanermillu nuannarisalik

Qinnuteqartup qinnuteqaataa sumi atorfeqarsimanermik ilinniarsimasanillu imaqassaaq, suliffigisimasamiillu oqaaseqaatinik ilaqassalluni.

Nunalerinermi siunnersorteqarfimmi sulisut suleqatigilluarnissaat pingaartinneqarpoq.

Uumasuuteqarnikkut nunalerinikkullu ukiuni maakkunani annertuumik inerisaanialernerup nalaani suleqataarusukkuit periarfissaq manna aqqutigisinnaavat.

Atorfik pillugu Nunalerinermi siunnersorteqarfik paasiniaavigineqarsinnaavoq, tel.642306, aamma SPS-ip siulittaasua  tel. 199207