Diskolinemut angalaniat amerlasuut
Qeqertarsuup Tunuani ukiuunerani angalaniat amerlangaarmata angalanissat ilaneqarput.
Disko Linep imaatigut naliginnaasumik angallasinini naammassivaa ulloq 30. november 2007, tamatumalu kingorna ukiukkut angalassineq aallartillugu. Nutaamik taallugu tapiissutitaqanngitsumik angallasineq aallartinneqarpoq sapaatip akunnnerisa ullui aalajangersimasut atorlugit decemberimi januaarillu aallartilaarnerani. Neqeroorutigineqartut ima soqutigineqarsimatigipput allaat angalavissat ilaat maanna ulikkaartitereerlutik, pisortaq Ole Dorph unnersiorpoq.
Angalarusuttut suli periarfissinniarlugit Disko Linemi aalajangerneqarpoq angallannerit Aasianniit Attup tungaanut amerlisinniarlugit. Taamattumik Aviaq Ittuk immikkut angalatinneqassaq tallimanngorneq 21. december Aasianniit aallarluni nal. 0700. Kangaatsiamut, Niaqornaarsummut, Ikerasaarsaarsummut, Iginniarfimmut kiisalu Attumut Aasiannullu uterlugu.
Tamatuma saniatigut Aviaq Ittuk Attumiit Aasiannut ingerlaartinneqassaaq tallimanngornermi 4. januar 2008, Kangaatsiap nunaqarfii tamakkerlugit aqqusaartorneqassallutik.
Angalanissanut pineqartunut billittinik nittartakkakkut pisisoqarsinnaanngilaq taamaattorli Disko Linep allaffianut saaffiginninikkut pissarsiarineqarsinnaallutik.