Mary aningaasaateqarfiliorpoq

Aningaasaateqarfiup nutaap Kunngissap nulianit Marymit pilersinneqartup meeqqat, inersimasut ilaqutariillu inuuniarnikkut immikkoortitaallutik misigisimasut imaluunniit avissaartitaasutut misigisimasut ikiorsertarniarpai.

Den oprindelige startkapital på 1,1 mio. kr. blev indsamlet blandt danskere og grønlændere i anledning af kronprinsparrets bryllup i maj 2004 og skænket som en gave.

Maryp Aningaasaateqarfiata pilersinneqarneratigut Kunngissap nuliata Maryp kissaatigaa assigiinngissutsinut akuerinnissinnaassuseq siuarsarneqassasoq inuillu inuuniarnikkut immikkoortitaasut ikiorneqassasut. Marlunngormat pilersitseqatini ingerlatsinermullu suleqatini ataatsimeeqatigai, tassungalu atatillugu eqqarsaatini aningaasaateqarfiullu aaqqissuussaanera ilisimatitsissutigai

- Mary Fonden kunngissap nuliatut sulinerma saniatigut suliassaalerpoq pissanganartoq, Taamalu uanga aningaasaateqarfik una aqqutigalugu inuuniarnikkut suliniarnikka ataatsimoorfeqartissinnaalissavakka. Sakkortuumik misigisimavunga kikkulluunniit sumiiffeqarsinnaatitaasut aammalu paasissagaat paasineqarnertik isumaalugineqarnertillu paasissagaat. Tamanna Mary Fonden-ip tunngavigaa, kunngissap nulia Mary tusagassiutinut nalunaarummi oqarpoq.

Mary fonden-ip pisortatigoortumik siunertaraa "meeqqanut, inersimasunut ilaqutariinnullu avatangiisinit, kingornussaminnik, nappaatinik pissutsinilluunniit allanik peqquteqartumik ataasiakkaat inuuniarnikkut immikkoortitaasutut imaluunniit anisitaasimasutut misigisimasunut ikiuunnissaq".

Qallunaat aningaasaateqarfii arfineq-pingasut - Carlsberg, Lego, Nykredit, Det Obelske Familiefond, Oticon Fonden, Poul Due Jensens Fond, Villum Kann Rasmussen Fonden aamma TrygFodnen - pilersitseqataasutut aningaasaateqarfimmut aningaasaliisuupput. J.C. Hempels Fond ininik allaffinnik tunisisuuvoq, ingerlatsinermullu suleqatitut aningaasaateqarfiup aningaasartuutaasa matussuserneqarnissaannut qularnaarinnittuulluni.

- Assorsuaq nuannaarutigalugulu tulluusimaarutigaara aningaasaateqarfiup sulinissaanut pitsaamik toqqammavissinneqarmat, kunngissap nulia oqarpoq.

Aningaasaateqarfik piginneqataasut tapiissuteqarneratigut 73,6 mio. kr.-inik aningaasaateqarpoq. Aallarniutitut aningaasaataaqqaartut 1,1 mio. kr.-nit kunngissakkut 204-mi katinnerannut atatillugu qallunaat kalaallillu katersuiniarnerannit katersorneqarsimapput - tunissutitut tunniussat.

Powered by Labrador CMS